KƏLA RĀĀ 1:2 - Bibəl ta Sar̄

² bátə́ m-ūgəń dɔ ngé kə́ ndɔ̄ ń un aw̄n̄neé seneé dɔ rā̰ tə́ ní. Kété pá tá kadə̄ ni-aw̄ ní, ɔjə ngámbang kəla gə̄ ń ni-gə̄rādə́ ní yá̰a̰ gə̄ kə ta kūl̄ tɔ́gə yā Ndíĺ kə́ Táĺ.

Bible sar

² bátə́ m-ūgəń dɔ ngé kə́ ndɔ̄ ń un aw̄n̄neé seneé dɔ rā̰ tə́ ní. Kété pá tá kadə̄ ni-aw̄ ní, ɔjə ngámbang kəla gə̄ ń ni-gə̄rādə́ ní yá̰a̰ gə̄ kə ta kūl̄ tɔ́gə yā *Ndíĺ kə́ Táĺ.

KƏLA RĀĀ 1:2 Referans Kwoze

KƏLA RĀĀ 1:9

Dan ń ni-ədadə́ yá̰a̰ gə̄ ń toō oy anī, ḭḭ ta kumdə́ tə́ ɗil ta kaw̄ kə̄ dɔ rā̰ tə́. Gō tə́ anī kil̄ man̄ kógə̄ḿ reē utə̄ dɔn kɔ̄ɔ́ ɔgə̄də́ ka̰a̰n.

HEBƏRO 9:24

Tɔdɔ̄ i loo kə́ táĺ kə́ jī deē rāā, adə̄ i ndíl loo kə́ táĺ kə́ rɔ̄kum n Kərist udə kemeé ní alé. Banī i dɔ rā̰ nəkɔ́ n ni udə kemeé ní. Ngɔlaā ni-ra ta kum Nə́ɓā tə́ tām̄ yājí tə́ i loo ń noō tə́.

KƏLA RĀĀ 10:38

Kadə̄ ń Nə́ɓā adə̄ Jeju kə́ Najaret Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

JA̰A̰ 20:21

Jeju ədadə́ ɓáý to̰ na: Ādī kemsí sɔl̄ lɔm. Tītə̄ ń Bɔbə́ḿ əlam̄ ní, mā m-ə́lásí ō.

JA̰A̰ 13:18

M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.

JA̰A̰ 13:3

Jeju ger̄ kadə̄ Bɔbə̄n adə̄n yá̰a̰ malang ō, kadə̄ ni-ḭḭ i rɔ̄ Nə́ɓā tə́ ō, a tél i yā kaw̄ rɔ̄ Nə́ɓā tə́ ō.

IJAI 48:16

Ī-ndɔ́tī kə̄ rɔ̄ḿ tə́ ba ōōī: M-ə́lá gír kɔr̄ najə̄ loo mundə̄ tə́ aĺ i ta kəla gíŕ tə́ nú. Dan ń yá̰a̰ gə̄ ń toō rāān̄ yá̰á̰ ní, mā i noó. Ba ngɔlaā ní, Kɔ́ɔ̄ɓē Nə́ɓā əlam̄ ō, ni-adə̄m̄ Ndílən ō.

JEJU TEĒ KUM JA̰A̰ 21:14

Nja ndogə̄ mbal̄ ní i kutə gidə i jōó ba ndangən̄ rī ngámbang kəla kə́ kutə gidə i jōó gə̄ yā Ngōn̄ batə̄ tū njan gə̄ ní tə́.

JEJU TEĒ KUM JA̰A̰ 3:22

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

JEJU TEĒ KUM JA̰A̰ 3:16

Adə̄ dan ń ḭ̄ ɔ̄bə̄ bumbə́ru, ba ī-sɔl̄ aĺ ō, ī-təngā aĺ ō ní, m-ā m̄-tōmbī kɔ̄ɔ́.

JEJU TEĒ KUM JA̰A̰ 3:13

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

JEJU TEĒ KUM JA̰A̰ 2:29

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

JEJU TEĒ KUM JA̰A̰ 2:11

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, a a̰a̰ tápə̄ yā yo kə́ ko̰ jōó alé.

JEJU TEĒ KUM JA̰A̰ 2:7

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī m-ā m-ādə̄n kan̄ kāgə̄ ndi kə kumuú ń ra loo kə́ majə yā Nə́ɓā tə́ ní kadə̄ əsa.

