KƏLA RĀĀ 12:7 - Bibəl ta Sar̄

⁷ Anī de kə́ dɔ rā̰ tə́ yā Kɔ́ɔ̄ɓē teē rétə́ ō, loo unjə̄ kow kem kújə dəngáyá ō. De kə́ dɔ rā̰ tə́ ní ɔdə kadə Piyer ndól̄nń ba ədan na kə ḭḭ dɔɔ́ láẃ. Loo ń noō tə́ súĺ gə̄ kə́ jī Piyer tə́ téē tə́sōn̄ kɔ̄ɔ́.

Bible sar

⁷ Anī *de kə́ dɔ rā̰ tə́ yā Kɔ́ɔ̄ɓē teē rétə́ ō, loo unjə̄ kow kem kújə dəngáyá ō. De kə́ dɔ rā̰ tə́ ní ɔdə kadə Piyer ndól̄nń ba ədan na kə ḭḭ dɔɔ́ láẃ. Loo ń noō tə́ súĺ gə̄ kə́ jī Piyer tə́ téē tə́sōn̄ kɔ̄ɔ́.

KƏLA RĀĀ 12:7 Referans Kwoze

KƏLA RĀĀ 5:19

Dan ndɔ̄ɔ́ anī de kə́ dɔ rā̰ tə́ yā Kɔ́ɔ̄ɓē teē ta kújə dəngáy, ni-aw̄ sedə́ ndágá ba ədadə́ na:

KƏLA RĀĀ 16:26

Anī dɔ nang yéȳ ngá̰ý kə̄ ta jī tə́ noō adə̄ ngəra kújə dəngáy ndebə ō, ta róbə́ kújə gə̄ teēn̄ malang kɔ̄ɔ́ ō, súĺ gə̄ kə́ nja dəngáy gə̄ tə́ malang ní tadə́ tútə kɔ̄ɔ́ ō.

PĀ GƏ̄ 146:7

De gə̄ ń rāān̄də́ yá̰á̰ kə́ tōr̄ ní, ni-gān̄g sarya yādə́ kə gōó. Ni-adə̄ ngé ɓō gə̄ yá̰a̰ kəsa ō, tútə kəlā rɔ̄ dəngáy gə̄ tə́ ō.

PĀ GƏ̄ 107:14

Ni teē sedə́ kɔ̄ɔ́ kum til tə́ ō, taādə́ jī yo tə́ ō, gán̄g kəlā gə̄ ń tṵ́ṵ̄n̄neédə́ ní kɔ̄ɔ́ ō.

PĀ GƏ̄ 34:7

Nge rɔ̄ tō ndoō kógə̄ḿ ɓār̄ yá̰a̰ anī Kɔ́ɔ̄ɓē oō ō, ɔrə̄n kɔ̄ɔ́ dan wur kɔl yān gə̄ tə́ malang ō.

KƏLA RĀĀ 10:30

Anī Kɔrney əda na: Asə ndɔ̄ mətá kɔ̄ɔ́ ɓōólaā tā, i kə mbang nəkɔ́ ń toō bang, adə̄ i kə mbang kə́ mətá kə́ loo sɔlí, m̄-ndi m-ā m̄-ndɔ̄ȳ i Nə́ɓā ɓēé looḿ, anī deē kógə̄ḿ o̰ō̰ kūbə̄ kə́ ndaa kə́ ndə́lē ngá̰ý teē rétə́ gēé reē ra noḿ tə́

EPEJƏ 5:14

tɔdɔ̄ yá̰a̰ malang ń deē teē kə gírneé ndágá ní a tél i loo kə́ unjə̄ kow. I tām̄ ń toō tə́ n ədan̄ na: Ḭ̄ ń ī-ɓīī ní, ī-ndól̄, ḭ́ḭ dɔɔ́ dan de kə́ koy gə̄ tə́, anī Kərist a unjə̄ kow dɔí tə́.

KƏLA RĀĀ 2:24

Banī Nə́ɓā ndólə̄n adə̄ ndi kə kumneé, ni-ɔrə̄n kɔ̄ɔ́ ta rɔ̄ tōr̄ gə̄ yā yo tə́, tɔdɔ̄ yo asə ko̰o̰ ɓē dɔn tə́ alé.

Najə̄ kə́ Majə yā Jeju ń Luk ndang ní 24:4

Nin̄-nda sitə̄n̄ sata, gerə̄n̄ yá̰á̰ kə́ yā gír̄ kəndā dɔ tə́ alé, anī de gə̄ jōó kə́ o̰o̰n̄ kūbə̄ kə́ ndə́lē pir pir gə̄ teē ran̄ nodə́ tə́.

