KƏLA RĀĀ 1:15 - Bibəl ta Sar̄

¹⁵ Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

Bible sar

¹⁵ Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

KƏLA RĀĀ 1:15 Referans Kwoze

1 KORḚNTƏ 15:6

Kutə gō anī ni teē hɔy kə̄ rɔ̄ ngé ndóō yá̰a̰ yān gə̄ kə́ mānə̄n̄ ɓú mí ń noō tə́, adə̄ nin̄ malang a̰a̰nən̄ kə kumdə́ ō. Ngá̰ý gə̄ dandə́ tə́ ndin̄ kə kumdə́ laā ɓáý ō, ngé kə́rēý gə̄ oyn̄ kɔ̄ɔ́ ō.

JEJU TEĒ KUM JA̰A̰ 11:13

Kum mbang ngeé ń noō tə́ ní, dɔ nang ndew ngá̰ý. Adə̄ ré gángə̄n̄ ɓē naā tə́ gír loo kutə anī, gírən kə́ kógə̄ḿ tétə̄ nang tə́ kɔ̄ɔ́ malang. Adə̄ de gə̄ dūbú sīrí oyn̄ dan ń dɔ nang ndewń tə́ ní. Gotə de gə̄ ń na̰yn̄ ní ɓōĺ rāādə́, adə̄ ɔsən̄ gɔn Nə́ɓā kə́ dɔ rā̰ tə́.

KƏLA RĀĀ 21:20

Dan ń nin̄-oōn̄ najə̄ yān oy anī, ɓōkə́n̄ Nə́ɓā tɔ̄ȳ ba tél ədan̄ Pol na: Ngōkó̰ó̰jí, īkɔ́ á̰a̰ā̰, de gə̄ dūbú ngá̰ý dan Jipə gə̄ tə́ taān̄ kem. Tá nin̄ malang ní i de gə̄ kə́ o̰o̰də́ tɔdɔ̄ ndū najə̄ gə̄ ngá̰ý.

JA̰A̰ 21:23

Əla gír i dɔ najə̄ ń noō tə́ n de gə̄ ədan̄ naā kə̄ kété dɔ dáń ngákó̰o̰ naā gə̄ tə́ na nge ndóō yá̰á̰ ń noō na a oy alé. Kə́ rɔ̄kum tə́ tā anī najə̄ ń Jeju əda Piyer ní n noó alé, ədan na a oy aĺ alé, ba na: Ré m̄-gḛy kadə̄ ni-ndi kə kumneé bátə́ kadə̄ m̄-tél m̄-reēń anī usiī i rí?

JEJU TEĒ KUM JA̰A̰ 3:4

Ɓá tā ba ḭ̄ āw̄ kə de kə́rēý gə̄ Sardə noó, nin̄ i ngá̰ý alé, banī rāān̄ adə̄ yá̰á̰ kə́ majaĺ tákə̄ kūbə̄ yādə́ alé. Nin̄ a o̰ō̰n̄ kūbə̄ kə́ ndaa yā njə̄rań seḿ, tām̄ nin̄-asən̄.

JA̰A̰ 14:12

Ādə̄ m-ə́dásí najə̄ kə́ bo ngá̰ý, deē ń taā kemḿ anī a rāā kəla gə̄ ń m̄-rāā ní ō, ba a rāā ngé kə́ bo tɔȳ ngé gə̄ ń toō ɓáý, tɔdɔ̄ m-ā m-āw̄ i kə̄ rɔ̄ Bɔbə́ḿ tə́.

Najə̄ kə́ Majə yā Jeju ń Luk ndang ní 22:32

Ba m̄-ndɔ̄ȳ tām̄ yāí ḭ̄ tə́ kadə̄ ə̄sō loo taā kem yāí tə́ alé. Ba ḭ̄, dan ń ī-tél ta róbə yāí tə́ ní a, ī-mbūsə̄ ngákó̰ó̰í gə̄.

MATIYE 13:31

Jeju ɔjədə́ kūjə́ najə̄ kə́ rang, ədadə́ na: Ɓē ko̰o̰ kə́ dɔ rā̰ tə́ to i tītə̄ kum mutardə kə́ deē un dubə̄ kem ndɔr̄ yān tə́ beē.

KƏLA RĀĀ 10:23

Loo ń noō tə́ Piyer aw̄ sedə́ kújú ba adə̄də́ loo kadə̄ ton̄neé. Teē kə ndɔ̄ kə́ noō anī əsō róbó aw̄ sedə́. Ngákó̰o̰ naā kə́rēý gə̄ kə́ Jope dānə̄nən̄ aw̄n̄ seneé.