JEJU TEĒ KUM JA̰A̰ 1:1

Yá̰a̰ gə̄ kə́ ton̄ loo mundə̄ tə́ ń Nə́ɓā teē kum Jeju Kərist dɔ tə́ kadə̄ ɔjə ngé kəla yān gə̄ ní, yá̰a̰ gə̄ ní a rāān̄ yá̰a̰ ngɔr. Kərist əla deē yān kə́ dɔ rā̰ tə́ kadə̄ ɔjə Ja̰a̰ nge kəla yān yá̰a̰ gə̄ ní.

2 PIYER 3:2

Ādə̄ əga kemsí dɔ najə̄ gə̄ ń ngé koō ta kə́ táĺ gə̄ ədan̄ kété ní tə́ ō, dɔ gō míndə́ Kɔ́ɔ̄ɓē ō nge kajə de gə̄ ō ń ngámbang kəla yāsí gə̄ ndóōn̄sí ní tə́ ō.

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

EPEJƏ 2:20

Ngəra kújə́ ní i ngámbang kəla gə̄ ō, ngé koō ta gə̄ ō, ba Kərist nəkɔ́ i mbal̄ kə́ nge kəhɔ kújə́ ní dɔɔ́.

GALATƏ 1:1

I mā Pol ń i ngōmbang kəla yā Jeju, banī i kə gō kem ndigə yā de gēé aĺ ō, i kə gō najə̄ kə́ ta deē kógə̄ḿ tə́ aĺ ō, banī i kə ta kūl̄ Jeju Kərist nəkɔ́ ō, i kə ta kūl̄ Bɔbə̄jí Nə́ɓā ń ndól̄ Jeju dan de kə́ koy gə̄ tə́ ō ní,

KƏLA RĀĀ 1:13

Dan ń ugə̄n̄ Jerusalem anī, aw̄n̄ kem kújə́ kə́ dɔɔ́ ń a ndin̄ tū tə́ dejə ní tə́. Ngámbang kəla gə̄ ń əngen̄ naā kem kújə́ kə́ dɔɔ́ ngeé ń noō tə́ ní i Piyer ō, Ja̰a̰ ō, Jakə ō, Andəre ō, Pilipə ō, Toma ō, Bartelemi ō, Matiye ō, Jakə kə́ ngōn̄ Alpe ō, Simo̰ nge rɔ̄ɔ̄ dɔ ɓē tə́ ō, Jud kə́ ngōn̄ Jakə ō.

KƏLA RĀĀ 1:11

ba dəjen̄də́ najə̄ ədan̄ na: Sḭḭ̄ de kə́ Galile gə̄ ń toō, ī-ra ā á̰a̰ī loo kə̄ dɔ rā̰ tə́ i tām̄ rí tə́? Jeju nəkɔ́ kə́ kógə̄ḿ beē ń ɔr̄nən̄ kɔ̄ɔ́ rɔ̄sí tə́ ta kaw̄ kə̄ dɔ rā̰ tə́ ní, a tél yā reē i tītə̄ nəkɔ́ ń á̰a̰niī loo kaw̄ tə́ kə̄ dɔɔ́ toō.

JA̰A̰ 20:17

Jeju ədan na: Ɔ́dəm̄ alé, tɔdɔ̄ m-āw̄ rɔ̄ Bɔbə́ḿ tə́ aĺ ɓáý. Ba āw̄ ə́dá ngákó̰ó̰ḿ gə̄ na m-āw̄ kə̄ rɔ̄ Bɔbə́ḿ ń i Bɔbə̄sí ō, kə̄ rɔ̄ Nə́ɓā yāḿ ń i Nə́ɓā yāsí ō ní tə́.

JA̰A̰ 17:13

Ngɔlaā ń toō m-ā m-āw̄ kə̄ rɔ̄í tə́, ba m-ə́da najə̄ gə̄ ń toō dɔ nang tə́, i yā kadə̄ rɔ̄nel̄ yāḿ kə́ kemdə́ tə́ i rɔ̄nel̄ kə́ ɔtə̄ kə taá mámák.

JA̰A̰ 16:28

M-ḭ́ḭ i rɔ̄ Bɔbə̄ Ngōn̄ tə́ n m̄-reē dɔ nang tə́ ní. Ba ngɔlaā ní m-ā m-ə́ya̰ dɔ nang, ba m-ā m-āw̄ rɔ̄ Bɔbə̄ Ngōn̄ tə́.

