KƏLA RĀĀ 11:3 - Bibəl ta Sar̄

³ ədanən̄ na ni na udə kújə yā de gə̄ kə́ nin̄ i Jipə aĺ gə̄ tə́ ō, na əsa yá̰a̰ sedə́ ō.

Bible sar

³ ədanən̄ na ni na udə kújə yā de gə̄ kə́ nin̄ i *Jipə aĺ gə̄ tə́ ō, na əsa yá̰a̰ sedə́ ō.

KƏLA RĀĀ 11:3 Referans Kwoze

KƏLA RĀĀ 10:28

ədadə́ na: Ī-gerī majə kadə̄ kudə kújə yā tə̄rā tə́, aláa ɓoo naā kə tə̄rāá i yá̰á̰ kə́ majaĺ ngá̰ý tām̄ yā deē ń ni i Jipə ní tə́. Banī Nə́ɓā ɔjəm̄ kadə̄ m̄-rāā deē kógə̄ḿ de kə́ yḛr tə́ aĺ ō, de kə́ asə kadə̄ deē aw̄ looneé aĺ tə́ aĺ ō.

GALATƏ 2:12

Tām̄ kété tá kadə̄ deē yā Jakə kə́rēý gə̄ ugə̄n̄ ní, ni-əsa yá̰a̰ kə de gə̄ ń nin̄ i Jipə aĺ gə̄ ní. Ba ré nin̄-reē ugə̄n̄ anī ni-ɔr̄ rɔ̄n kɔ̄ɔ́ rɔ̄də́ tə́, tɔdɔ̄ ni ɓōĺ i Jipə gə̄.

Najə̄ kə́ Majə yā Jeju ń Luk ndang ní 15:2

Anī Parijiyḛ gə̄, kə ngé ndóō de gə̄ ndū najə̄ gə̄ a yṵ́rə̄n̄ najə̄ dɔ Jeju tə́ ədan̄ na: Deē ngeé ń toō ní a əhɔ ngé rāā majaĺ gə̄ kə̄ rɔ̄n tə́ ō, a əsa yá̰a̰ sedə́ ō wa!

2 JA̰A̰ 1:10

Ré de kə́rēý reē rɔ̄sí tə́ ba i kə yá̰á̰ ndóō ń toō aĺ anī, ə́hɔniī kə̄ rɔ̄sí tə́ kem kújə yāsí tə́ aĺ ō, ī-rāāniī lápə́ya aĺ ō.

1 KORḚNTƏ 5:11

Najə̄ ń m̄-ndang m-ādə̄sí ní, i kadə̄ ī-lōōī ɓoo naā kə de kə́ ā ī-ɓāŕniī na i ngōkó̰ó̰sí, tá ni i de kə́ nge sāā naā loo kaya tə́, aláa ni i de kə́ nge ndə̄ngā yá̰a̰, aláa i nge rāā ɓesə̄, aláa i nge tetə najə̄, aláa i nge kasə rāā, aláa i nge ɓogə. De kə́ beē ní, yá̰a̰ kəsa gə̄gē ī-lōōī kəsa seneé.

KƏLA RĀĀ 10:48

Gō tə́ anī ni-adə̄ ndūn kadə̄ rāān̄də́ batém kə rī Jeju Kərist. Anī nin̄-dəjen̄ Piyer kadə̄ kə ndi sedə́ ndɔ̄ kóndóńg wań.

KƏLA RĀĀ 10:23

Loo ń noō tə́ Piyer aw̄ sedə́ kújú ba adə̄də́ loo kadə̄ ton̄neé. Teē kə ndɔ̄ kə́ noō anī əsō róbó aw̄ sedə́. Ngákó̰o̰ naā kə́rēý gə̄ kə́ Jope dānə̄nən̄ aw̄n̄ seneé.

MATIYE 9:11

Loo ń Parijiyḛ gə̄ a̰a̰n̄ tītə̄ ń noō anī, dəjen̄ ngé ndóō yá̰a̰ yān gə̄ na ké i tām̄ rí tə́ á ngoldə́ a əsa yá̰a̰ kə ngé taā lambóo gə̄ ō, ngé rāā majaĺ gə̄ ō ní wa.

JA̰A̰ 18:28

Ḭḭn̄ kə Jeju ɓē Kaipə aw̄n̄ seneé kem kújə ndi nge ko̰o̰ ɓē tə́. Loo i dəloí ɓatə. Nin̄ kɔ́ gə̄ udən̄ kem kújə ndi nge ko̰o̰ ɓē tə́ alé, na sōgə́ majaĺ tákə̄də́ kadə̄ ɔgə̄də́ kəsa yá̰a̰ nāā Pákə.

KƏLA RĀĀ 10:32

Ní, ə́la kəla kem ɓē kə́ Jope tə́, gō Simo̰ ń rī tɔ̄yn na i Piyer ní tə́ ādə̄ reē. Ni-ndi i ɓē Simo̰ kə́ nge kɔr̄ gidə ngə̄rā gə̄ ń ɓē yān i kadə bā bo tə́ ní.