KƏLA RĀĀ 13:5 - Bibəl ta Sar̄

⁵ Dan ń ugə̄n̄ Salamin anī, ɔjən̄ najə̄ yā Nə́ɓā kem kújə́ kán̄ naā gə̄ yā Jipə gə̄ tə́. Ja̰a̰ Mark i sedə́, i ni n i nge rāā sedə́ ní.

Bible sar

⁵ Dan ń ugə̄n̄ Salamin anī, ɔjən̄ najə̄ yā Nə́ɓā kem kújə́ kán̄ naā gə̄ yā *Jipə gə̄ tə́. Ja̰a̰ Mark i sedə́, i ni n i nge rāā sedə́ ní.

KƏLA RĀĀ 13:5 Referans Kwoze

KƏLA RĀĀ 13:14

Banī nin̄-unən̄ ta njə̄rā mbā yādə́ kum kə̄ kété, nin̄-ḭḭn̄ Perjə aw̄ ugə̄n̄ A̰tiyos kə́ Pisidi tə́. Ndɔ̄ sabat tə́ anī, nin̄-udən̄ kújə́ kán̄ naā tə́ ba aw̄ ndin̄ nang tə́.

KƏLA RĀĀ 13:46

Loo ń noō tə́ Pol nin̄ kə Barnabas ədan̄də́ kanjə̄ ɓōĺ na: Majə kadə̄ i sḭḭ̄ n ədan̄sí najə̄ yā Nə́ɓā kété ní! Ba dan ń sḭḭ̄ kɔ́ gə̄ ī-mbātíī ō, á̰a̰ī kadə̄ ī-ndetiī kadə ndi kə kumuú kə́ ngándáńg aĺ ō ɓá ní, jḭḭ jə-tūr̄ rɔ̄jí kə̄ rɔ̄ de gə̄ kə́ nin̄ i Jipə aĺ gə̄ tə́.

KƏLA RĀĀ 19:8

Pol aw̄ kújə́ kán̄ naā yā Jipə gə̄ tə́ ba ɔr̄ najə̄ kemeé kanjə̄ ɓōĺ nāā mətá. Ni-ɔr̄ i najə̄ kə́ dɔ Ɓē ko̰o̰ yā Nə́ɓā tə́ ō, sāā i kɔsə ngóý ngé koō najə̄ kɔrə̄n gə̄ ō.

KƏLA RĀĀ 18:4

Kə ndɔ̄ sabat gə̄ malang ní, Pol a ɔr̄ i najə̄ kem kújə́ kán̄ naā tə́. Ni sāā i kɔsə ngóy Jipə gə̄ ō Gərek gə̄ ō.

KƏLA RĀĀ 17:17

Ni-ɔr̄ najə̄ kem kújə́ kán̄ naā tə́ kə Jipə gə̄ ō, kə ngé rɔȳ Nə́ɓā gə̄ ō. Ni-ɔr̄ najə̄ ndágə looó kə dɔ ndɔ̄ gə̄ kə de gə̄ ń ni-əngedə́ ní ō.

KƏLA RĀĀ 14:1

Yá̰á̰ nəkɔ́ kə́ kógə̄ḿ beē ń toō rāā yá̰a̰ kem ɓē kə́ Ikoniyɔm tə́ ō: Pol nin̄ kə Barnabas udən̄ kújə́ kán̄ naā yā Jipə gə̄ tə́, ba ɔrə̄n̄ najə̄ kɔr̄ kógə̄ḿ kə́ rāā adə̄ Jipə gə̄ ngá̰ý ō, Gərek gə̄ ngá̰ý ō, télən̄ ngé taā kem gə̄.

KƏLA RĀĀ 12:12

Ni-ra gír̄ yá̰á̰ kíndíńg, ba ɔtə aw̄ ɓē Mari kó̰o̰ Ja̰a̰ ń rī tɔ̄yn na i Mark ní tə́. De gə̄ ngá̰ý kánə̄n̄ naā looneé a ndɔ̄ȳn̄ Nə́ɓā.

KƏLA RĀĀ 9:20

Ni ngóō alé ba udə kə̄ rɔ̄ kɔjə najə̄ tə́ kem kújə́ kán̄ naā gə̄ tə́, əda de gə̄ na Jeju i Ngōn̄ Nə́ɓā.

2 TIMOTE 4:11

ba i Luk ngóy n i seḿ ní. Ādə̄ Mark reē seí, tɔdɔ̄ ni a ɔsə kílə́ḿ tū kəla yāḿ gə̄ tə́.

