KƏLA RĀĀ 10:4 - Bibəl ta Sar̄

⁴ Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

Bible sar

⁴ Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

KƏLA RĀĀ 10:4 Referans Kwoze

PILIPƏ 4:6

Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.

HEBƏRO 6:10

Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.

MALASI 3:16

Loo ń noō tə́ ngé ɓōĺ ndíĺ Kɔ́ɔ̄ɓē gə̄ ɔrə̄n̄ najə̄ kə naá. Kɔ́ɔ̄ɓē nēl̄ mbīn ooń najə̄ kɔr̄də́ ní. Ndangən̄ rī ngé ɓōĺ ndílən gə̄ ō, rɔȳn gə̄ ō ta kumən tə́.

KƏLA RĀĀ 10:31

ba ədam̄ na: Kɔrney, Nə́ɓā oō ndɔ̄ȳ yāí ō, dɔn ndígə̄nal rāā ń ī-rāā kə ngé ndoō gēé ní aĺ ō.

JEJU TEĒ KUM JA̰A̰ 8:4

Sa kajaja ní ḭḭ jī de kə́ dɔ rā̰ tə́ kum kə̄ dɔɔ́ ta kum Nə́ɓā tə́, naā tə́ kə ndɔ̄ȳ yā de kə́ táĺ gēé.

PĀ GƏ̄ 141:2

Ādə̄ ndɔ̄ȳ yāḿ ḭḭ kum kə̄ dɔɔ́ rɔ̄í tə́ tītə̄ sa hor kajaja beé ō, ādə̄ jīḿ ń m-ɔ́y kə̄ dɔɔ́ ní i tītə̄ yá̰a̰ ndējə̄ kə́ loo sɔlí beé ō.

PILIPƏ 4:18

Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ yá̰a̰ tun̄ kə́ Nə́ɓā ndigə ō, nel̄ kemən ō beé.

HEBƏRO 13:16

Ādə̄ dɔsí ndígə̄nal rāā majə kə deé aĺ ō, rāā kə naá aĺ ō. Tām̄ i yá̰a̰ tun̄ kə́ tītə̄ ń noō gə̄ n nelə̄n̄ Nə́ɓā ní.

Najə̄ kə́ Majə yā Jeju ń Luk ndang ní 1:29

Dan ń Mari oō najə̄ gə̄ ń noō ní anī, ndílən a̰ȳ. Adə̄ ni-əda kə̄ kemən tə́ na ké kum lápə́ya ń noō na i rí wa.

MATIYE 26:13

Ādə̄ m-ə́dásí najə̄ kə́ bo ngá̰ý: Loo malang ń a ənīn̄ mbēr̄ Najə̄ kə́ Majə ń toō tū tə́ dɔ nang tə́ laā ní, a ənīn̄ gotə yá̰á̰ ń dəyá̰ ń toō rāā ní ō, kadə̄ əgań kem de gə̄ dɔn tə́.

DANIEL 10:11

Ba deē ní ədam̄ na: Daniel, kó tár yā Nə́ɓā, ə́hɔ rɔ̄í tɔgə ba ī-nāā ger̄ kum najə̄ gə̄ ń m-ā m-ɔ̄r̄ seí ní. Ḭ́ḭ ī-ra dɔɔ́, tɔdɔ̄ ngɔlaā ní əlamə̄n̄ i rɔ̄í tə́. Dan ń m-ōō beé anī m-ḭ́ḭ m̄-ra dɔɔ́, banī m̄-ndebə ngá̰ý ɓáý.

IJAI 43:26

Ī-tél ī-ter̄ kemḿ dɔ yá̰á̰ ń ī-gɔŕyɔ̄m̄ najə̄n tə́ ní, ba j-aw̄ mbak loo sarya tə́. Īkɔ́ ə̄nī gotə yá̰a̰ gə̄ ń rāān̄ yá̰á̰ ní ō, ɔ́jə kadə̄ najə̄ i yāí ō.

