KƏLA RĀĀ 10:23 - Bibəl ta Sar̄

²³ Loo ń noō tə́ Piyer aw̄ sedə́ kújú ba adə̄də́ loo kadə̄ ton̄neé. Teē kə ndɔ̄ kə́ noō anī əsō róbó aw̄ sedə́. Ngákó̰o̰ naā kə́rēý gə̄ kə́ Jope dānə̄nən̄ aw̄n̄ seneé.

Bible sar

²³ Loo ń noō tə́ Piyer aw̄ sedə́ kújú ba adə̄də́ loo kadə̄ ton̄neé. Teē kə ndɔ̄ kə́ noō anī əsō róbó aw̄ sedə́. Ngákó̰o̰ naā kə́rēý gə̄ kə́ Jope dānə̄nən̄ aw̄n̄ seneé.

KƏLA RĀĀ 10:23 Referans Kwoze

KƏLA RĀĀ 11:12

Ndíĺ kə́ Táĺ ədam̄ na kə m-āw̄ sedə́ kanjə̄ kadə̄ kemḿ tɔ́sə̄m̄. Ngákó̰ó̰jí kə́ mehḛ́ gə̄ ń m̄-reē sedə́ á ran̄ toó dānə̄mə̄n̄ Sejare ō, j-udə kem kújə yā Kɔrney tə́ i malangjí gə̄ ō.

KƏLA RĀĀ 10:45

Ngé taā kem gə̄ ń reēn̄ kə Piyer á nin̄ i Jipə gə̄ ní, ɔr̄ kumdə́ ngá̰ý kadə̄ de gə̄ ń nin̄ i Jipə aĺ gə̄ ní gə̄gē əngen̄ Ndíĺ kə́ Táĺ.

1 PIYER 4:9

Əhɔī naā kə̄ rɔ̄sí tə́ kanjə̄ ɓar̄ najə̄ gō tə́.

HEBƏRO 13:2

Ādī dɔsí ndígə̄nal dɔ rāā mbā tə́ alé. Tɔdɔ̄ loo rāā mbā tə́ ní, de kə́rēý gə̄ rāān̄ de kə́ dɔ rā̰ tə́ gə̄ mbā kanjə̄ kadə̄ ger̄ gō.

2 KORḚNTƏ 8:21

Jə-sāā rāā yá̰á̰ kə́ majə i ta kum Kɔ́ɔ̄ɓē tə́ ngóy alé, banī i ta kum de gə̄ tə́ ō.

KƏLA RĀĀ 10:33

M-ə́la kəla gōí tə́ kə̄ ta jī tə́ beē, adə̄ ī-reē ní ī-rāā i yá̰á̰ kə́ majə ngá̰ý. Kə́ ngɔr ń toō tə́ ɓáa jə-ndi malang ta kum Nə́ɓā tə́ laā, yā koō yá̰a̰ malang ń Kɔ́ɔ̄ɓē ədaī na kə ə́dájí ní.

KƏLA RĀĀ 10:29

I tām̄ najə̄ ń noō tə́ n dan ń ə́laī gōḿ tə́ ní, m̄-reē i kanjə̄ kadə̄ kemḿ tɔ́sə̄m̄ ní. Ní, ə́damī kum yá̰á̰ ń ə́laīneé gōḿ tə́ ní.

KƏLA RĀĀ 9:42

De kə́ Jope gə̄ malang oōn̄ najə̄ ní, adə̄ ngá̰ý gə̄ dandə́ tə́ taān̄ kem Kɔ́ɔ̄ɓē.

KƏLA RĀĀ 9:38

Ngé ndóō yá̰a̰ gə̄ ń ndin̄ kem ɓē kə́ Jope tə́ ní, oōn̄ kadə̄ Piyer i kem ɓē kə́ Lida tə́. Tá kḭḭ Lida kaw̄ kə̄ Jope i ngɔr. Adə̄ əlan̄ de gə̄ jōó kadə̄ aw̄ ədanən̄ na: Jə-rāāī ɓɔ́, ī-reē láẃ kanjə̄ kɔr bā̰ā̰.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

KƏLA RĀĀ 1:15

Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

KƏLA RĀĀ 9:36

Nge ndóō yá̰a̰ yā Jeju kógə̄ḿ kə́ dəyá̰ ndi kem ɓē kə́ Jope tə́, rīn na i Tabita. Rīn ní kə ta Gərek na i Dorkas ń kumən na i Jal̄ ní. Dəyá̰ ní rāā kəla kə́ majə gə̄ ngá̰ý ō, adə̄ ngé ndoō gə̄ yá̰á̰ ngá̰ý ō.

KƏLA RĀĀ 28:15

Ngákó̰ó̰jí kə́ Rom gə̄ oōn̄ kōōjí adə̄ tə́nīn̄ tají bátə́ ugə̄n̄ loo gātə̄ kə́ Apyus tə́ ō, ta ngáń kújə́ kə́ mətá gə̄ ń a igən̄ yá̰a̰ kəsa ō kasə ō tū tə́ ní tə́ ō. Dan ń Pol a̰a̰də́ anī ndadə̄ Nə́ɓā ō, kemən tetə kə̄ nang tə́ ō.