Najə̄ kə́ Majə yā Jeju ń Luk ndang ní 2:9

De kə́ dɔ rā̰ tə́ kógə̄ḿ yā Kɔ́ɔ̄ɓē teē ra nodə́ tə́ ō, kɔsə gɔn yā Kɔ́ɔ̄ɓē unjə̄ kow gīr̄ gidədə́ ō. Anī ɓōĺ rāādə́ ngá̰ý.

MISE 7:9

Majə kadə̄ jə-tə́gā tají, dan ń Kɔ́ɔ̄ɓē a rāāń wōn̄g tə́ ní. Tɔdɔ̄ jə-mān̄ dɔ ndūn. Banī ndɔ̄ a reē noó, kadə̄ ni a rɔ̄ɔ̄ dɔjí tə́ ō, ni a gān̄g sarya kə́ gōtə́ yā kadə̄jí ō. Ni a ɔrjí ta róbə yā kaw̄ sejí kum loo kə́ unjə̄ kow tə́ ō, a rāā majə sejí yā kutə̄ń gidəjí ō.

DANIEL 6:22

Daniel tél ədan̄ na: Kɔ́ɔ̄ ɓē gə̄ adə̄ dɔí ngan̄g májə́ májə́!

1 MBAN̄G GƏ̄ 19:7

Banī de kə́ dɔ rā̰ tə́ yā Kɔ́ɔ̄ɓē tél dɔ tə́ reē ɔdən ba ədan na: Ḭ́ḭ dɔɔ́ ə́sá yá̰a̰, tɔdɔ̄ ré i bəra aĺ anī róbə a ngāl̄ ngá̰ý tām̄ yāí tə́.

KƏLA RĀĀ 12:23

Dan nəkɔ́ ń noō tə́ bang ɓáa de kə́ dɔ rā̰ tə́ yā Kɔ́ɔ̄ɓē əndan. Tām̄ dan ń de gə̄ ɔsən̄ gɔn Nə́ɓā ní, ni-tél kə kɔsə gɔn ní adə̄ Nə́ɓā alé, ba ngɔ̄m̄ i tām̄ yān nəkɔ́ tə́. Loo ń noō tə́ kur̄ gə̄ əsanən̄ adə̄ oy.

KƏLA RĀĀ 9:3

Ba dan ń ni i róbó ɓáý á ugə̄ ngɔr kə̄ Damas ní anī, loo kə́ unjə̄ kow teē dɔ rā̰ tə́ rétə́ gēé reē unjə̄ gīr̄ gidən.

HABAKUK 3:4

Ni ndə́lē tītə̄ loo kə́ unjə̄ kow beé. Yá̰á̰ kə́ ndə́lē pipir gə̄ teēn̄ kem jīn tə́, loo ń tɔ́gən a ɓɔ̄ɔ̄ rɔ̄n tū ní tə́.

EJEKIEL 43:2

Loo ń noō tə́ m-á̰a̰ kɔsə gɔn yā Nə́ɓā yā Israel. Kɔsə gɔn ní ḭḭ i dām̄ kə́ gír ɓē tə́ n a reē. Kōō kɔsə gɔn ní ɓār̄ tītə̄ kōō bā bo beé ō, loo yān kə́ unjə̄ kow unjə̄ adə̄ de gə̄ a̰a̰nə̄ń loo dɔ nang tə́ ō.

IJAI 60:1

Jerusalem, ḭ́ḭ dɔɔ́! Ādə̄ hor gə̄ rāān̄ adə̄ loo unjə̄ kow dɔí tə́, tɔdɔ̄ loo kə́ unjə̄ kow ḭḭ nang tə́ kum kə̄ dɔɔ́ tām̄ yāí tə́: Kɔsə gɔn yā Kɔ́ɔ̄ɓē unjə̄ dɔí tə́ tītə̄ mbang kə́ əɓa beé.

PĀ GƏ̄ 116:16

A̰á̰ā̰ Kɔ́ɔ̄ɓē, mā i nge kəla yāí, nge kəla yāí kə́ dəngam kə́ ngōn̄ kem nge kəla yāí kə́ dəyá̰. Ḭ̄ ī-tútə kəla ń do̰ō̰mə̄n̄neé ní kɔ̄ɔ́.

1 MBAN̄G GƏ̄ 19:5

Gō tə́ anī ni to ɓīī gír ngōn̄ kāgə̄ jene ní tə́. Banī de kə́ dɔ rā̰ tə́ kógə̄ḿ reē ɔdən ba ədan na: Ḭ́ḭ dɔɔ́ ə́sá yá̰a̰!

