KƏLA RĀĀ 12:12 - Bibəl ta Sar̄

¹² Ni-ra gír̄ yá̰á̰ kíndíńg, ba ɔtə aw̄ ɓē Mari kó̰o̰ Ja̰a̰ ń rī tɔ̄yn na i Mark ní tə́. De gə̄ ngá̰ý kánə̄n̄ naā looneé a ndɔ̄ȳn̄ Nə́ɓā.

Bible sar

¹² Ni-ra gír̄ yá̰á̰ kíndíńg, ba ɔtə aw̄ ɓē Mari kó̰o̰ Ja̰a̰ ń rī tɔ̄yn na i Mark ní tə́. De gə̄ ngá̰ý kánə̄n̄ naā looneé a ndɔ̄ȳn̄ Nə́ɓā.

KƏLA RĀĀ 12:12 Referans Kwoze

KƏLA RĀĀ 12:5

Adə̄ Piyer i kújə dəngáyá, banī ngé kán̄ naā gə̄ ndɔ̄ȳn̄ Nə́ɓā kə nja ngárāá tām̄ yān tə́.

PILEMO̰ 1:24

nin̄ kə madə̄ kəlaḿ gə̄ ń i Mark ō, Aristark ō, Demas ō, Luk ō ní, rāāīn̄ lápə́ya.

KƏLA RĀĀ 13:5

Dan ń ugə̄n̄ Salamin anī, ɔjən̄ najə̄ yā Nə́ɓā kem kújə́ kán̄ naā gə̄ yā Jipə gə̄ tə́. Ja̰a̰ Mark i sedə́, i ni n i nge rāā sedə́ ní.

KƏLA RĀĀ 12:25

Dan ń Barnabas nin̄ kə Sol tɔ̄lə̄n̄ ta kəla ń əlan̄də́ ní kem ɓē kə́ Jerusalem tə́ anī, télən̄ dɔ tə́ ta kaw̄ gogə́, ba unən̄ Ja̰a̰ ń rī tɔ̄yn na i Mark ní kadə̄ aw̄ sedə́.

IJAI 65:24

Kété pá tá kadə̄ nin̄ ɓāŕmə̄n̄ ní, mā m-ā m̄-daldə́. Nin̄ a ɔrə̄n̄ najə̄ təgā aĺ ɓáý anī mā m-ā m-ōō najə̄ yādə́ ní kɔ̄ɔ́.

2 TIMOTE 4:11

ba i Luk ngóy n i seḿ ní. Ādə̄ Mark reē seí, tɔdɔ̄ ni a ɔsə kílə́ḿ tū kəla yāḿ gə̄ tə́.

KOLOSƏ 4:10

Aristark ń i dəngáy madə́ḿ ní, rāāsí lápə́ya. Mark kə́ ngōkó̰o̰ Barnabas rāāsí lápə́ya ō. Ni ní tāān̄sí najə̄ kə́ dɔn tə́ adə̄ ōōī ɓá. Ré ni-ugə̄ loosí anī, ə́hɔin̄ kə̄ rɔ̄sí tə́ majə.

KƏLA RĀĀ 13:13

Pol nin̄ kə madə̄n gēé alə̄n̄ kem to boó Papos, ba aw̄n̄ Perjə kə́ Pampili tə́. Ja̰a̰ Mark əya̰də́ loo ń noō tə́ ba tél dɔ tə́ aw̄ gogə́ Jerusalem.

KƏLA RĀĀ 16:40

Dan ń Pol nin̄ kə Silas teēn̄ kújə dəngáyá anī, aw̄n̄ ɓē Lidə. Nin̄-a̰a̰n̄ ngákó̰ó̰də́ gə̄ ō, ɔjə̄n̄də́ ō, tá kadə̄ aw̄n̄ ɓáý.

KƏLA RĀĀ 4:23

Dan ń ngé sarya gə̄ əya̰n̄ Piyer nin̄ kə Ja̰a̰ dɔɔ́ anī, nin̄-tél aw̄n̄ rɔ̄ madə̄də́ gə̄ tə́, ba ɔjən̄də́ gotə najə̄ gə̄ malang ń ngol gə̄ kə́ dɔ ngé tun̄ yá̰a̰ gə̄ tə́ ō, kum kɔɔ̄ gə̄ ō, ədan̄də́ ní.

1 PIYER 5:13

Ngé kán̄ naā kə́ Babilon tə́ gə̄ ń nin̄ i de gə̄ kə́ Nə́ɓā gə̄rādə́ tītə̄ yāsí ō ní, rāān̄sí lápə́ya. Ngōnə̄ḿ Mark rāāsí lápə́ya ō.