KƏLA RĀĀ 1:8 - Bibəl ta Sar̄

⁸ Banī ā ə́ngeī tɔ́gə́ kógə̄ḿ, dan ń Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

Bible sar

⁸ Banī ā ə́ngeī tɔ́gə́ kógə̄ḿ, dan ń *Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ *Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

KƏLA RĀĀ 1:8 Referans Kwoze

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

MARK 16:15

Ba ədadə́ na: Āwī kə̄ loo gə̄ tə́ malang, ə̄nīī mbēr̄ Najə̄ kə́ Majə ādə̄ de gə̄ malang oōn̄.

Makətūbə̄ ń Pol ndang adə̄ Rom gə̄ ní 15:19

i kə tɔ́gə́ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, i kə tɔ́gə yā Ndíĺ kə́ Táĺ ō. Adə̄ m-ɔ́jə Najə̄ kə́ Majə yā Kərist kə taá malang, m-ə́lá gír i Jerusalem ō, kem ɓē gə̄ ń ran̄ kə gō gidə ɓē kə́ Jerusalem ní ō, bátə́ gō nang kə́ Iliri tə́.

KƏLA RĀĀ 5:32

Yá̰á̰ gə̄ ń noō ń rāān̄ yá̰á̰ ní jḭḭ i de kə́ kum tə́ gə̄ ō, i jḭḭ ō Ndíĺ kə́ Táĺ ń Nə́ɓā adə̄ ngé koō tan gə̄ ní ō.

KƏLA RĀĀ 4:33

Ngámbang kəla gə̄ ɔrə̄n̄ najə̄ loo de kə́ kum yá̰á̰ tə́ gə̄ tə́ dɔ koy tá ndól̄ yā Kɔ́ɔ̄ɓē Jeju tə́ i kə tɔ́gə́ kə́ ngá̰ý ō, nin̄ malang ní Nə́ɓā rāā majə sedə́ ngá̰ý ō.

KƏLA RĀĀ 6:8

Etiyen rāā yá̰á̰ kə́ yáā gə̄ kə́ to ɓōĺ ngá̰ý gə̄ ō, yá̰á̰ kə́ to kɔr kum gə̄ kə́ bo ngá̰ý gə̄ ō, dan ngán Israel gə̄ tə́ kə ta kūl̄ tɔ́gə́ ń Nə́ɓā adə̄n ní.

Makətūbə̄ ń Pol ndang adə̄ Rom gə̄ ní 10:18

Ba mā m̄-sāā dəje na: Ké nin̄-oōn̄ najə̄ ní aĺ wa? Oōn̄ majə, tɔdɔ̄ makətūbə̄ əda na: Ndūdə́ na ɓār̄ taā gō dɔ nang malang ō, deē ra i ta ngóy dɔ nang tə́ gə̄gē anī a oō najə̄ kɔrdə́ gə̄ ō.

JA̰A̰ 15:27

Gō tə́ anī sḭḭ̄ ā ə́daī najə̄ kə́ kum tə́ yāḿ ō, tɔdɔ̄ sḭḭ̄ i seḿ ta kəla gíŕ tə́ bátə́ ngɔlaā.

Najə̄ kə́ Majə yā Jeju ń Luk ndang ní 10:19

Ōōī, m-ādə̄sí tɔ́gə kadə̄ ī-tə́ɓāīneé dɔ lī gə̄ ō dɔ kókə́rang gə̄ ō, kadə̄ ī-tetiīneé tɔ́gə Sətan malang rɔ̄ɔ̄ kɔ̄ɔ́ ō, yá̰á̰ kógə̄ḿ a rāāsí aĺ ō.

KƏLA RĀĀ 1:5

Tɔdɔ̄ Ja̰a̰ rāā de gə̄ batém i kum man̄ tə́, banī na̰y ndɔ̄ i ngá̰ý aĺ kadə̄ a rāān̄sí batém kum Ndíĺ kə́ Táĺ tə́.

MATIYE 24:14

Najə̄ kə́ Majə kə́ dɔ Ɓē ko̰o̰ ń toō tə́ ní, a ənīn̄ mbērən kə̄ loo gə̄ tə́ malang dɔ nang tə́, kadə̄ a tél i najə̄ kə́ kum tə́ kə̄ no nápar de gə̄ tə́ malang. Tā anī ta ngóy yá̰a̰ a reē tā.

