KƏLA RĀĀ 10:41 - Bibəl ta Sar̄

⁴¹ I ngán Israel gə̄ malang n kadə̄ a̰a̰nən̄ ní alé, ba i jḭḭ ń Nə́ɓā gə̄rājí kété kadə̄ jḭḭ i de kə́ kum tə́ yān gə̄ ní, adə̄ i jḭḭ ń j-əsa seneé ō, j-a̰ȳ seneé ō gō ndóĺ ń ni-ndól dan de kə́ koy gə̄ tə́ ní.

Bible sar

⁴¹ I ngán *Israel gə̄ malang n kadə̄ a̰a̰nən̄ ní alé, ba i jḭḭ ń Nə́ɓā gə̄rājí kété kadə̄ jḭḭ i de kə́ kum tə́ yān gə̄ ní, adə̄ i jḭḭ ń j-əsa seneé ō, j-a̰ȳ seneé ō gō ndóĺ ń ni-ndól dan de kə́ koy gə̄ tə́ ní.

KƏLA RĀĀ 10:41 Referans Kwoze

JA̰A̰ 14:22

Jud ń i Judas Iskariot aĺ ní ədan na: Kɔ́ɔ̄ɓē, i tām̄ rí tə́ á ā ɔ́jə́jí jḭḭ rɔ̄í, ba ā ɔ́jə de kə́ dɔ nang tə́ gə̄ rɔ̄í aĺ ní?

JA̰A̰ 21:13

Loo ń noō tə́ Jeju reē un mápa adə̄də́, ni-rāā tītə̄ ń noō kə kānjāá ō.

JA̰A̰ 14:17

De kə́ dɔ nang tə́ gə̄ asən̄ kəhɔn kə̄ rɔ̄də́ tə́ alé, tɔdɔ̄ nin̄-a̰a̰nən̄ aĺ ō, ger̄nən̄ aĺ ō. Ba sḭḭ̄ ī-ger̄niī, tɔdɔ̄ ni-ndi sesí ō, ndi kemsí tə́ ō.

KƏLA RĀĀ 10:39

Kəla malang ń ni-rāā dɔ nang yā Jipə gə̄ tə́ ō, kem ɓē kə́ Jerusalem tə́ ō ní, jḭḭ i de kə́ kum tə́ gə̄. Nin̄-tɔ̄l̄nən̄, kə ta kūl kəndan kə máyá̰ tū kāgə̄ kə́ dēsə́ tə́.

KƏLA RĀĀ 13:31

De gə̄ ń njə̄rān̄ kə Jeju ḭḭn̄ seneé Galile reēn̄ Jerusalem ní, Jeju ndɔ̄bə̄də́ adə̄ a̰a̰nən̄ ndɔ̄ ngá̰ý. Ngɔlaā nin̄ i de kə́ kum tə́ yān gə̄ ta kum ngán Israel gə̄ tə́.

KƏLA RĀĀ 1:22

Nin̄-əlan̄ gír i dan ń Ja̰a̰ rāań Jeju batém tə́ ní mbóńg ndɔ̄ ń unən̄neé Jeju ta kaw̄ kə̄ dɔ rā̰ tə́ ní. Adə̄ majə kadə̄ deē kógə̄ḿ dandə́ tə́ ərōjí tə́, kadə̄ ni i de kə́ kum tə́ sejí dɔ najə̄ koyn tə́ ō ndólə̄n tə́ ō.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

Najə̄ kə́ Majə yā Jeju ń Luk ndang ní 24:30

Ba dan ń ni-ndi sedə́ ta yá̰a̰ kəsa tə́ anī, un mápa ndadə̄ Nə́ɓā dɔ tə́, gō tə́ ɓáa tetə naā tə́ ba adə̄də́.

Najə̄ kə́ Majə yā Jeju ń Luk ndang ní 24:48

Sḭḭ̄ i de kə́ kum tə́ gə̄.

JA̰A̰ 14:19

Sḛ́ý to̰ anī de kə́ dɔ nang tə́ gə̄ a a̰a̰mə̄n̄ to̰ alé, banī sḭḭ̄ ā á̰a̰mī, tɔdɔ̄ m̄-ndi kə kumḿ ō, sḭḭ̄ ā ī-ndiī kə kumsí ō.

JA̰A̰ 15:27

Gō tə́ anī sḭḭ̄ ā ə́daī najə̄ kə́ kum tə́ yāḿ ō, tɔdɔ̄ sḭḭ̄ i seḿ ta kəla gíŕ tə́ bátə́ ngɔlaā.

KƏLA RĀĀ 1:4

Ndɔ̄ kógə̄ḿ tə́ dan ń ndi a əsa yá̰a̰ sedə́ anī, ədadə́ na kə lōōn̄ teē kɔ̄ɔ́ kem ɓē kə́ Jerusalem tə́, ba kə ndin̄ kemeé kə ngóōn̄neé yá̰á̰ ń Bɔbə̄ Ngōn̄ ənī míndən yā kadə̄də́ ní, yá̰á̰ kə́ kadə̄ karī ń na n-ədadə́ najə̄n kété ní.