KƏLA RĀĀ 11:12 - Bibəl ta Sar̄

¹² Ndíĺ kə́ Táĺ ədam̄ na kə m-āw̄ sedə́ kanjə̄ kadə̄ kemḿ tɔ́sə̄m̄. Ngákó̰ó̰jí kə́ mehḛ́ gə̄ ń m̄-reē sedə́ á ran̄ toó dānə̄mə̄n̄ Sejare ō, j-udə kem kújə yā Kɔrney tə́ i malangjí gə̄ ō.

Bible sar

¹² *Ndíĺ kə́ Táĺ ədam̄ na kə m-āw̄ sedə́ kanjə̄ kadə̄ kemḿ tɔ́sə̄m̄. Ngákó̰ó̰jí kə́ mehḛ́ gə̄ ń m̄-reē sedə́ á ran̄ toó dānə̄mə̄n̄ Sejare ō, j-udə kem kújə yā Kɔrney tə́ i malangjí gə̄ ō.

KƏLA RĀĀ 11:12 Referans Kwoze

KƏLA RĀĀ 8:29

Anī Ndíĺ kə́ Táĺ əda Pilipə na: Ī-njə̄rā kə̄ kété, aw̄ ngɔr rɔ̄ púsə́ ń noō tə́.

Makətūbə̄ ń Pol ndang adə̄ Rom gə̄ ní 3:22

kadə̄ Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́, i tām̄ taā ń nin̄-taān̄ kem Jeju Kərist tə́ ní. Ni-rāā tām̄ yādə́ tə́, i tɔdɔ̄ nin̄-tītə̄n̄ naā malang ta kumən tə́.

2 TESALONIK 2:2

ī-lōōī taā kem kadə̄ na ndɔ̄ yā Kɔ́ɔ̄ɓē na ugə̄ kɔ̄ɔ́. Majanī deē kógə̄ḿ əda najə̄ kə́ Nə́ɓā əndā tan tə́, aláa i najə̄ kə́ ni-əda na i jḭḭ n na j-əda, aláa na i makətūbə̄ kə́ na i jḭḭ n na j-əlań, ngákó̰ó̰jí gə̄, ī-lōōī kadə̄ ndíĺsí a̰ȳ tām̄ najə̄ ń noō tə́ ō, ī-lōōī sōl̄ ō.

KƏLA RĀĀ 10:23

Loo ń noō tə́ Piyer aw̄ sedə́ kújú ba adə̄də́ loo kadə̄ ton̄neé. Teē kə ndɔ̄ kə́ noō anī əsō róbó aw̄ sedə́. Ngákó̰o̰ naā kə́rēý gə̄ kə́ Jope dānə̄nən̄ aw̄n̄ seneé.

KƏLA RĀĀ 15:9

Nin̄ ō, jḭḭ̄ ō ní jə-tītī naā ta kum Nə́ɓā tə́. Ni-ɔr̄ majaĺ kə́ kemdə́ tə́ kɔ̄ɔ́ adə̄ kemdə́ unjə̄ njáý njáý i kə ta kūl̄ taā ń nin̄-taān̄ kem ní.

KƏLA RĀĀ 10:45

Ngé taā kem gə̄ ń reēn̄ kə Piyer á nin̄ i Jipə gə̄ ní, ɔr̄ kumdə́ ngá̰ý kadə̄ de gə̄ ń nin̄ i Jipə aĺ gə̄ ní gə̄gē əngen̄ Ndíĺ kə́ Táĺ.

JA̰A̰ 16:13

Loo ń Ndíl najə̄ kə́ rɔ̄kum a ugə̄ anī, a rāā kadə̄ ā ī-gerī najə̄ kə́ rɔ̄kum kə taá malang. Tɔdɔ̄ ni a ɔr̄ najə̄ i kə dɔneé alé, banī a əda i yá̰a̰ malang ń ni a oō ní ō, yá̰á̰ ń a rāā yā reē ɓáý ní, ni a ədasí kété ō.

MATIYE 1:20

Dan ń ni a gír̄ najə̄ ń toō kemən tə́ ɓáý anī, de kə́ dɔ rā̰ tə́ yā Kɔ́ɔ̄ɓē rāān kə nīí, ədan na: Jəjep, ngōn̄ kaa Dabid, ī-lōō ɓōĺ kaw̄ kə nə̄yá̰í Mari kújú. Tɔdɔ̄ ngōn̄ ń ni-ndān̄ ní i kə ta kūl̄ Ndíĺ kə́ Táĺ.

JEJU TEĒ KUM JA̰A̰ 22:17

Ndíl ō, dəyá̰ nong ō ədan̄ na: Ī-reē! Deē ń oō ní, ādə̄ əda na: Ī-reē! Ba deē ń kəndā rāān anī, ādə̄ reē ō. Deē ń ndigə anī, man̄ ń a rāā kadə̄ deē ndi kə kumneé ní, ādə̄ kɔ́ɔ̄ taā karī ō.

KƏLA RĀĀ 15:7

Dan ń nin̄-nējə̄n̄ naā najə̄ ngá̰ý anī, Piyer ḭḭ dɔɔ́ ba ədadə́ na: Ngákó̰ó̰ḿ gə̄, ī-gerī majə kadə̄ ta kəla gíŕ tə́ ní Nə́ɓā gə̄rām̄ adə̄ m-ɔ́jə de gə̄ ń i Jipə aĺ gə̄ ní Najə̄ kə́ Majə ɓēé loosí laā adə̄ oōn̄ ō, taān̄ kem ō.

KƏLA RĀĀ 13:4

Barnabas ō Sol ō ń i Ndíĺ kə́ Táĺ n əladə́ ní, aw̄n̄ Selosi. Nin̄-unən̄ to bo loo ń noō tə́, ba aw̄n̄ kumdə́ sɔɔ̄ dor̄ kə́ Sipər.

KƏLA RĀĀ 13:2

Ndɔ̄ kógə̄ḿ tə́ dan ń nin̄-ɔsən̄ dɔdə́ naā tə́ ba rāān̄ kəla adə̄n̄ Kɔ́ɔ̄ɓē ō, ndin̄ ɓō tām̄ yā Nə́ɓā tə́ ō anī, Ndíĺ kə́ Táĺ ədadə́ na kə ɔrə̄n̄ Sol ō Barnabas ō kə əndān̄də́ tayā tām̄ yān tə́, kadə̄ rāān̄ kəla ń na n-ɓāŕdə́ kə rīí ní.

KƏLA RĀĀ 1:15

Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

KƏLA RĀĀ 11:13

Kɔrney ɔjəjí gotə ka̰a̰ ń ni-a̰a̰ de kə́ dɔ rā̰ tə́ ní. Deē ní reē ra kem kújə yān tə́ ba ədan na kə əla de gə̄ Jope gō Simo̰ ń rī tɔ̄yn na i Piyer ní tə́ kadə̄ reē.

KƏLA RĀĀ 28:15

Ngákó̰ó̰jí kə́ Rom gə̄ oōn̄ kōōjí adə̄ tə́nīn̄ tají bátə́ ugə̄n̄ loo gātə̄ kə́ Apyus tə́ ō, ta ngáń kújə́ kə́ mətá gə̄ ń a igən̄ yá̰a̰ kəsa ō kasə ō tū tə́ ní tə́ ō. Dan ń Pol a̰a̰də́ anī ndadə̄ Nə́ɓā ō, kemən tetə kə̄ nang tə́ ō.