KƏLA RĀĀ 10:2 - Bibəl ta Sar̄

² Ni i de kə́ nge rāā yá̰a̰ kə gō ń Nə́ɓā ndigə ní ō, tá ni ō de kə́ kem kújə yān tə́ gə̄ malang ō ní, rāān̄ kəla adə̄n̄ Nə́ɓā ō. Ni-rāā kə Jipə kə́ ngé ndoō gə̄ ngá̰ý ō, ndɔ̄ȳ Nə́ɓā kə kum mbang gə̄ malang ō.

Bible sar

² Ni i de kə́ nge rāā yá̰a̰ kə gō ń Nə́ɓā ndigə ní ō, tá ni ō de kə́ kem kújə yān tə́ gə̄ malang ō ní, rāān̄ kəla adə̄n̄ Nə́ɓā ō. Ni-rāā kə *Jipə kə́ ngé ndoō gə̄ ngá̰ý ō, ndɔ̄ȳ Nə́ɓā kə kum mbang gə̄ malang ō.

KƏLA RĀĀ 10:2 Referans Kwoze

KƏLA RĀĀ 10:4

Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

KƏLA RĀĀ 10:22

Nin̄-tél ədanən̄ na: I Kɔrney kə́ ngol áskar gə̄ n əlají ní. Ni i de kə́ súmūú ō, i de kə́ nge ɓōĺ ndíĺ Nə́ɓā ō, i de kə́ rīn ɓār̄ majə dan Jipə gə̄ tə́ malang ō. De kə́ dɔ rā̰ tə́ kógə̄ḿ kə́ táĺ ədan na kə ɓāríī kadə̄ kə ī-reē ɓēé looneé kə ɔ́jən gotə yá̰a̰ gə̄ ń rāān̄ yá̰á̰ ní kadə̄ oō.

KƏLA RĀĀ 13:16

Anī Pol ḭḭ dɔɔ́, wél̄ jīn, ba əda na: Israel gə̄ ō, sḭḭ̄ ngé rāā kəla kadə̄ Nə́ɓā ō, ōōī najə̄ yāḿ.

KƏLA RĀĀ 10:35

Ba dan nápar de gə̄ tə́ malang ní, deē ń ɓōĺ Ndílən ō, rāā yá̰á̰ kə́ gōtə́ ō ɓáa a nelə̄n seneé.

KƏLA RĀĀ 10:7

Loo ń de kə́ dɔ rā̰ tə́ ń ɔr̄ najə̄ seneé ní aw̄ kɔ̄ɔ́ anī, Kɔrney ɓāŕ ngé kəla yān gə̄ jōó ō, áskar kógə̄ḿ kə́ dan áskar gə̄ kə́ ngé ra ngɔr rɔ̄n tə́ gə̄ tə́ kə́ nge rāā yá̰a̰ kə gō ń Nə́ɓā ndigə ní ō, kə́ nge rāā yá̰a̰ gə̄ ń ni-ra seneé ta rāā ní ō

KƏLA RĀĀ 8:2

De kə́ ngé ɓōĺ Ndíĺ Nə́ɓā gə̄ dubə̄n̄ Etiyen ō, nōōnən̄ ngá̰ý ō.

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

KƏLA RĀĀ 18:8

Ngār kə́ dɔ kújə́ kán̄ naā tə́ ń rīn na i Kərispus ní, taā kem Kɔ́ɔ̄ɓē naā tə́ kə ngéén gə̄ malang. Korḛntə gə̄ ngá̰ý ń oōn̄ najə̄ yā Pol ní taān̄ kem ō, rāān̄də́ batém ō.

KƏLA RĀĀ 13:26

Ngákó̰ó̰ḿ gə̄, sḭḭ̄ ngán kaa Abəraham gə̄ ō, sḭḭ̄ gə̄ ń ī-reēī laā i rāā kəlaá kadə̄ Nə́ɓā ō ní, najə̄ kajə ń toō əlan̄neé adə̄n̄jí i jḭḭ̄.

Najə̄ kə́ Majə yā Jeju ń Luk ndang ní 2:25

Dan ngeé ń noō tə́ ní dəngam kógə̄ḿ ndi Jerusalem noó, rīn na i Simeo̰. Ni i de kə́ súmūú ō, i de kə́ ɓōĺ ndíĺ Nə́ɓā ō. Ni a ngóō i ta ndɔ̄ ń Israel gə̄ a əngen̄neé kem sɔl̄ ní ō, Ndíĺ kə́ Táĺ i dɔn tə́ ō.