JA̰A̰ 13:1

Kété no nāā Pákə tə́ ní, Jeju ger̄ kadə̄ kum mbang yān asə. I mbang ń kadə̄ əya̰ń de kə́ dɔ nang tə́ gə̄ ba aw̄ń rɔ̄ Bɔbə̄n tə́ ní. Ni ń tár deē yān gə̄ kə́ dɔ nang tə́ kə dɔ ndɔ̄ gə̄ ní, táŕdə́ mbóńg ta tɔ̄l̄ tə́.

JA̰A̰ 6:70

Jeju tél ədadə́ na: Sḭḭ̄ kə́ kutə gidə i jōó gə̄ ní, i mā n m̄-gə̄rāsí ní aĺ a? Ba deē kógə̄ḿ dansí tə́ i nge kəla yā diabəl.

JA̰A̰ 6:62

Ba ré á̰a̰ī Ngōn̄ Deē aw̄ ndi dɔɔ́ loo ndin kə́ kété tə́ ní ā ī-rāāī i ba̰ý?

JA̰A̰ 3:34

Tɔdɔ̄ nge ń i Nə́ɓā n əlan ní, Nə́ɓā adə̄n Ndíl i kanjə̄ mbɔ̄jə́ ka̰ā̰, adə̄ a əda i najə̄ yā Nə́ɓā.

JA̰A̰ 1:16

Tām̄ jḭḭ malang ní j-ənge yá̰a̰ kal̄ loo yān kə ta kūl̄ kem majə yān kə̄ dɔ naā tə́.

Najə̄ kə́ Majə yā Jeju ń Luk ndang ní 24:51

Ba dan ń ni a tɔ́r̄ tan dɔdə́ tə́ tītə̄ ń noō ní anī, ɔr̄ rɔ̄n rɔ̄də́ tə́ ba aw̄n̄ seneé dɔ rā̰ tə́.

Najə̄ kə́ Majə yā Jeju ń Luk ndang ní 9:51

Dɔ ndɔ̄ ń kadə̄ ɔrə̄n̄neé Jeju dɔ nang tə́ kɔ̄ɔ́ yā kaw̄ seneé dɔ rā̰ tə́ ní to ngɔr. Anī Jeju utə̄ kumən njarara ba un róbə ta kaw̄ Jerusalem.

MARK 6:30

Ngámbang kəla gə̄ kánə̄n̄ naā rɔ̄ Jeju tə́, ba ɔjənən̄ gotə yá̰a̰ malang ń nin̄-rāān̄ ní ō, gotə yá̰a̰ malang ń nin̄-ndóōn̄ de gə̄ ní ō.

MATIYE 12:28

Ba ré m̄-tə̄ɓā ndíĺ kə́ majaĺ gə̄ i kə ta kūl̄ Ndíĺ yā Nə́ɓā anī, i Ɓē ko̰o̰ yā Nə́ɓā n-reē ugə̄ rɔ̄sí tə́ ɓá kɔ̄ɔ́ noō.

MATIYE 3:16

Dan ń rāān̄ Jeju batém oy anī, ni-teē kum man̄ tə́. Ta dɔ rā̰ teē, anī ni-a̰a̰ Ndíĺ Nə́ɓā ḭḭ dɔ rā̰ tə́ jə̄ngā tītə̄ dér ndaa ba reē ndi dɔn tə́.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

JEJU TEĒ KUM JA̰A̰ 2:17

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, m-ā m-ādə̄n mána kə́ to loo ɓɔ̄ɔ̄ tə́ ō, m-ā m-ādə̄n mbal̄ kə́ ndaa kə́ ndangən̄ rī kə́ kijə dɔ tə́ ō. I deē ń a ənge mbal̄ ní ngóy n a ger̄ rī ní, ba de kə́ rang a ger̄ alé.

KƏLA RĀĀ 1:22

Nin̄-əlan̄ gír i dan ń Ja̰a̰ rāań Jeju batém tə́ ní mbóńg ndɔ̄ ń unən̄neé Jeju ta kaw̄ kə̄ dɔ rā̰ tə́ ní. Adə̄ majə kadə̄ deē kógə̄ḿ dandə́ tə́ ərōjí tə́, kadə̄ ni i de kə́ kum tə́ sejí dɔ najə̄ koyn tə́ ō ndólə̄n tə́ ō.