KƏLA RĀĀ 2:32

Jeju ngeé ń toō oy ba Nə́ɓā ndólə̄n, adə̄ jḭḭ̄ malang i de kə́ kum tə́ gə̄.

KƏLA RĀĀ 22:15

Tɔdɔ̄ i gáŕ kadə̄ ḭ̄ i de kə́ kum tə́ yān ta kum de gə̄ tə́ malang najə̄ yá̰á̰ ń á̰a̰ā̰ ō, ōō ō tə́ ní.

MISE 3:8

Ba mā ɓáa, kə ta kūl̄ ndíĺ Kɔ́ɔ̄ɓēé ní, tɔ́gə́ḿ i ngá̰ý ō, m̄-ger̄ yá̰á̰ kə́ gōtə́ ō, m-ə́hɔ rɔ̄ḿ tɔgə ngá̰ý ō. Adə̄ de gə̄ kə́ kem kojə yā Jakob tə́, ń i gír de gə̄ yā Israel ní, m-ásə kɔjədə́ kəsō wōn̄g yādə́ ō, mān̄ dɔ ndū najə̄ yādə́ ō, kadə̄ gerə̄n̄.

PĀ GƏ̄ 22:27

m̄-ɓāŕ ngé ndoō gə̄ adə̄ əsan̄ yá̰a̰ ndānə̄n̄. Adə̄ ngé sāā Kɔ́ɔ̄ɓē gə̄ ɔsən̄ gɔn Kɔ́ɔ̄ɓē ō, ndin̄ majə ta kaw̄ jóo ō!

KƏLA RĀĀ 13:31

De gə̄ ń njə̄rān̄ kə Jeju ḭḭn̄ seneé Galile reēn̄ Jerusalem ní, Jeju ndɔ̄bə̄də́ adə̄ a̰a̰nən̄ ndɔ̄ ngá̰ý. Ngɔlaā nin̄ i de kə́ kum tə́ yān gə̄ ta kum ngán Israel gə̄ tə́.

Najə̄ kə́ Majə yā Jeju ń Luk ndang ní 1:35

De kə́ dɔ rā̰ tə́ ní tél ədan na: Ndíĺ kə́ Táĺ a reē dɔí tə́ ō, tɔ́gə yā Nə́ɓā kə́ dɔɔ́ a il̄ dɔí tə́ nding ō. I tām̄ najə̄ ń noō tə́ n ngōn̄ ń ā ójən ní i de kə́ táĺ ō, a ɓāŕnən̄ na i Ngōn̄ Nə́ɓā ō ní.

KƏLA RĀĀ 3:15

Ngār kə́ nge rāā kadə̄ deē ndi kə kumneé ń sḭḭ̄ ī-tɔ̄l̄niī ní, Nə́ɓā ndólə̄n dan de kə́ koy gə̄ tə́, adə̄ jḭḭ i de kə́ kum tə́ gə̄.

IJAI 52:10

Ni ɔjə tɔ́gən kə́ táĺ ta kum nápar de gə̄ tə́ malang ō, de gə̄ a̰a̰n̄ loo kajə ń Nə́ɓā yājí a ajəjí ní bátə́ ta ngóy dɔ nang tə́ ō.

KOLOSƏ 1:23

Ba majə kadə̄ ī-raī ngan̄g dɔ taā kem tə́ ō, ādī tɔ́gə́sí to ō. Ī-lōōī kəya̰ najə̄ kə́ majə kɔ̄ɔ́. I ni n i yá̰a̰ kəndā kem dɔ tə́ yājí ní. Najə̄ kə́ Majə ngeé ń toō ń ōōī ní, ɔjən̄ de gə̄ kə̄ loo gə̄ tə́ malang dɔ nang tə́ laā ō, ba i mā Pol n m̄-tél nge rāā kəlan ní.

KƏLA RĀĀ 1:22

Nin̄-əlan̄ gír i dan ń Ja̰a̰ rāań Jeju batém tə́ ní mbóńg ndɔ̄ ń unən̄neé Jeju ta kaw̄ kə̄ dɔ rā̰ tə́ ní. Adə̄ majə kadə̄ deē kógə̄ḿ dandə́ tə́ ərōjí tə́, kadə̄ ni i de kə́ kum tə́ sejí dɔ najə̄ koyn tə́ ō ndólə̄n tə́ ō.

