Biblia Todo Logo
Bib sou entènèt

- Piblisite -




KƏLA RĀĀ 13:1 - Bibəl ta Sar̄

1 Ngé koō ta gə̄ ō, ngé ndóō de gə̄ yá̰a̰ gə̄ ō, ndin̄ kem Egəlijə kə́ A̰tiyos tə́. De gə̄ ní i Barnabas ō, Simeo̰ ń a ɓāŕnən̄ na i de kə́ ndul ní ō, Lusius kə́ Siren ō, Manahen ń ətōn̄də́ naā tə́ kə Herod nge ko̰o̰ ɓēé ní ō, Sol ō.

Gade chapit la Kopi

Bible sar

1 *Ngé koō ta gə̄ ō, ngé ndóō de gə̄ yá̰a̰ gə̄ ō, ndin̄ kem Egəlijə kə́ A̰tiyos tə́. De gə̄ ní i Barnabas ō, Simeo̰ ń a ɓāŕnən̄ na i de kə́ ndul ní ō, Lusius kə́ Siren ō, Manahen ń ətōn̄də́ naā tə́ kə Herod nge ko̰o̰ ɓēé ní ō, Sol ō.

Gade chapit la Kopi




KƏLA RĀĀ 13:1
34 Referans Kwoze  

Jəjep ń ngámbang kəla gə̄ əndān̄ rī tɔ̄yn na i Barnabas ń, kumən na i nge sɔl̄ kem deē ní, i de kə́ gír kaa yā Lebi tə́. Ojənən̄ i dor̄ kə́ Sipər tə́. Ni-aw̄ kə loo ndɔr̄ kógə̄ḿ.


Ba Pol nin̄ kə Barnabas tá ndin̄ A̰tiyos. Nin̄-ndóōn̄ de gə̄ yá̰a̰ ō, ɔjən̄ de gə̄ Najə̄ kə́ Majə yā Kɔ́ɔ̄ɓē ō, de kə́ rang gə̄ ngá̰ý i sedə́ ō.


Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan Jipə gə̄ tə́ ní.


Loo ń noō tə́ Ndíĺ kə́ Táĺ rosə kem Sol ń a ɓāŕnən̄ na i Pol ō ní, adə̄ əndā kumən dɔn tə́,


Ba yá̰a̰ gə̄ ń ni-adə̄ de gə̄ karī ní, i ngámbang kəla gə̄ ō, ngé koō ta gə̄ ō, ngé kɔjə Najə̄ kə́ Majə yān gə̄ ō, ngé ngɔ̄m̄ yá̰a̰ kul̄ gə̄ ō, ngé ndóō de gə̄ yá̰a̰ ō.


Jud ō, Silas ō ń nin̄ i ngé koō ta gə̄ ní, ɔrə̄n̄ najə̄ kə ngákó̰ó̰də́ gēé dan i ngá̰ý. Mbūsə̄n̄neédə́ ō, adə̄n̄neédə́ tɔ́gə ō.


Kem ɓāl̄ kə́ nge ko̰ kutə gidə i mí ń Tiber Sejar o̰o̰ń ɓē tə́ ní, Po̰sə Pilatə i nge ko̰o̰ ɓē kə́ Jude ō, Herod i nge ko̰o̰ ɓē kə́ Galile ō, ngōkó̰o̰ Herod ń rīn na i Pilipə ní i nge ko̰o̰ ɓē kə́ Iture ō kə́ Tərakonitidə ō, Lijanias i nge ko̰o̰ ɓē kə́ Abilen ō,


De gə̄ yā Nə́ɓā malang ń ndin̄ laā ní, rāān̄sí lápə́ya, ba mandang ɓáa, i ngé kə́ kem ndogə̄ yā Sejar tə́ gə̄.


Loo ń noō tə́ gotə Jipə gə̄ rāān̄ yá̰a̰ kə ɓōló tītə̄ yān ō, Barnabas nəkɔ́ gə̄gē ndájə̄ yá̰a̰ rāādə́ ō.


I mā ō, Barnabas ō ngóy n Nə́ɓā ɔgə̄jí kəya̰ gír kəla kə́ jījí tə́ kɔ̄ɔ́ ní a?


