KƏLA RĀĀ 11:8 - Bibəl ta Sar̄

⁸ Banī m̄-tél m-ə́dan na: Kɔ́ɔ̄ɓē, m-ɔ́də alé, tɔdɔ̄ m̄-ndi jóo toó yá̰á̰ kə́ ɔgə̄n̄ kəsa, aláa yá̰á̰ kə́ yḛr ɔdə taḿ aĺ ɓáý.

Bible sar

⁸ Banī m̄-tél m-ə́dan na: Kɔ́ɔ̄ɓē, m-ɔ́də alé, tɔdɔ̄ m̄-ndi jóo toó yá̰á̰ kə́ ɔgə̄n̄ kəsa, aláa yá̰á̰ kə́ yḛr ɔdə taḿ aĺ ɓáý.

KƏLA RĀĀ 11:8 Referans Kwoze

Makətūbə̄ ń Pol ndang adə̄ Rom gə̄ ní 14:14

m̄-ger̄, a̰á̰ā̰ m̄-ger̄ majə ngá̰ý tɔdɔ̄ m̄-ndigə najə̄ gō Kɔ́ɔ̄ɓē Jeju tə́, kadə̄ yá̰á̰ kə́ i yá̰á̰ kə́ yḛr kə dɔ rɔ̄neé gətóo. Ba ré deē kógə̄ḿ gír̄ kadə̄ yá̰á̰ kógə̄ḿ i yá̰á̰ kə́ yḛr anī, yá̰á̰ ní a téĺ yá̰á̰ kə́ yḛr tām̄ yā deē ní tə́.

1 KORḚNTƏ 7:14

Tɔdɔ̄ dəngam ń taā kem aĺ ní ɔrə̄n̄ kamə̄n tayā i kə ta kūl̄ nə̄yá̰n ō, dəyá̰ ń taā kem aĺ ní, ɔrə̄n̄ kamə̄n tayā i kə ta kūl̄ ngaan ō. Nə́ngētə́ i beé aĺ anī, ngáńsí gə̄ i ngáń kə yḛr gə̄, banī nin̄ i ngán gə̄ kə́ ɔrə̄n̄ kam̄də́ tayā.

OJEE 9:3

Epəraim gə̄ a asən̄ ndi dɔ nang yā Kɔ́ɔ̄ɓē tə́ alé. Nin̄ a télən̄ yā kaw̄ gogə́ dɔ nang kə́ Ejiptə tə́, aĺ ɓáa a aw̄n̄ Asiri. Nin̄ a əsan̄ yá̰á̰ kə́ yḛr loo ń noō tə́.

MARK 7:2

Nin̄-a̰a̰n̄ ngé ndóō yá̰a̰ yān kə́rēý gə̄ əsan̄ yá̰a̰ i kə jīdə́ kə́ yḛr gēé, tām̄ tə́gon̄ jīdə́ alé.

LEBI GƏ̄ 11:47

Ndū najə̄ ní i yā kadə̄ ī-gerīiń yá̰á̰ kə́ yḛr ō, yá̰á̰ kə́ unjə̄ njáý njáý ō, dā̰ kə́ ásiī kəsa ō, dā̰ kə́ ásiī kəsa aĺ ō.

LEBI GƏ̄ 10:10

I beé tá na a ger̄nəń kɔr̄ kam̄ yá̰á̰ kə́ yā ɓōĺ gidə ō, yá̰á̰ kə́ karī ō, yá̰á̰ kə́ yḛr ō, yá̰á̰ kə́ unjə̄ njáý njáý ō.

KƏLA RĀĀ 11:7

Loo ń noō tə́ m-ōō ndū deē kógə̄ḿ ədam̄ na: Piyer ḭ́ḭ dɔɔ́ ī-tɔ̄l̄ ə́sa!

KƏLA RĀĀ 11:9

Ba ndū deē ní ɓār̄ dɔ rā̰ tə́ ɓáý əda na: Yá̰á̰ ń Nə́ɓā əda na i yá̰á̰ kə́ unjə̄ njáý njáý ní, ī-lōō rāān yá̰á̰ kə́ yḛr tə́.