KƏLA RĀĀ 13:41 - Bibəl ta Sar̄

⁴¹ Sḭḭ̄ ngé kídə̄ loo gə̄, á̰a̰ī ō, ādī ɔr kumsí ō, ba ī-gətóoī kɔ̄ɔ́! Tɔdɔ̄ m-ā m̄-rāā yá̰á̰ kógə̄ḿ dan ń sḭḭ̄ ā ī-ndiīneé kə kumsí ɓáý ní tə́, tām̄ ré deē ənīsí i gotə anī ā ī-taāī kem alé.

Bible sar

⁴¹ Sḭḭ̄ ngé kídə̄ loo gə̄, á̰a̰ī ō, ādī ɔr kumsí ō, ba ī-gətóoī kɔ̄ɔ́! Tɔdɔ̄ m-ā m̄-rāā yá̰á̰ kógə̄ḿ dan ń sḭḭ̄ ā ī-ndiīneé kə kumsí ɓáý ní tə́, tām̄ ré deē ənīsí i gotə anī ā ī-taāī kem alé.

KƏLA RĀĀ 13:41 Referans Kwoze

HABAKUK 1:5

Kɔ́ɔ̄ɓē əda na: Yá̰á̰ ń a rāā yá̰a̰ dan nápar de gə̄ tə́ ní, ə̄ndāī ma̰ȳ á̰a̰ī majə, ba ādī ɔr kumsí ō, ādī yáāsí ngá̰ý ō! A̰á̰ā̰, yá̰á̰ kógə̄ḿ kə́ to jákə́ ngá̰ý a rāā yá̰a̰ dan ń ī-ndiīń kə kumsí ní. Ré deē ənīsí i gotə anī, ā ī-taāī kem alé!

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?

Gōsə̄ najə̄ gə̄ 5:12

Loo ń noō tə́ ā əda na ké ī-rāā i ba̰ý n kɔjə̄ nelīneé aĺ ní wa, ké kemií rāā i ba̰ý n kídəń ndán̄g kə́ ndángə̄nī dɔ hálí tə́ ní wa,

1 TESALONIK 2:16

Nin̄-ɔgə̄n̄jí kɔjə nápar de kə́ rang gə̄ Najə̄ kə́ Majə kadə̄ ajən̄neé ō, a tɔ̄lə̄n̄ ta yá̰a̰ rāādə́ kə́ majaĺ i tītə̄ ń noō dejə ō. Banī Nə́ɓā gān̄g sarya dɔdə́ tə́ ta tɔ̄l̄ ta tə́.

KƏLA RĀĀ 13:47

Tɔdɔ̄ yá̰á̰ ń Kɔ́ɔ̄ɓē ɔsə sejí ta rāā ní n toō: M-ə̄ndāī kadə̄ ḭ̄ i loo kə́ unjə̄ kow yā nápar de gə̄ ō, kadə̄ ɔ́jə najə̄ kə́ dɔ kajə tə́ bátə́ kadə̄ ugə̄ ta ngóy dɔ nang tə́ ō.

KƏLA RĀĀ 22:21

Banī Kɔ́ɔ̄ɓē ədam̄ na: Āw̄ na m-ā m-ə́laī i kə sa̰y, i kə̄ rɔ̄ de gə̄ kə́ nin̄ i Jipə aĺ gə̄ tə́.

Najə̄ kə́ Majə yā Jeju ń Luk ndang ní 16:14

Parijiyḛ gə̄ nel̄də́ nar ngá̰ý, adə̄ dan ń nin̄-oōn̄ najə̄ gə̄ ń toō anī, lurən̄ Jeju.

IJAI 65:15

Ngé gə̄ ń m̄-gə̄rādə́ ní a unən̄ rīsí i yā ndɔ̄lə́nń deē ngóy, nin̄ a ədan̄ na: Ādə̄ Kɔ́ɔ̄ɓē Nə́ɓā rāā adə̄ óy tītə̄ yā deē ń toō, aláa tītə̄ yā de kə́ rang ń toō! Banī ngé gə̄ ń rāān̄ kəla adə̄mə̄n̄ ní, tām̄ yādə́ tə́ ɓáa a unən̄ i rī kə́ rang.

IJAI 5:24

I tām̄ najə̄ ń toō tə́ n nin̄ a ton̄ tītə̄ mu kə́ hor o̰o̰ ní, aláa a ton̄ i tītə̄ mu kə́ tutə kə́ udə lim kɔ̄ɔ́ kum ta ndo̰ hor gə̄ tə́ ní. nin̄ a ndumən̄ i ngəradə́ tə́. Hútə̄də́ a ḭḭ nél tītə̄ bumbə́ru beé. Tɔdɔ̄ nin̄ kídə̄n̄ yá̰á̰ ndóō gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ mbātə́n̄ najə̄ kɔr̄ Nə́ɓā kə́ táĺ yā Israel.

KƏLA RĀĀ 3:23

Deē ń a oō najə̄ yā nge koō ta ngeé ń toō aĺ ní, a ɔr̄nən̄ kɔ̄ɔ́ dan gír de gə̄ yā Nə́ɓā tə́ yā tɔ̄lən.

KƏLA RĀĀ 6:14

Najə̄ ń ni-əda ní j-oō majə ngá̰ý, ni-əda na Jeju kə́ Najaret ń noō na a nujə loo ń toō kɔ̄ɔ́ ō, na a tūr̄ gír jī bēl̄ loo rāā yá̰a̰ gə̄ ń Moijə ɔjəjí ní kɔ̄ɔ́ ō.

Najə̄ kə́ Majə yā Jeju ń Luk ndang ní 23:35

De kə́ kem ɓē gə̄ ra a̰a̰n̄ loo sikəm. Ba ngār gə̄ tá a kəgōn̄ naā dɔ Jeju tə́. Nin̄-ədan̄ na: Ni ń ajə de kə́ rang gə̄ ní, ré ni i Kərist anī, ādə̄ ajə rɔ̄n yā ka̰a̰ tā.

EJEKIEL 33:9

Ba ré ḭ̄ ī-tāā de kə́ majaĺ ní, ī-dəjen kadə̄ tūr̄ hálən, banī ni-rāā nge ń noō alé. Anī deē ngeé ń noō a oy najə̄ yá̰a̰ rāān gə̄ kə́ gōtə́ aĺ tə́, banī ḭ̄ ā ájə rɔ̄í.