KƏLA RĀĀ 11:1

Ngámbang kəla gə̄ ō, ngákó̰ó̰jí gə̄ ō ń ndin̄ gō nang kə́ Jude tə́ ní, oōn̄ kadə̄ de gə̄ ń nin̄ i Jipə aĺ gə̄ ní gə̄gē na ndigən̄ najə̄ yā Nə́ɓā ō.

KƏLA RĀĀ 11:12

Ndíĺ kə́ Táĺ ədam̄ na kə m-āw̄ sedə́ kanjə̄ kadə̄ kemḿ tɔ́sə̄m̄. Ngákó̰ó̰jí kə́ mehḛ́ gə̄ ń m̄-reē sedə́ á ran̄ toó dānə̄mə̄n̄ Sejare ō, j-udə kem kújə yā Kɔrney tə́ i malangjí gə̄ ō.

KƏLA RĀĀ 11:26

Dan ń əngen anī reē seneé A̰tiyos. Nin̄ jōó mbak rāān̄ ɓāl̄ kógə̄ḿ kə taá dan de gə̄ kə́ kem Egəlijə kə́ A̰tiyos tə́ ō, ndóōn̄ kósə de kə́ ngá̰ý gə̄ yá̰a̰ ō. De gə̄ əlan̄ gír ɓāŕ ngé ndóō yá̰a̰ yā Jeju gə̄ na i Kəretiyḛ gə̄ i kem ɓē kə́ A̰tiyos tə́.

KƏLA RĀĀ 11:29

Adə̄ ngé ndóō yá̰a̰ gə̄ ndigən kadə̄ nin̄ kógə̄ḿ kógə̄ḿ ní kə n-adə̄n̄ yá̰á̰ ń tɔ́gə́də́ asə ní, yā kəlań kadə̄ ngákó̰ó̰də́ gə̄ ń ndin̄ gō nang kə́ Jude tə́ ní yā rāań sedə́.

KƏLA RĀĀ 12:17

Ni wél̄ jīn ɔgə̄ńdə́ kɔr̄ najə̄, ba ɔjədə́ loo kɔr̄ ń Kɔ́ɔ̄ɓē ɔrə̄n dəngáyá ní. Ni ədadə́ ɓáý to̰ na kə aw̄ kə ədan̄ Jakə gotə ō, ngákó̰ó̰də́ kə́ rang gə̄ ō. Gō tə́ anī ni-teē aw̄ loo kə́ rang tə́.

KƏLA RĀĀ 14:2

Banī Jipə gə̄ ń taān̄ kem aĺ ní, sə̄lān̄ de gə̄ ń i Jipə aĺ gə̄ ní adə̄ gírə̄n̄ yá̰á̰ kə́ majaĺ kə ngákó̰ó̰jí gēé.

KƏLA RĀĀ 15:1

Anī de kə́rēý gə̄ ḭḭn̄ Jerusalem reē ɔjən̄ ngákó̰ó̰jí gə̄ najə̄ A̰tiyos, ədan̄də́ na: Ré ādī əjan̄ mɔtəsí tītə̄ ń najə̄ yā Moijə ədań ní aĺ anī, ā ásiī kadə̄ ajən̄sí alé.

KƏLA RĀĀ 15:3

Adə̄ Egəlijə kə́ A̰tiyos adə̄n̄də́ sádə̄ mbā. Nin̄-əndan̄ gō nang kə́ Penisi ō Samari ō gāngə̄n̄, ba ɔjən̄ loo tūr̄ ń de gə̄ ń i Jipə aĺ gə̄ tūrə̄n̄ rɔ̄də́ kə̄ rɔ̄ Nə́ɓā tə́ ní dɔɔ́ dɔɔ́. Najə̄ ní adə̄ ngákó̰ó̰jí gə̄ malang ń oōn̄ ní rɔ̄nel̄ ngá̰ý.

KƏLA RĀĀ 16:2

Rī Timote ní ɓār̄ majə ngá̰ý dan ngákó̰ó̰jí gə̄ kə́ Listər tə́ ō, kə́ Ikoniyɔm tə́ ō.

