KƏLA RĀĀ 1:9 - Bibəl ta Sar̄

⁹ Dan ń ni-ədadə́ yá̰a̰ gə̄ ń toō oy anī, ḭḭ ta kumdə́ tə́ ɗil ta kaw̄ kə̄ dɔ rā̰ tə́. Gō tə́ anī kil̄ man̄ kógə̄ḿ reē utə̄ dɔn kɔ̄ɔ́ ɔgə̄də́ ka̰a̰n.

Bible sar

⁹ Dan ń ni-ədadə́ yá̰a̰ gə̄ ń toō oy anī, ḭḭ ta kumdə́ tə́ ɗil ta kaw̄ kə̄ dɔ rā̰ tə́. Gō tə́ anī kil̄ man̄ kógə̄ḿ reē utə̄ dɔn kɔ̄ɔ́ ɔgə̄də́ ka̰a̰n.

KƏLA RĀĀ 1:9 Referans Kwoze

DANIEL 7:13

m̄-na̰y kə̄ loo ka̰a̰ yá̰a̰ gə̄ tə́ kem nī tə́ ndɔ̄ɔ́: M-á̰á̰ yá̰á̰ kógə̄ḿ a reē naā tə́ kə kil̄ man̄ gēé tītə̄ ngōn̄ deē ndul beé. Reē bátə́ teē rɔ̄ de kə́ tɔgə ɓə́gá ní tə́, anī aw̄n̄ seneé rɔ̄n tə́.

MARK 16:19

Gō tə́ dan ń Kɔ́ɔ̄ɓē Jeju ɔr̄ najə̄ sedə́ oy anī, un aw̄n̄ seneé dɔ rā̰ tə́, adə̄ ndi dɔ jī ko̰ Nə́ɓā tə́.

KƏLA RĀĀ 1:2

bátə́ m-ūgəń dɔ ngé kə́ ndɔ̄ ń un aw̄n̄neé seneé dɔ rā̰ tə́ ní. Kété pá tá kadə̄ ni-aw̄ ní, ɔjə ngámbang kəla gə̄ ń ni-gə̄rādə́ ní yá̰a̰ gə̄ kə ta kūl̄ tɔ́gə yā Ndíĺ kə́ Táĺ.

Teē Ngán Israel gə̄ 19:9

Anī Kɔ́ɔ̄ɓē əda Moijə na n-a n-ɓɔ̄ɔ̄ rɔ̄n dan kil̄ man̄ kə́ risə til nding tə́ yā kaw̄ kugə̄ń rɔ̄n tə́, kadə̄ ngán Israel gə̄ oōn̄ ndūn loo kɔr̄ najə̄ tə́ seneé ɓáa kə ənīn̄neé kemdə́ mámák kə adə̄n̄ Moijə. Moijə əda Kɔ́ɔ̄ɓē najə̄ ń ngán Israel gə̄ ədan̄ ní.

JEJU TEĒ KUM JA̰A̰ 11:12

Anī nin̄-oōn̄ ndū deē kógə̄ḿ kə́ teē dɔ rā̰ tə́, ədadə́ kə tɔ́gɔ́ na kə alə̄n̄ kə̄ dɔɔ́ rɔ̄n tə́ laā. Loo ń noō tə́ nin̄-alə̄n̄ ta kum madə̄ ba̰ā̰də́ gə̄ tə́ ta kaw̄ dɔɔ́, dan kil̄ man̄ tə́.

JA̰A̰ 6:62

Ba ré á̰a̰ī Ngōn̄ Deē aw̄ ndi dɔɔ́ loo ndin kə́ kété tə́ ní ā ī-rāāī i ba̰ý?

Najə̄ kə́ Majə yā Jeju ń Luk ndang ní 21:27

Anī a a̰a̰n̄ Ngōn̄ Deē a reē dan kil̄ man̄ tə́ kə tɔ́gɔ́ ō, kə kɔsə gɔn kə́ ngá̰ý ō.

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

PĀ GƏ̄ 68:18

Púsə rɔ̄ɔ̄ gə̄ yā Nə́ɓā i dūbú ngá̰ý, i dūbú ngá̰ý nja kutə kə̄ gogə́. Kɔ́ɔ̄ɓē i dandə́ tə́, mbal̄ Sinai i kem loo kə́ táĺ tə́.

JEJU TEĒ KUM JA̰A̰ 14:4

Nin̄ i ngé gə̄ ń yḛrən̄ rɔ̄də́ kə dəyá̰ gēé aĺ ní, tɔdɔ̄ nin̄-unjə̄n̄ njáý njáý. Nin̄-unən̄ gō Ngōn̄ batə̄ loo malang ń ni-aw̄ tū tə́ ní tə́. I nin̄ n gāngə̄n̄ dɔdə́ dan de gə̄ tə́ tām̄ yā Nə́ɓā tə́ ō, Ngōn̄ batə̄ tə́ ō ní.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

Teē Ngán Israel gə̄ 34:5

Kɔ́ɔ̄ɓē risə dan kil̄ man̄ tə́ reē ra rɔ̄n tə́. Anī Moijə əda kə ndū boó na: Kɔ́ɔ̄ɓē.

KƏLA RĀĀ 1:11

ba dəjen̄də́ najə̄ ədan̄ na: Sḭḭ̄ de kə́ Galile gə̄ ń toō, ī-ra ā á̰a̰ī loo kə̄ dɔ rā̰ tə́ i tām̄ rí tə́? Jeju nəkɔ́ kə́ kógə̄ḿ beē ń ɔr̄nən̄ kɔ̄ɔ́ rɔ̄sí tə́ ta kaw̄ kə̄ dɔ rā̰ tə́ ní, a tél yā reē i tītə̄ nəkɔ́ ń á̰a̰niī loo kaw̄ tə́ kə̄ dɔɔ́ toō.

1 TESALONIK 4:17

Gō tə́ anī, jḭḭ̄ ń jə-ndiī kə kumjí á jə-na̰yiī dɔ nang tə́ laā ɓáý ní, a aw̄n̄ sejí naā tə́ sedə́ malang dɔ kil̄ man̄ tə́, yā kadə̄ j-ɔjiī no Kɔ́ɔ̄ɓē ɓōdə̄ rā̰ tə́, adə̄ j-a jə-ndiī kə Kɔ́ɔ̄ɓēé ngándáńg.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.