KƏLA RĀĀ 1:3 - Bibəl ta Sar̄

³ I nin̄ ngeé ń toō ɓáý to̰ n ni ɔjədə́ rɔ̄n ní ō, rāā yá̰a̰ gə̄ ngá̰ý gō koy ń ni-oy tə́ ní, ɔjəńdə́ kadə̄ na n-ndi kə kumneé ní ō, ni-rāā adə̄ a̰a̰nən̄ ō, ɔr̄ najə̄ kə́ dɔ Ɓē ko̰o̰ yā Nə́ɓā tə́ sedə́ ō dɔ ndɔ̄ kutə sɔ́.

Bible sar

³ I nin̄ ngeé ń toō ɓáý to̰ n ni ɔjədə́ rɔ̄n ní ō, rāā yá̰a̰ gə̄ ngá̰ý gō koy ń ni-oy tə́ ní, ɔjəńdə́ kadə̄ na n-ndi kə kumneé ní ō, ni-rāā adə̄ a̰a̰nən̄ ō, ɔr̄ najə̄ kə́ dɔ *Ɓē ko̰o̰ yā Nə́ɓā tə́ sedə́ ō dɔ ndɔ̄ kutə sɔ́.

KƏLA RĀĀ 1:3 Referans Kwoze

KƏLA RĀĀ 13:31

De gə̄ ń njə̄rān̄ kə Jeju ḭḭn̄ seneé Galile reēn̄ Jerusalem ní, Jeju ndɔ̄bə̄də́ adə̄ a̰a̰nən̄ ndɔ̄ ngá̰ý. Ngɔlaā nin̄ i de kə́ kum tə́ yān gə̄ ta kum ngán Israel gə̄ tə́.

JA̰A̰ 20:26

Ndɔ̄ sɔ́sɔ́ gō tə́ anī, ngé ndóō yá̰a̰ gə̄ ndin̄ kújú ɓáý to̰, banī Toma i sedə́. Nin̄ utə̄n̄ ta kújə kɔ̄ɔ́, banī Jeju reē ra dandə́ tə́ ədadə́ na: Ādī kemsí sɔl̄ lɔm.

1 JA̰A̰ 1:1

Yá̰á̰ ń to kété pá tá kadə̄ Nə́ɓā əla gír rāā yá̰a̰ gə̄ ō, yá̰á̰ ń j-oō ō, j-a̰ā̰ kə kumjí ō, j-a̰a̰ majən ō, jījí ɔdə rɔ̄n ō ní, i najə̄ ń i nge rāā deē kadə̄ ndi kə kumneé ní.

JA̰A̰ 21:14

Jeju əla gír teē hɔy kə̄ rɔ̄ ngé ndóō yá̰a̰ gə̄ tə́ i ndɔ̄ ń ni ndóləń dan de kə́ koy gə̄ tə́ ní, nge ń toō i nja kə́ nge ko̰ mətá.

JA̰A̰ 21:1

Gō yá̰a̰ gə̄ ń noō tə́ anī, Jeju teē hɔy ɓáý to̰ kə̄ rɔ̄ ngé ndóō yá̰a̰ gə̄ tə́, kadə bā bo kə́ Tiberiadə tə́. Ni teē hɔy kə̄ rɔ̄də́ tə́ i beé.

MATIYE 28:9

Jeju tə́nī tadə́ ba ədadə́ na: m̄-rāāsí lápə́ya! Nin̄-reēn̄ rɔ̄n tə́ əhɔn̄ njan, ba ɔsən̄ nodə́ nang tə́ non tə́.

KƏLA RĀĀ 28:31

Ni-ənī kemən ɔjəń najə̄ kə́ dɔ Ɓē ko̰o̰ yā Nə́ɓā tə́ kanjə̄ ɓōĺ ō, ndóoń de gə̄ najə̄ kə́ dɔ Kɔ́ɔ̄ɓē Jeju Kərist tə́ kanjə̄ ɓōĺ ō, de kə́ ɔgə̄n gətóo ō.

1 TESALONIK 2:12

J-ɔjə̄sí ō, jə-sɔl̄ kemsí ō, jə-rāāsí ɓɔ́ kadə̄ háĺsí ndetə naā kə ɓāŕ ń Nə́ɓā ɓāŕsí kadə̄ údiī kem Ɓē ko̰o̰ yān tə́ ō, kɔsə gɔn yān tə́ ō ní.