KƏLA RĀĀ 16:40

Dan ń Pol nin̄ kə Silas teēn̄ kújə dəngáyá anī, aw̄n̄ ɓē Lidə. Nin̄-a̰a̰n̄ ngákó̰ó̰də́ gə̄ ō, ɔjə̄n̄də́ ō, tá kadə̄ aw̄n̄ ɓáý.

KƏLA RĀĀ 17:6

Ba dan ń nin̄-əngen̄də́ aĺ anī ndɔ́rə̄n̄ Jaso̰ ō, ngákó̰ó̰jí kə́rēý gə̄ ō, aw̄n̄ sedə́ no ngé ko̰o̰ ɓē gə̄ tə́. Nin̄-ədan̄ kə̄ dɔɔ́ ngá̰ý na: De gə̄ ń toō sól̄yōn̄ de gə̄ kə gō loo gə̄ malang kə́ dɔ nang tə́ laā. Ba ń toō ɓáa nin̄-reē ugə̄n̄ laā,

KƏLA RĀĀ 17:10

Ndɔ̄ɔ́ anī, ngákó̰ó̰jí gə̄ adə̄n̄ Pol nin̄ kə Silas aw̄n̄ kem ɓē kə́ Bere tə́. Dan ń ugə̄n̄ anī aw̄n̄ kújə́ kán̄ naā yā Jipə gə̄ tə́.

KƏLA RĀĀ 17:14

Anī kə̄ ta jī tə́ noō ngákó̰ó̰jí gə̄ adə̄n̄ Pol aw̄ kumən kə̄ bā bo tə́ kɔ̄ɔ́. Banī Silas nin̄ kə Timote tá ndin̄ gotoó kem ɓē kə́ Bere tə́.

KƏLA RĀĀ 18:18

Pol ndi Korḛntə dan oy tām̄ ɓáý. Gō tə́ anī ni-əya̰ ngákó̰o̰n gə̄ ba al̄ kem to bo kógə̄ḿ tə́ yā kaw̄ kə̄ Siri naā tə́ kə Pərisil ō Akilas ō. Ni dəsā dɔn kɔ̄ɔ́ kem ɓē kə́ Sankəre tə́, tɔdɔ̄ ni-ənī míndən kété.

KƏLA RĀĀ 18:27

Ni gḛy kaw̄ gō nang kə́ Akayi tə́, anī ngákó̰o̰n gə̄ ndigən̄ gōn tə́ ō, ndangən̄ makətūbə̄ adə̄n̄ ngé ndóō yá̰a̰ gə̄ dəjen̄neédə́ kadə̄ əhɔnən̄ kə̄ rɔ̄də́ tə́ majə ō. Dan ń ni-ugə̄ anī, rāā majə ngá̰ý kə ngé taā kem gēé kə yá̰á̰ ń Nə́ɓā adə̄n karī ní.

KƏLA RĀĀ 21:7

Yā tɔ̄ləń ta njə̄rā mbā yājí kə to boó ní, j-ḭḭ Tir j-aw̄ Pətolemayis. Jə-rāā ngákó̰ó̰jí kə́ kem ɓē ngeé ń noō tə́ gə̄ lápə́ya ō, jə-ndi sedə́ ndɔ̄ kógə̄ḿ ō.

KƏLA RĀĀ 21:17

Dan ń j-ugə̄ Jerusalem ní ngákó̰ó̰jí gə̄ əhɔn̄jí kə̄ rɔ̄də́ tə́ majə ngá̰ý.

KƏLA RĀĀ 22:5

Ngol ngé tun̄ yá̰a̰ gə̄ ō, kum kɔɔ̄ gə̄ malang ō, asən̄ ndigə gōḿ tə́ kadə̄ m-ə́da i najə̄ kə́ rɔ̄kum. m̄-taā makətūbə̄ i jīdə́ nin̄ kɔ́ gə̄ tə́ yā kaw̄ń kadə̄ ngákó̰ó̰jí Jipə gə̄ kə́ Damas tə́ ní. Adə̄ m-ḭ́ḭ m-ā m-āwń i kə̄ Damas, yā kaw̄ kəhɔń ngé taā kem gə̄ ń ndin̄ noó ní yā reē sedə́ Jerusalem, kadə̄ rāān̄də́ yá̰á̰ kə́ tōr̄.

KƏLA RĀĀ 28:14

J-ənge ngákó̰ó̰jí gə̄ kem ɓē ngeé ń noō tə́, adə̄ nin̄-əhɔn̄jí mbā ndɔ̄ sīrí. I beé n j-ugə̄ń Rom ní.