IJAI 66:19

M-ā m-ə̄ndā yá̰á̰ kógə̄ḿ dandə́ tə́ yā kɔjəń yá̰a̰. Ngé gə̄ ń a teēn̄ ta yo tə́ gō sarya gāngə̄ḿ tə́ ní, m-ā m-ə́ládə́ kə̄ rɔ̄ nápar de gə̄ kə́ Tarsis tə́ ō, Pul tə́ ō, Lud tə́ ō, nin̄ gə̄ ń noō ń i de gə̄ kə́ gerə̄n̄ kur gərā ngá̰ý ní. M-ā m-ə́ládə́ kə̄ rɔ̄ de gə̄ kə́ Tubal tə́ ō, Yaban tə́ ō, m-ā m-ə́ládə́ sa̰y kə̄ dɔ dor̄ gə̄ tə́ ō, loo ń deē oō najə̄ yāḿ nja kógə̄ḿ tū tə́ aĺ tə́ ní, loo ń deē a̰a̰ kɔsə gɔn yāḿ nja kógə̄ḿ tū tə́ aĺ tə́ ní. Adə̄ nin̄ a rāān̄ kadə̄ nápar de gə̄ ń noō gerə̄n̄ kɔsə gɔn yāḿ.

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

KƏLA RĀĀ 8:1

Ba ngé gə̄ ń tɔ̄lə̄n̄ Etiyen ní Sol ndigə najə̄ gōdə́ tə́. Ndɔ̄ nəkɔ́ ń noō tə́ əlan̄ gír rāā kum Egəlijə kə́ Jerusalem ndoō tə́ ngá̰ý. Loo ń noō tə́ i ngámbang kəla gə̄ ngóy n tə̄ndān̄ naā tḭ̄ḭ̄n̄ kə̄ loo gə̄ tə́ aĺ ní, ba gotə de gə̄ malang ní tə̄ndān̄ naā tḭ̄ḭ̄n̄ kə̄ loo gə̄ tə́. Nin̄-aw̄n̄ kə̄ ngán ɓē kə́ dūú gə̄ tə́ dɔ nang kə́ Jude tə́ ō, Samari tə́ ō.

IJAI 42:10

Ə̄nī pā kə́ kijə ādī Kɔ́ɔ̄ɓē. Sḭḭ̄ ngé njə̄rā mbā dɔ bā bo tə́ gə̄ ō, sḭḭ̄ yá̰a̰ gə̄ ń ī-rosiī loo kum bā bo tə́ ní ō, sḭḭ̄ gír de gə̄ ń ī-ndiī sa̰y ní ō, ī-ndiī ta ngóy dɔ nang tə́ ə̄nīīneé pā tɔ̄ȳ Kɔ́ɔ̄ɓē.

PĀ GƏ̄ 98:3

Əga kemən dɔ kem majə yān kə́ rāā kə ngán Israel gēé tə́ ō, dɔ ra kə́ ni-ra dɔ ndūn tə́ sedə́ ō. De gə̄ ń ndin̄ ta kaw̄ kə̄ ta ngóy dɔ nang tə́ nú ní a̰a̰n̄ Nə́ɓā yājí loo tetə rɔ̄ɔ̄ tə́.

Najə̄ kə́ Majə yā Jeju ń Luk ndang ní 24:29

Ba nin̄-əhɔnən̄ mbā ədanən̄ na kə ndi sedə́ tɔdɔ̄ loo sɔl̄ kɔ̄ɔ́ ō, mbang na a aw̄ i kə̄ kuduú ō. Adə̄ ni udə aw̄ ndi sedə́.

JEREMI 16:19

Kɔ́ɔ̄ɓē, ḭ̄ ń i tɔ́gə́ḿ ō, nge ngɔ̄mə̄ḿ ō, loo ɓɔ̄ɔ̄ rɔ̄ yāḿ ndɔ̄ wur kɔl tə́ ō ní, nápar de gə̄ a ḭḭn̄ ta ngóy dɔ nang tə́ yā reē rɔ̄í tə́ yā kəda na: Yá̰á̰ ń kaají gə̄ əngen̄ loo nə̄ɓō naā yá̰á̰ tə́ ní, i yá̰á̰ kə́ rɔ̄kum alé ō, i yá̰á̰ kə́ kanjə̄ kumən kə́ yá̰á̰ kə́ yā rāań gətóo ō.