DANIEL 6:16

Banī de gə̄ ní reēn̄ láẃ rɔ̄ mban̄g tə́ ədanən̄ na: Kɔ́ɔ̄ ɓē gə̄, ī-ger̄ majə kadə̄ kə gō ndū najə̄ yā Medə gə̄ ō Persə gə̄ ō ní, yá̰a̰ malang kə́ kɔgə̄ rāā, aláa kə́ yā rāā ń man̄g əda ní deē a tūr̄ alé.

JAKƏ 1:5

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

1 TESALONIK 5:17

Ī-lōōī gír ndɔ̄yɔ̄ɔ́ alé.

KOLOSƏ 4:2

Ī-na̰yḭḭ̄ kə̄ loo ndɔ̄ȳ tə́, ī-ndiīń já̰já̰ loo ndadə̄ Nə́ɓā tə́.

KƏLA RĀĀ 22:12

Ba kem ɓē kə́ Damas tə́ ní, dəngam kógə̄ḿ kə́ rīn na i Ananias ndi noó. Ni i de kə́ nge ɓōĺ ndíĺ Nə́ɓā ō, i de kə́ nge kəhɔ gō ndū najə̄ ō, Jipə gə̄ malang kə́ Damas tə́ ədan̄ najə̄ yān majə ō.

KƏLA RĀĀ 13:50

Banī Jipə gə̄ sə̄lān̄ dəyá̰ kə́ ngáā ngáā kə́ kem ɓēé gə̄ kə́ ngé rɔȳ Nə́ɓā ō, sə̄lān̄ de kə́ bo bo kə́ kem ɓēé gə̄ ō, adə̄ rāān̄ Pol nin̄ kə Barnabas ndoō tə́ ō, tə̄ɓān̄də́ kɔ̄ɔ́ gō nang yādə́ tə́ ō.

KƏLA RĀĀ 10:31

ba ədam̄ na: Kɔrney, Nə́ɓā oō ndɔ̄ȳ yāí ō, dɔn ndígə̄nal rāā ń ī-rāā kə ngé ndoō gēé ní aĺ ō.

KƏLA RĀĀ 9:36

Nge ndóō yá̰a̰ yā Jeju kógə̄ḿ kə́ dəyá̰ ndi kem ɓē kə́ Jope tə́, rīn na i Tabita. Rīn ní kə ta Gərek na i Dorkas ń kumən na i Jal̄ ní. Dəyá̰ ní rāā kəla kə́ majə gə̄ ngá̰ý ō, adə̄ ngé ndoō gə̄ yá̰á̰ ngá̰ý ō.

KƏLA RĀĀ 9:31

Adə̄ Egəlijə ndi lɔm gō nang malang kə́ Jude tə́ ō, Galile tə́ ō, Samari tə́ ō. Nin̄-əngen̄ tɔ́gə ō, ɓōlə́n̄ Ndíĺ Kɔ́ɔ̄ɓē ō, kutədə́ reē kə̄ dɔ madə̄ tə́ kə ta kūl̄ Ndíĺ kə́ Táĺ ń i nge rāā sedə́ ní ō.

KƏLA RĀĀ 9:11

Kɔ́ɔ̄ɓē tél ədan na: Ḭ́ḭ dɔɔ́ āw̄ róbə́ ń a ɓārə́n̄ na i róbə́ kə́ ra súmūú ní tə́, údə ɓē Judas, ba ī-dəje kōō deē kógə̄ḿ kə́ a ɓāŕnən̄ na i Sol kə́ Tarsə. Ni-ndi a ndɔ̄ȳ noō

Najə̄ kə́ Majə yā Jeju ń Luk ndang ní 18:1

Jeju ədadə́ kūjə́ najə̄ kógə̄ḿ kə́ dɔ ndɔ̄ȳ kə́ majə kadə̄ nin̄ a ndɔ̄ȳn̄ ngándáńg tə́ kanjə̄ kɔr ta tə́,

DANIEL 6:26

Gō tə́ anī mban̄g Darius ndang najə̄ ń toō əlań adə̄ de gə̄ ń gíŕdə́ ō nápardə́ ō ta yādə́ ō i tayā tayā á ndin̄ dɔ nang tə́ malang ní: m̄-ndə̄ngā kadə̄ ī-ndiī lápə́ya ngá̰ý!