Timote kə́ madə̄ kəlaḿ rāāsí lápə́ya ō, Lusius ō, Jaso̰ ō, Sosipatər ō nin̄ ń i ngééḿ gə̄ ní rāān̄sí lápə́ya.


Ni-aw̄ kə ngánən kə́ dəyá̰ gə̄ sɔ́ kə́ gerə̄n̄ dəngam aĺ gə̄. Nin̄ i ngé kəda najə̄ kə́ Nə́ɓā əndā tadə́ tə́ gə̄.


Pol əndā jīn dɔdə́ tə́, anī Ndíĺ kə́ Táĺ reē dɔdə́ tə́. Loo ń noō tə́ nin̄-ɔrə̄n̄ najə̄ kə ta kə́ tayā tayā gə̄ ō, ədan̄ najə̄ gə̄ ń Nə́ɓā əndā tadə́ tə́ ní ō.


I yá̰á̰ ń noō n nin̄-rāān̄ ní, adə̄ əlan̄ Barnabas ō Sol ō kə yá̰a̰ kadə̄ karī gə̄ ní kadə̄ aw̄n̄neé adə̄n̄ kum kɔɔ̄ gə̄ kə́ gō nang kə́ Jude tə́.


Ī-lōōī kídə̄ najə̄ ń Nə́ɓā əndā ta ngé koō ta gə̄ tə́ ní.


Dan ń Barnabas nin̄ kə Sol tɔ̄lə̄n̄ ta kəla ń əlan̄də́ ní kem ɓē kə́ Jerusalem tə́ anī, télən̄ dɔ tə́ ta kaw̄ gogə́, ba unən̄ Ja̰a̰ ń rī tɔ̄yn na i Mark ní kadə̄ aw̄ sedə́.


Dan ngeé ń noō tə́ ní, najə̄ yā ka̰ȳ ndíĺ ngé ndóō yá̰a̰ gə̄ yā Kɔ́ɔ̄ɓē ō, najə̄ yā tɔ̄l̄də́ ō, teē dɔ Sol tə́ alé.


Dan ń teē a aw̄n̄ seneé kə̄ gidə ɓē tə́ ndágá anī, əngen̄ deē kógə̄ḿ kə́ Siren, rīn na i Simo̰. Əhɔnən̄ adə̄ ətō kāgə̄ kə́ dēsə́ yā Jeju.


Adə̄ de kə́ dəngam ń utə̄ dɔn a ndɔ̄yń Nə́ɓā, aláa a ədań najə̄ kə́ Nə́ɓā əndā tan tə́ ní, əla i rɔ̄sɔl̄ dɔ de kə́ dɔn tə́ tə́.


Ká ré m-ə́dań i najə̄ kə́ Nə́ɓā əndā taḿ tə́ aláa m̄-gerə̄ń i yá̰á̰ kə́ to loo mundə̄ tə́ gə̄ malang, aláa m̄-gerə̄ń yá̰a̰ malang, aláa taā kem yāḿ i kə́ mámák, adə̄ i nge ń a ndɔ́tə̄ kə mbal̄ bo gēé loo ndadə́ tə́ ní gə̄gē, ba m̄-tár aĺ anī, mā i yá̰á̰ kógə̄ḿ alé.


Tár a to ngándáńg. Gír kəda najə̄ kə́ Nə́ɓā əndā ta deē tə́ a gān̄g ō, gír kɔr̄ najə̄ kə ta kə́ tayā gə̄ a gān̄g ō, gíŕ yá̰a̰ ger̄ kə́ kə ta kūl̄ Ndíĺ kə́ Táĺ a gān̄g ō.


Ba yā ngé kəda najə̄ kə́ Nə́ɓā əndā tadə́ tə́ gə̄ ní, ādə̄ de gə̄ jōó aláa mətá dandə́ tə́ ɔrə̄n̄ najə̄, ba ādə̄ gotə gə̄ əndān̄ ma̰ȳ najə̄ gə̄ ń nin̄-ɔrə̄n̄ ní.


Ndíl nge koō ta i nge kəla dɔn gíŕ tɔ́gə yā nge koō ta tə́.


Swiv nou:

Piblisite


Piblisite