JEJU TEĒ KUM JA̰A̰ 18:1

Gō tə́ anī, m-á̰a̰ de kə́ dɔ rā̰ tə́ kə́ rang ḭḭ dɔ rā̰ tə́ jə̄ngā. Tɔ́gən i ngá̰ý ō, ndə́lē yān rāā adə̄ loo unjə̄ kow dɔ nang tə́ ō.

HEBƏRO 1:14

De kə́ dɔ rā̰ tə́ gə̄ malang i ndíl gə̄ kə́ ngé rāā kəla yā Nə́ɓā ō, Nə́ɓā əladə́ kadə̄ rāān̄ kə ngé gə̄ ń majə kadə̄ ajən̄də́ ní ō.

KƏLA RĀĀ 12:6

Ndɔ̄ɔ́ ndɔ̄ ń kadə̄ teē a Herod a aw̄ kə Piyeré loo sarya tə́ ní, Piyer to a ɓīī i mbənā áskar gə̄ tə́ jōó. Do̰ō̰nən̄ kə súĺ jōó, ba ngé ngɔ̄m̄ loo gə̄ ran̄ ta kújə́ tə́ a ngɔ̄mə̄n̄ loo.

HABAKUK 3:11

Mbang ō, nāā ō, dəba ran̄ gotə kógə̄ḿ ta kum gərā yāí kə́ ndə́lē gə̄ ń ī-túr̄ tə́ ní ō, ta nənga yāí kə́ ndə́lē gə̄ tə́ ō.

IJAI 37:30

Ba ḭ̄ Ejekias, m-ā m-ādī yá̰a̰ kɔjə yá̰á̰ kógə̄ḿ: Kōnīí laā á ə́saī gémē kə́ əɓa dɔ rɔ̄n. Kem ɓāl̄ ń a reē tə́ noō, i tītə̄ ń noō ɓáý. Banī kem ɓāl̄ kə́ gidə nge ń a reē tə́ noō ní, ā ásiī dubə̄ gémē yāsí ō, kəja gémē yāsí ō, ā ásiī kəndā kāgə̄ nduú gə̄ ō, kəsa kan̄də́ gə̄ ō.

2 SAMUEL 22:29

Kɔ́ɔ̄ɓē, i ḭ̄ n i lámba yāḿ ní, adə̄ loo kə́ ndɔ̄ɔ́ ń m̄-ndi kum tə́ ní, ḭ̄ ūnjə̄ tū tə́.

PĀ GƏ̄ 68:6

Háĺ Nə́ɓā kə́ kem kújə́ kə́ táĺ yān tə́ n toó: Ni i bɔbə̄ ngán hal gə̄ ō, nge ka̰a̰ gō ngé ngaa koy gə̄ ō.

JEREMI 40:1

Kɔ́ɔ̄ɓē ɔr̄ najə̄ kə Jeremií kutə̄ gō ń Nebujaradan ngol ngé ngɔ̄m̄ dɔ mban̄g əya̰n adə̄ teē kem ɓē kə́ Rama tə́ kɔ̄ɔ́ ní. Dan ń noō tə́ ní Jeremi to i kə súlú dan dəngáy gə̄ malang kə́ Jerusalem tə́ ō, kə́ Juda tə́ ō ń ɔyn̄də́ aw̄n̄ sedə́ Babilon tə́ ní banī Nebujaradan tá a̰a̰ gōn majə.

DANIEL 3:28

Nabukodonosor un najə̄ ɔr̄, əda na: Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄.

MATIYE 2:13

Dan ń ngé ka̰a̰ yá̰a̰ tū tə́yō̰ tə́ gə̄ aw̄n̄ kɔ̄ɔ́ ní anī, de kə́ dɔ rā̰ tə́ kógə̄ḿ yā Kɔ́ɔ̄ɓē rāā Jəjep kə nīí, ədan na: Ḭ́ḭ dɔɔ́, ún ngōn̄ ō, kó̰o̰n ō, ba ā̰ȳ āw̄ sedə́ dɔ nang kə́ Ejiptə tə́, ba ī-ndiī noó bátə́ ādə̄ ré m-ə́daī tá ī-tél ī-reē sedə́ gogə́ ɓáý. Tɔdɔ̄ Herod a sāā tɔ̄l̄ ngōn̄ ní kɔ̄ɔ́.

KƏLA RĀĀ 12:8

Gō tə́ anī de kə́ dɔ rā̰ tə́ ní ədan na kə do̰ō̰ ɓōdə̄n ō, kə tə́la sākə̄rā yān gə̄ njan tə́ ō. Piyer rāā tītə̄ ń noō. Anī de kə́ dɔ rā̰ tə́ ní ədan ɓáý to̰ na kə əla kūbə̄ kūl̄ yān rɔ̄n tə́ ba kə un gōn.