DANIEL 6:20

Mban̄g ḭḭ dɔɔ́ kə gír looí ɓatə ba aw̄ láẃ ta bəlo ɓɔl gə̄ tə́.

DANIEL 6:10

Loo ń noō tə́ mban̄g Darius ndang ndū najə̄ ní ō, yá̰á̰ ń ɔgə̄n̄ de gə̄ rāā ní ō.

IJAI 59:19

Loo ń noō tə́, ḭḭ gír ɓē tə́ bátə́ no ɓē tə́ ní, de gə̄ malang a ɓōlə́n̄ gidə rī Kɔ́ɔ̄ɓē, nin̄ malang a ɓōlə́n̄ gidə kɔsə gɔn yān. A̰á̰ā̰, Kɔ́ɔ̄ɓē a rēē tītə̄ man̄ dɔ mbal̄ kə́ kum wól loo tə́ kə́ man̄ kə́ edə kə néĺ kə́ əla kə ngangá ngá̰ý mbəre gōn beé.

KOHELET 7:18

Kəhɔí gō nge ń toō kadə̄ ngan̄g kanjə̄ kadə̄ jīí əya̰ nge ń noō dɔɔ́ i yá̰á̰ kə́ majə. Tɔdɔ̄ deē ń ɓōĺ ndíĺ Nə́ɓā ní a rāā yá̰á̰ kə́ jōó gə̄ ń noō kadə̄ udə gírí.

PĀ GƏ̄ 119:2

Ngé gə̄ ń rāān̄ yá̰a̰ gə̄ ń ni-əda ní rɔ̄də́ nel̄də́, nin̄ sāānən̄ i kə ngarā̰ kemdə́ malang.

PĀ GƏ̄ 102:15

O̰o̰ ngé kəla yāí gə̄ tɔdɔ̄ mbal̄ kəndā kújə́ kə́ tū tə́ gə̄ ngá̰ý, bū loo kə́ ndəbā ɓē kə́ Siyo̰ tə́ gə̄gē kumdə́ o̰o̰də́ tɔdɔ̄ ngá̰ý.

PĀ GƏ̄ 88:1

Pā yā ngán Kore gə̄. I pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i kə rɔ̄nelēé alé. I pā kə́ kəda yā Heman kə́ ngōn̄ nge ɓē.

PĀ GƏ̄ 86:3

Kɔ́ɔ̄ɓē, á̰a̰ kum tō ndoō yāḿ, i ḭ̄ n m-ā m̄-ɓāríī kə dɔ ndɔ̄ gə̄ ní.

PĀ GƏ̄ 55:17

Mā m̄-nōō kə̄ dɔ Nə́ɓā tə́ kadə̄ rāā seḿ, adə̄ Kɔ́ɔ̄ɓē a ajəm̄.

PĀ GƏ̄ 41:1

Pā kə́ kem makətūbə̄ yā ngār yā gōsə̄ pā gə̄ tə́, i pā yā Dabid.

PĀ GƏ̄ 25:5

ādə̄ m̄-njə̄rā dɔ róbə́ ń a aw̄ kə̄ tū najə̄ kə́ rɔ̄kum yāí tə́ ní ō, Ɔ́jəm̄ yá̰a̰ ādə̄ m̄-ger̄ ō. Tɔdɔ̄ i ḭ̄ n i Nə́ɓā ń ajəm̄ ō, m-ə̄ndā kemḿ dɔí tə́ kə dɔ ndɔ̄ gə̄ malang ō ní.

