KƏLA RĀĀ 1:13 - Bibəl ta Sar̄

¹³ Dan ń ugə̄n̄ Jerusalem anī, aw̄n̄ kem kújə́ kə́ dɔɔ́ ń a ndin̄ tū tə́ dejə ní tə́. Ngámbang kəla gə̄ ń əngen̄ naā kem kújə́ kə́ dɔɔ́ ngeé ń noō tə́ ní i Piyer ō, Ja̰a̰ ō, Jakə ō, Andəre ō, Pilipə ō, Toma ō, Bartelemi ō, Matiye ō, Jakə kə́ ngōn̄ Alpe ō, Simo̰ nge rɔ̄ɔ̄ dɔ ɓē tə́ ō, Jud kə́ ngōn̄ Jakə ō.

Bible sar

¹³ Dan ń ugə̄n̄ Jerusalem anī, aw̄n̄ kem kújə́ kə́ dɔɔ́ ń a ndin̄ tū tə́ dejə ní tə́. Ngámbang kəla gə̄ ń əngen̄ naā kem kújə́ kə́ dɔɔ́ ngeé ń noō tə́ ní i Piyer ō, Ja̰a̰ ō, Jakə ō, Andəre ō, Pilipə ō, Toma ō, Bartelemi ō, Matiye ō, Jakə kə́ ngōn̄ Alpe ō, Simo̰ nge rɔ̄ɔ̄ dɔ ɓē tə́ ō, Jud kə́ ngōn̄ Jakə ō.

KƏLA RĀĀ 1:13 Referans Kwoze

KƏLA RĀĀ 20:8

Hor lámba gə̄ i ngá̰ý kem kújə́ kə́ dɔɔ́ ń jə-kán̄ naā tū tə́ ní.

Najə̄ kə́ Majə yā Jeju ń Luk ndang ní 22:12

Anī kɔ́ɔ̄ kújə ní a ɔjəsí kem kújə́ kə́ dɔɔ́ kógə̄ḿ kə́ bo, kə́ lábə̄n̄ yá̰a̰ taā gír dɔ gə̄ kemeé. Ī-rāāī loo yá̰a̰ yā nāā Pákə gə̄ i kemeé nuū.

MARK 14:15

Anī kɔ́ɔ̄ kújə ní a ɔjəsí kem kújə́ kə́ dɔɔ́ kógə̄ḿ kə́ bo, kə́ tə́nīn̄ yá̰a̰ taā gír dɔ gə̄ kemeé, kə́ rāān̄ kə yá̰a̰ gə̄ malang kɔ̄ɔ́. Ī-rāāī loo yá̰a̰ nāā Pákə gə̄ kemeé tām̄ yājí tə́.

MARK 2:14

Dan ń ni a mān̄ róbó anī, a̰a̰ Lebi ngōn̄ Alpe, ndi loo taā lambóó tə́, anī ədan na kə un gōn. Loo ń noō tə́ Lebi ḭḭ un gōn.

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

KƏLA RĀĀ 12:17

Ni wél̄ jīn ɔgə̄ńdə́ kɔr̄ najə̄, ba ɔjədə́ loo kɔr̄ ń Kɔ́ɔ̄ɓē ɔrə̄n dəngáyá ní. Ni ədadə́ ɓáý to̰ na kə aw̄ kə ədan̄ Jakə gotə ō, ngákó̰ó̰də́ kə́ rang gə̄ ō. Gō tə́ anī ni-teē aw̄ loo kə́ rang tə́.

KƏLA RĀĀ 2:38

Piyer ədadə́ na: Ī-tūrī háĺsí malang, ba ādə̄ rāān̄sí batém kógə̄ḿ kógə̄ḿ kə rī Jeju Kərist, kadə̄ Nə́ɓā mā̰yń rɔ̄n dɔ yá̰á̰ kə́ majaĺ gə̄ ń ī-rāāī tə́ ní. Ɓá anī ā ə́ngeī Ndíĺ kə́ Táĺ ń Nə́ɓā adə̄ de gə̄ karī ní.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.

GALATƏ 2:9

Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan Jipə gə̄ tə́ ní.

GALATƏ 1:19

M-á̰a̰ ngōmbang kəla kə́ rang kógə̄ḿ alé, ba i Jakə kə́ ngōkó̰ó̰ Kɔ́ɔ̄ɓē ngóy.

KƏLA RĀĀ 15:13

Dan ń nin̄-ɔrə̄n̄ najə̄ oy anī Jakə əda na: Ngákó̰ó̰ḿ gə̄, ōōī najə̄ yāḿ!