KOLOSƏ 4:10

Aristark ń i dəngáy madə́ḿ ní, rāāsí lápə́ya. Mark kə́ ngōkó̰o̰ Barnabas rāāsí lápə́ya ō. Ni ní tāān̄sí najə̄ kə́ dɔn tə́ adə̄ ōōī ɓá. Ré ni-ugə̄ loosí anī, ə́hɔin̄ kə̄ rɔ̄sí tə́ majə.

KƏLA RĀĀ 15:37

Barnabas ndigə kun Ja̰a̰ ń rīn kə́ ko̰ jōó na i Mark ní kadə̄ aw̄ sedə́ ō.

KƏLA RĀĀ 12:25

Dan ń Barnabas nin̄ kə Sol tɔ̄lə̄n̄ ta kəla ń əlan̄də́ ní kem ɓē kə́ Jerusalem tə́ anī, télən̄ dɔ tə́ ta kaw̄ gogə́, ba unən̄ Ja̰a̰ ń rī tɔ̄yn na i Mark ní kadə̄ aw̄ sedə́.

1 MBAN̄G GƏ̄ 19:21

Elije tél aw̄ ta ndɔr̄ yān tə́ əhɔ man̄g yān kə́ jōó gə̄ tɔ̄l̄ ba tun̄ adə̄ Nə́ɓā. Ni-rāā hor kə júgə́ kə́ kɔ́ɔ man̄g gə̄ tə́ ō, kə kāgə̄ kɔsə ń do̰ō̰ gír man̄g gə̄ tə́ a ndɔrə̄ń ní ō, ndīrəń dā̰ man̄g gə̄ ní adə̄ deē yān gə̄ adə̄ əsan̄. Gō tə́ anī aw̄ gō Eli tə́ yā rāā kəla yān.

MATIYE 20:26

Banī majə kadə̄ to i tītə̄ ń noō dansí tə́ alé. Ba ré de kə́rēý gḛy kadə̄ ni i de kə́ bo kə́ dansí tə́ anī, ādə̄ kɔ́ɔ̄ tél nge rāā kəla yāsí.

2 MBAN̄G 3:11

Ba Josapat dəje na ké nge koō ta yā Kɔ́ɔ̄ɓē kə́ yā kadə̄ n-oōn̄ najə̄ kə́ ta Kɔ́ɔ̄ɓē tə́ rɔ̄n tə́ ké gətóo laā wa. Anī ngol áskar gə̄ kógə̄ḿ yā mban̄g kə́ Israel tə́ əda na: Elije kə́ ngōn̄ Sapat ń kété a ɓōkə́ man̄ dɔ jī Eli tə́ ní i laā.

1 MBAN̄G GƏ̄ 19:3

Eli a̰a̰ beé anī a̰ȳ yā kajəń rɔ̄n. Ni-aw̄ ugə̄ Beer Seba kə́ gō nang kə́ Juda tə́ anī əya̰ nge kəla yān noó.

Teē Ngán Israel gə̄ 24:13

Moijə əda kum kɔɔ̄ gə̄ yā ngán Israel gə̄ na kə ngóōn̄də́ loo ń noō tə́ kadə̄ n-tél kə n-reē kə n-əngen̄də́. Aaro̰ ō, Hur ō, na a ndin̄ sedə́ kə̄ naā tə́. Adə̄ ré najə̄ kə to ɓáa, kə aw̄n̄neé rɔ̄də́ tə́. Moijə ɔtə al̄ dɔ mbalá nin̄ kə Jojue nge kɔsə kílən.

KƏLA RĀĀ 19:22

Ni-əla de gə̄ jōó dan ngé gə̄ ń rāān̄ kəla seneé tə́ ní, adə̄ i Timote ō Erastə ō. Nin̄-aw̄n̄ Masedəwan kété, ba nəkɔ́ tá ndi gogə́ gō nang kə́ Aji tə́ sḛ́ý ɓáý.

KƏLA RĀĀ 19:29

Najə̄ ní taā loo kem ɓēé malang, adə̄ de gə̄ bə̄gān̄ naā ta kaw̄ kə̄ loo kɔjə yá̰á̰ tə́, ba ndɔ́rə̄n̄ Gayus nin̄ kə Aristark ń i de kə́ Masedəwan tə́ gə̄ ní ō, i madə̄ mbā Pol gə̄ ní ō aw̄n̄ sedə́.