Makətūbə̄ yā Job 1:5

Ré əsan̄ yá̰á̰ gír gān̄g anī, Job ɓāŕdə́, ba rāā yá̰á̰ kə́ yā kunəń majaĺ dɔdə́ tə́ kɔ̄ɔ́ kadə̄ nin̄-unjə̄n̄neé njáý njáý. Ni a ḭḭ dɔɔ́ i kə gír looí ɓatə yā ndējə̄ Nə́ɓā yá̰a̰ tun̄ kə́ róō horoó kə taá tām̄ yā ngánən gə̄ tə́ kógə̄ḿ kógə̄ḿ. Tɔdɔ̄ ni-əda kə̄ kemən tə́ na: Majanī ngánə́ḿ gə̄ rāān̄ yá̰á̰ kə́rēý kə́ gōtə́ aĺ, aláa ndɔ̄lə́n̄ Nə́ɓā kemdə́ tə́! Job a rāā i beé dejə.

Makətūbə̄ yā Job 1:1

Kété ní dəngam kógə̄ḿ ndi dɔ nang kə́ Us tə́, a ɓāŕnən̄ na i Job. Ni i de kə́ najə̄ gətóo dɔn tə́. I de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

2 YÁ̰A̰ GƏ̄ 6:33

ḭ̄ Kɔ́ɔ̄ɓē ń loo ndií i dɔ rā̰ tə́ ní, ī-ndi tū tə́ ōoń ndū tə̄rā ní ba ī-rāā yá̰a̰ malang ń dəjeī ní. I beé tá gír de kə́ dɔ nang tə́ gə̄ malang a gerə̄n̄neé rīí ō, a ɓōlə́n̄neé ndílí tītə̄ ń gír deē yāí gə̄ a ɓōlə́n̄neé ndílí ní ō, a gerə̄n̄neé kadə̄ rīí ɓār̄ dɔ kújə́ ń toō ń m̄-rāā tə́ ní ō.

1 MBAN̄G GƏ̄ 8:43

ḭ̄ Kɔ́ɔ̄ɓē ń ī-ndi dɔ rā̰ tə́ ní ōō najə̄ yā kɔ́ɔ̄. Ī-rāā yá̰a̰ malang ń dəjeī ní ādə̄ gír de kə́ dɔ nang tə́ gə̄ malang ger̄ə̄n̄neé rīí ba ɓōlíīn̄neé tītə̄ ń Israel deē yāí gə̄ a ɓōlíīn̄neé ní ō, kadə̄ gerə̄n̄neé kadə̄ rīí ɓār̄ dɔ kújə́ ń toō ń m̄-rāā tə́ ní ō.

JOJUE 24:15

Ba ré rāā kəla yā Kɔ́ɔ̄ɓē nel̄sí aĺ anī, ī-gə̄rāī ɓesə̄ gə̄ ń ī-ndigiī rāādə́ ní ɓōólaā. Ré i ɓesə̄ gə̄ ń kaasí gə̄ a rāān̄ dan ń ndinə̄ń gidə bā Opəratə tə́ ní n nel̄sí sedə́ anī, ī-gə̄rāīdə́ ō, ré i ɓesə̄ gə̄ yā Amor gə̄ ń ī-ndiī dɔ nang yādə́ tə́ toō n nel̄sí sedə́ anī, ī-gə̄rāīdə́ ō. Banī mā ō, de kə́ kem ndogə̄ yāḿ tə́ gə̄ ō, j-a jə-rāā i kəla yā Kɔ́ɔ̄ɓē.

TA KƏLA 18:19

m̄-gə̄rān i tām̄ kadə̄ əndā dɔ ngánən gə̄ tə́ ō, dɔ ngán kaan gə̄ tə́ ō, kadə̄ unən̄ róbə yāḿ, kadə̄ háĺdə́ i gōtə́ ō, súmūú ō, yā kadə̄ m̄-rāań yá̰á̰ ń m-ə̄nī míndə́ḿ yā rāā kadə̄n ní.

KƏLA RĀĀ 2:5

Tá Jipə kə́ ɓōĺ Nə́ɓā ngá̰ý gə̄ ndin̄ Jerusalem noó. Nin̄-ḭḭn̄ i kə gō nápar de gə̄ malang kə́ dɔ nang tə́ n reē ndin̄ ní.

KƏLA RĀĀ 11:14

Ni a ədaī yá̰á̰ kə́ a ajiī īkɔ́ ō, de kə́ kem kújə yāí tə́ gə̄ malang ō.

MATIYE 25:17

Nge ń taā sə́lē dūbú kutə jōó ní, rāā tītə̄ yā madə̄n, anī ənge manə̄n dɔ tə́ dūbú kutə jōó.