KƏLA RĀĀ 4:19

Banī Piyer nin̄ kə Ja̰a̰ ədan̄də́ na: Sḭḭ̄ kɔ́ gə̄ ī-gāngī sarya ń toō: I koō tasí sḭḭ̄ n i yá̰á̰ kə́ gōtə́ ta kum Nə́ɓā tə́ aké i koō ta Nə́ɓā ḿ?

KƏLA RĀĀ 4:13

Dan ń ngé sarya gə̄ a̰a̰n̄ kadə̄ Piyer nin̄ kə Ja̰a̰ ənīn̄ kemdə́ ɔrə̄n̄neé najə̄ kanjə̄ ɓōĺ ō, nin̄-gerə̄n̄ kadə̄ i de kə́ hɔlyɔ karī gə̄ ō, i de kə́ ger̄ yá̰a̰ aĺ gə̄ ō anī, ɔr̄ kumdə́ ngá̰ý. Gerə̄n̄ kadə̄ i de gə̄ kə́ njə̄rān̄ kə Jejuú kété.

KƏLA RĀĀ 2:14

Loo ń noō tə́ Piyer ń ra noó kə ngámbang kəla kə́ kutə gidə i kógə̄ḿ gēé ní, un ndūn kə̄ dɔɔ́ ɔrə̄ń najə̄ kə kósə de gēé əda na: Sḭḭ̄ Jipə gə̄ ō, de gə̄ malang ń ī-ndiī Jerusalem ní ō, yá̰á̰ ń rāā yá̰a̰ toó majə kadə̄ ī-gerī kum majə ō, ī-nēlī mbīsí majə ōōīneé najə̄ ń m-ā m-ɔ̄r̄ sesí ní ō.

JA̰A̰ 21:2

Simo̰ Piyer ō, Toma ń a ɓāŕnən̄ na i ndəngā ní ō, Natanayel kə́ Kana gō nang kə́ Galile tə́ ō, ngán Jebede gə̄ ō, ngé ndóō yá̰á̰ kə́rēý gə̄ jōó ō, ndin̄ naā tə́ loo kógə̄ḿ.

JA̰A̰ 18:17

Nge kəla kə́ dəyá̰ kə́ nge ngɔ̄m̄ ta róbə́ ní dəje Piyer na: Ḭ̄ i nge ndóō yá̰a̰ yā deē ń toō ō aĺ a? Anī Piyer əda na: Mā i nge ndóō yá̰a̰ yān alé.

JA̰A̰ 11:16

Anī Toma ń a ɓāŕnən̄ na i ndəngā ní, əda ngé ndóō yá̰a̰ madə̄n gə̄ na: J-awī ba j-oyī seneé.

MARK 14:33

Ni ɓār̄ Piyer ō, Jakə ō, Ja̰a̰ ō, kadə̄ aw̄n̄ seneé.

MARK 9:2

Ndɔ̄ mehḛ́ gō tə́ anī, Jeju un Piyer ō Jakə ō Ja̰a̰ ō, ba aw̄ sedə́ kə kéŕdə́ dɔ mbal̄ kógə̄ḿ kə́ ngāl̄ tə́. Ɓáa anī rɔ̄n tūr̄ kə́ rang kɔ̄ɔ́ ta kumdə́ tə́.

MARK 5:37

Ni-adə̄ de kə́ rang aw̄ seneé alé, banī i Piyer ō Jakə ō Ja̰a̰ kə́ ngōkó̰o̰ Jakə ō ta ngóy.

MATIYE 9:9

Jeju ḭḭ loo ń noō tə́ aw̄, ba dan ń a mān̄ anī a̰a̰ deē kógə̄ḿ ndi loo taā lambóó tə́, rī deē ní na i Matiye. Ni ədan na: Ún gōḿ! Anī deē ní ḭḭ dɔɔ́ ba un gō Jeju.

2 JA̰A̰ 1:1

I mā kum kɔɔ̄ n m̄-ndang makətūbə̄ ń toō m-ə́lań m-ādə̄ Dəyá̰ ń Nə́ɓā gə̄rān ní, nin̄ kə ngánən gēé. Mā m̄-táŕdə́ rɔ̄kum. I mā ngóy n m̄-táŕdə́ alé, banī de gə̄ malang ń gerə̄n̄ najə̄ kə́ rɔ̄kum ní tárən̄də́ ō.

1 KORḚNTƏ 15:7

Gō tə́ anī ni-teē hɔy kə̄ rɔ̄ Jakə tə́. Kutə gō anī ni-teē hɔy kə̄ rɔ̄ ngámbang kəla gə̄ tə́ malang.

JA̰A̰ 14:22

Jud ń i Judas Iskariot aĺ ní ədan na: Kɔ́ɔ̄ɓē, i tām̄ rí tə́ á ā ɔ́jə́jí jḭḭ rɔ̄í, ba ā ɔ́jə de kə́ dɔ nang tə́ gə̄ rɔ̄í aĺ ní?