KƏLA RĀĀ 1:6 - Bibəl ta Sar̄

⁶ Nin̄-kánə̄n̄ naā rɔ̄n tə́ ba dəjenən̄ najə̄ ədan̄ na: Kɔ́ɔ̄ɓē, i ngɔlaā ń toō n ā ī-tél yā rāā Ɓē ko̰o̰ gogə́ rang yā kadə̄ Israel gə̄ ní a?

Bible sar

⁶ Nin̄-kánə̄n̄ naā rɔ̄n tə́ ba dəjenən̄ najə̄ ədan̄ na: Kɔ́ɔ̄ɓē, i ngɔlaā ń toō n ā ī-tél yā rāā Ɓē ko̰o̰ gogə́ rang yā kadə̄ *Israel gə̄ ní a?

KƏLA RĀĀ 1:6 Referans Kwoze

Najə̄ kə́ Majə yā Jeju ń Luk ndang ní 19:11

Dan ń de gə̄ a oōn̄ najə̄ ngeé ń toō ní anī, Jeju ədadə́ kūjə́ najə̄ kógə̄ḿ ɓáý to̰, tɔdɔ̄ ni a əndā dɔ ɓē kə́ Jerusalem ngɔr, tá nin̄-gírə̄n̄ kadə̄ Ɓē ko̰o̰ yā Nə́ɓā a teē hɔy i kə̄ ta jī tə́ noō ō.

Najə̄ kə́ Majə yā Jeju ń Luk ndang ní 17:20

Parijiyḛ gə̄ dəjen̄ Jeju najə̄ dɔ ndɔ̄ ń Ɓē ko̰o̰ yā Nə́ɓā a reēń tə́ ní anī, ni-tél ədadə́ na: Ta reē Ɓē ko̰o̰ yā Nə́ɓā i yá̰á̰ kə́ to kadə̄ á̰a̰ī kə kumsí njóý njóý alé,

DANIEL 7:27

Ba ko̰o̰ ɓē ō, ndi dɔ yá̰a̰ gə̄ tə́ malang ō, bo yā ɓē ko̰o̰ gə̄ malang kə́ dɔ nang tə́ ō ní, a adə̄n̄ gír de kə́ táĺ gə̄ yā Nə́ɓā kə́ dɔɔ́. Ko̰o̰ ɓē yān i ko̰o̰ ɓē kə́ a to ngándáńg. ngé ndi dɔ ɓē gə̄ tə́ malang a rāān̄ kəla yān ō a oōn̄ tan ō.

MATIYE 24:3

Jeju ndi dɔ mbal̄ kāgə̄ olibə gə̄ tə́ anī, ngé ndóō yá̰á̰ yān gə̄ reēn̄ rɔ̄n tə́ kə kéŕdə́ ba dəjenən̄ kadə̄ ədadə́ ndɔ̄ ń yá̰á̰ ń noō a rāań yá̰á̰ tə́ ní ō, kadə̄ ədadə́ yá̰á̰ ń a ɔjə dɔ ndɔ̄ télən ō, a ɔjə dɔ ta ngóy ndɔ̄ gə̄ ō ní.

Najə̄ kə́ Majə yā Jeju ń Luk ndang ní 22:29

Adə̄ ń toō m-ə̄ndā dɔ Ɓē ko̰o̰ danaá kɔ̄ɔ́ tām̄ yāsí tə́ tītə̄ ń Bɔbə́ḿ əndāń dɔ danaá tām̄ yāḿ tə́ ní ō.

MATIYE 17:11

Ni-tél ədadə́ na Eli na a reē rɔ̄kum, yā kəndā yá̰a̰ gə̄ malang kə gō loodə́ gēé gogə́ rang.

MATIYE 20:21

Jeju dəjen na ké gḛy i rí wa, anī ni-ədan na: I kadə̄ adə̄ ngánə́ḿ kə́ jōó gə̄ ń toō ndin̄ kadií tə́, kógə̄ḿ dɔ jī ko̰í tə́ ō, kógə̄ḿ dɔ jī gelií tə́ ō, kem Ɓē ko̰o̰ yāí tə́.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

AMOS 9:11

Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.

JEREMI 33:26

kə m̄-mbātə́ de kə́ gír kaa yā Jakob tə́ gə̄ ō, kə́ gír kaa yā nge kəla yāḿ Dabid tə́ gə̄ ō a? Kə m̄-gə̄rā ngār gə̄ dan gír deē yā Dabid tə́ kadə̄ o̰ō̰n̄ ɓē dɔ gír kojə yā Abəraham tə́ ō, yā Isaak tə́ ō, yā Jakob tə́ ō, to̰ aĺ a? M-ā m̄-rāā ni ń noō alé! M-ā m̄-tél yā kəndādə́ kijə, tɔdɔ̄ kumḿ o̰o̰m̄ sedə́.

IJAI 1:26

Ngé sarya yāí gə̄ a ton̄ tītə̄ ngé kə́ kété jóo gə̄ ō, ngé kadə̄ kɔjə̄ yāí gə̄ a ton̄ tītə̄ ngé kə́ kem ɓāl̄ gə̄ kə́ mānə̄n̄ kɔ̄ɔ́ tə́ ō, i kə ta kūlə̄ḿ māá. Gō tə́ anī, a ɓāríīn̄ na i ɓē yā yá̰a̰ rāā kə́ gōtə́, na i ɓē kə́ nge ra dɔ ndūn tə́.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

JA̰A̰ 21:21

Dan ń Piyer a̰a̰n anī, dəje Jeju na: Kɔ́ɔ̄ɓē, ba ni ní, i rí n a rāān?

MARK 9:12

Ni-tél ədadə́ na: Eli ń a reē ta kəga dɔ ní a tél yā tə́ndā yá̰a̰ gə̄ malang kə gō loodə́ gēé gogə́ rang. Ba i ba̰ý á ndangən̄ kem makətūbə̄ tə́ sɔɔ̄ń dɔ Ngōn̄ Deē na a a̰a̰ tápə̄ ngá̰ý ō, a kídə̄nən̄ ō ní?

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

OJEE 3:4

Tɔdɔ̄ ngán Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.