KƏLA RĀĀ 11:16 - Bibəl ta Sar̄

¹⁶ Loo ń noō tə́ əga kemḿ dɔ najə̄ ń Kɔ́ɔ̄ɓē əda kété ní tə́, əda na: Ja̰a̰ rāā de gə̄ batém i kə maná, banī sḭḭ̄ a rāān̄sí batém i kə Ndíĺ kə́ Tálá.

Bible sar

¹⁶ Loo ń noō tə́ əga kemḿ dɔ najə̄ ń Kɔ́ɔ̄ɓē əda kété ní tə́, əda na: Ja̰a̰ rāā de gə̄ *batém i kə maná, banī sḭḭ̄ a rāān̄sí batém i kə *Ndíĺ kə́ Tálá.

KƏLA RĀĀ 11:16 Referans Kwoze

KƏLA RĀĀ 1:5

Tɔdɔ̄ Ja̰a̰ rāā de gə̄ batém i kum man̄ tə́, banī na̰y ndɔ̄ i ngá̰ý aĺ kadə̄ a rāān̄sí batém kum Ndíĺ kə́ Táĺ tə́.

MARK 1:8

Mā m̄-rāāsí batém i kə maná, ba ni a rāāsí batém i kə Ndíĺ kə́ Tálá.

Gōsə̄ najə̄ gə̄ 1:23

Ōōī gír kə́ kemḿ tə́. Á̰a̰ī, m-ā m̄-rāā kadə̄ ndílə́ḿ a risə dɔsí tə́, m-ā m-ə́dásí najə̄ yāḿ kadə̄ ī-gerī.

JA̰A̰ 14:26

Ba nge rāā sesí i Ndíĺ kə́ Táĺ ń Bɔbə́ḿ a əlań kə rīḿ ní. Ni a ndóōsí yá̰a̰ malang ō, a rāā kadə̄ əga kemsí dɔ najə̄ gə̄ ń m-ə́dásí tə́ ní ō.

Najə̄ kə́ Majə yā Jeju ń Luk ndang ní 3:16

Anī Ja̰a̰ tūr̄ ədadə́ malang na: Mā m̄-rāāsí batém, banī deē kógə̄ḿ kə́ tɔ́gən tɔȳ yāḿ a reē noó, kəla sākə̄rā kə́ njan tə́ gə̄gē ní mā m-ásə́ tútə alé. Ni a rāāsí batém kə Ndíĺ kə́ Táĺ ō, kə horoó ō.

MATIYE 3:11

Mā m̄-rāāsí batém i kadə̄ ī-tūrīneé háĺsí. Ba nge ń a reē gōḿ tə́ ní, tɔ́gən tɔȳ yāḿ mā. Kɔr̄ sākə̄rā kə́ njan tə́ gə̄gē ngóý ní, mā m-ásə alé. Ni a rāāsí batém kum Ndíĺ kə́ Táĺ tə́ ō, kum hor tə́ ō.

1 KORḚNTƏ 12:13

Tām̄ jḭḭ̄ malang ní, Jipə gə̄ gə̄gē, de gə̄ kə́ nin̄ i Jipə aĺ gə̄ gə̄gē, ɓəlo gə̄ gə̄gē, de kə́ kɔ́ɔ̄ rɔ̄də́ gə̄ gə̄gē ní, rāān̄jí i batém Ndíĺ kə́ Táĺ kə́ kógə̄ḿ beé, i kadə̄ jə-téliī rɔ̄ de kə́ kal kógə̄ḿ beē. Tá jḭḭ̄ malang ní j-a̰yī i Ndíĺ kə́ kógə̄ḿ beē ō.

KƏLA RĀĀ 20:35

M-ɔ́jə́sí ngándáńg kadə̄ j-a̰a̰ī tápə̄ beé tá jə-rāāīneé kə ngé gə̄ ń tɔ́gə́də́ gətóó ní ō, kadə̄ əga kemjí dɔ najə̄ ń Kɔ́ɔ̄ɓē Jeju nəkɔ́ əda tə́ ní ō, əda na: Deē ń adə̄ yá̰á̰ ní kemən nelə̄n tɔȳ yā nge taā yá̰a̰.

JA̰A̰ 16:4

M-ə́dásí najə̄ ń toō i yā kadə̄ loo ń ndɔ̄ ní ugə̄ anī, əga kemsí dɔ tə́ kadə̄ m-ə́dásí kɔ̄ɔ́. M-ə́dásí najə̄ ní kété alé, i tɔdɔ̄ mə̄kɔ́ i sesí ɓáý.

JA̰A̰ 1:33

Kété m̄-gerə̄n alé, ba nge ń əlam̄ rāā de gə̄ batém tə́ kum man̄ tə́ ní ədam̄ na: Deē ń ā á̰á̰ Ndíĺ jə̄ngā dɔ rā̰ tə́ ndi dɔn tə́ ní, i nge ń a rāā de gə̄ batém kum Ndíĺ kə́ Táĺ tə́ ní.

JA̰A̰ 1:26

Ja̰a̰ tél ədadə́ na: Mā m̄-rāā de gə̄ batém i kə́ maná, ba deē kógə̄ḿ kə́ ī-ger̄niī alé i dansí tə́ laā.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

2 PIYER 3:1

Kó tár gə̄, ń toō i makətūbə̄ kə́ nge ko̰ jōó n m̄-ndang m-ə́lań m-ādə̄sí toō. Ba kem makətūbə̄ gə̄ ngeé ń toō tə́ jōó mbak ní, m̄-sāā i ndól̄ gír̄ kə́ gō tə́ gə̄ ń ton̄ kemsí tə́ ní yā terə̄ń kemsí dɔ yá̰a̰ ndóō gə̄ tə́.

Najə̄ kə́ Majə yā Jeju ń Luk ndang ní 24:8

Loo ń noō tə́ anī, əga kemdə́ dɔ najə̄ gə̄ ní tə́.

MATIYE 3:6

Nin̄-ədan̄ majaĺ yādə́ gə̄ kə̄ ndágá oy anī, Ja̰a̰ rāādə́ batém kum man̄ bā Jurdḛ tə́.