2 YÁ̰A̰ GƏ̄ 32:24

Dan ngeé ń noō tə́ ní mo̰y kógə̄ḿ kə́ ngan̄g ngá̰ý əhɔ mban̄g Ejekias yā tɔ̄lən. Ni-ndɔ̄ȳ Kɔ́ɔ̄ɓē, anī Kɔ́ɔ̄ɓē tūrə̄n najə̄ tə́ ō, rāā yá̰á̰ kə́ to kɔr kum tām̄ yān tə́ ō.

2 YÁ̰A̰ GƏ̄ 6:33

ḭ̄ Kɔ́ɔ̄ɓē ń loo ndií i dɔ rā̰ tə́ ní, ī-ndi tū tə́ ōoń ndū tə̄rā ní ba ī-rāā yá̰a̰ malang ń dəjeī ní. I beé tá gír de kə́ dɔ nang tə́ gə̄ malang a gerə̄n̄neé rīí ō, a ɓōlə́n̄neé ndílí tītə̄ ń gír deē yāí gə̄ a ɓōlə́n̄neé ndílí ní ō, a gerə̄n̄neé kadə̄ rīí ɓār̄ dɔ kújə́ ń toō ń m̄-rāā tə́ ní ō.

1 SAMUEL 3:10

Kɔ́ɔ̄ɓē reē ra ba ɓārə́n tītə̄ kə́ kété gə̄ na: Samuel, Samuel. Anī Samuel tél ədan na: Ɔ̄r̄ najə̄ na nge kəla yāí nēl̄ mbīn yā koōń.

KƏLA RĀĀ 22:10

Loo ń noō tə́ m̄-dəje najə̄ m-ə́da na: Kə m̄-rāā i rí tā Kɔ́ɔ̄ɓē? Anī Kɔ́ɔ̄ɓē tél ədam̄ na: Ḭ́ḭ dɔɔ́ āw̄ Damas. Tɔdɔ̄ i Damas n a ədanī yá̰a̰ malang ń kadə̄ ā ī-rāā ní.

Najə̄ kə́ Majə yā Jeju ń Luk ndang ní 24:5

Ɓōĺ rāādə́ ngá̰ý adə̄ əlan̄ dɔdə́ nang tə́ kɔ̄ɔ́, anī de gə̄ ní ədan̄də́ na: I tām̄ rí tə́ á ā ī-sāāī nge ń ndi kə kumneé ní dan de kə́ koy gə̄ tə́?

IJAI 45:19

M-ɔ̄r̄ najə̄ i loo mundə̄ tə́ alé, i kem kɔgɔ̄ loo kógə̄ḿ kə́ dɔ nang tə́ kə́ risə til tə́ alé. M-ə́dá ngán kaa Jakob gə̄ najə̄ ń toō alé: Ī-sāāmī ɓōdə̄ loo tə́, loo kə́ yá̰a̰ gətóo tū tə́ tə́. Mā Kɔ́ɔ̄ɓē, m-ə́da i yá̰á̰ kə́ gōtə́, yá̰á̰ ń mā m-ə́da najə̄n ní i yá̰á̰ kə́ rɔ̄kum.

LEBI GƏ̄ 2:2

Kɔ́ɔ̄ a aw̄ń rɔ̄ ngé tun̄ yá̰a̰ gə̄ ń i ngán Aaro̰ gə̄ ní tə́. Nge tun̄ yá̰a̰ a ɔdə dɔ naā tə́ kə yibīí ō, kə kajaja malang ō, kem jīn kógə̄ḿ yā róō dɔ loo tun̄ yá̰á̰ tə́. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taá malang. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

PĀ GƏ̄ 20:3

Ādə̄ ni ń ndi kem loo yān kə́ táĺ tə́ ní əla kə yá̰á̰ rāań seí ō. Ādə̄ ni ń ndi Siyo̰ ní ɔsə kílí kə̄ dɔɔ́ ō!

KƏLA RĀĀ 3:4

Anī Piyer nin̄ kə Ja̰a̰ əndān̄ kumdə́ dɔn tə́, ba Piyer ədan na: Á̰á̰jí laā!

KƏLA RĀĀ 14:9

Ndɔ̄ kə́rēý tə́ ndi a oō najə̄ kɔr̄ Pol. Dan ń Pol əndā kumən dɔn tə́ anī, a̰ā̰ kadə̄ taā kem kə́ a ajə deē i kemən tə́.