KOLOSƏ 1:13

Nə́ɓā ɔr̄jí kɔ̄ɔ́ gíŕ tɔ́gə yā til tə́, ba əndājí kem Ɓē ko̰o̰ yā Ngōn̄ kó tár yān tə́.

Makətūbə̄ ń Pol ndang adə̄ Rom gə̄ ní 14:17

Tɔdɔ̄ najə̄ Ɓē ko̰o̰ yā Nə́ɓā i najə̄ kə́ dɔ yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, ba i najə̄ yá̰á̰ kə́ gōtə́ ō, kem sɔl̄ lɔm ō, rɔ̄nel̄ kə́ Ndíĺ kə́ Táĺ adə̄ ní.

MATIYE 21:43

Ní, ādə̄ m-ə́dásí, a taān̄ Ɓē ko̰o̰ yā Nə́ɓā jīsí tə́ yā kadə̄ nápar de gə̄ kə́ a rāān̄ kadə̄ kanə̄n teē.

NDŪ NAJƏ̄ 9:9

Dan ń m-āl̄ dɔ mbalá yā taā bar mbal̄ madə̄ naā ń Kɔ́ɔ̄ɓē əhɔ sesí ní, m̄-rāā ndɔ̄ kutə sɔ́ ō, kadə kutə sɔ́ ō, dɔ mbalá kanjə̄ kəsa yá̰a̰ ō, ka̰ȳ man̄ ō.

MATIYE 4:2

Jeju ndi ɓō tām̄ yā Nə́ɓā tə́ ndɔ̄ kutə sɔ́ ō, kadə kutə sɔ́ ō, ɓá anī ɓō rāān.

MATIYE 3:2

tɔdɔ̄ Ɓē ko̰o̰ kə́ dɔ rā̰ tə́ reē ngɔr rɔ̄sí tə́.

1 MBAN̄G GƏ̄ 19:8

Eli ḭ́ḭ dɔɔ́ əsa yá̰a̰ ō, a̰ȳ man̄ ō. Yá̰a̰ kəsa ní adə̄n tɔ́gə adə̄ njə̄rā ndɔ̄ kutə sɔ́ ō, kadə kutə sɔ́ ō, tá ugə̄ mbal̄ yā Nə́ɓā ń i mbal̄ Horeb ní tə́.

NDŪ NAJƏ̄ 9:18

Loo ń noō tə́ m̄-tél m-ə̄sō kə̄ nang tə́ no Kɔ́ɔ̄ɓē tə́. m̄-rāā ndɔ̄ kutə sɔ́ ō, kadə kutə sɔ́ ō, kanjə̄ kəsa yá̰a̰ ō, ka̰ȳ man̄ ō, ɓáý to̰ najə̄ yā yá̰á̰ kə́ majaĺ ń ī-rāāī tə́ ní. Yá̰á̰ ń ī-rāāī ní nel̄ kem Kɔ́ɔ̄ɓē alé.

MARK 16:19

Gō tə́ dan ń Kɔ́ɔ̄ɓē Jeju ɔr̄ najə̄ sedə́ oy anī, un aw̄n̄ seneé dɔ rā̰ tə́, adə̄ ndi dɔ jī ko̰ Nə́ɓā tə́.

KƏLA RĀĀ 8:12

Ba dan ń de gə̄ ní taān̄ kem Pilipə tɔdɔ̄ ni ɔjədə́ Najə̄ kə́ Majə kə́ dɔ Ɓē ko̰o̰ yā Nə́ɓā tə́ ō, kə́ dɔ rī Jeju Kərist tə́ ō anī, nin̄ malang ní adə̄ rāān̄də́ batém, dəngam gē dəyá̰ gē.

KƏLA RĀĀ 19:8

Pol aw̄ kújə́ kán̄ naā yā Jipə gə̄ tə́ ba ɔr̄ najə̄ kemeé kanjə̄ ɓōĺ nāā mətá. Ni-ɔr̄ i najə̄ kə́ dɔ Ɓē ko̰o̰ yā Nə́ɓā tə́ ō, sāā i kɔsə ngóý ngé koō najə̄ kɔrə̄n gə̄ ō.

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.