KƏLA RĀĀ 1:12 - Bibəl ta Sar̄

¹² Loo ń noō tə́ ngámbang kəla gə̄ ḭḭn̄ dɔ ngán mbal̄ ń a ɓārə́n̄ na i ngōn̄ mbal̄ kāgə̄ olibə gə̄ ní tə́ ba tél aw̄n̄ gogə́ Jerusalem. Kḭḭ dɔ mbal̄ ní tə́ kaw̄ kə̄ kem ɓēé asə kilometər kógə̄ḿ beē ngóy.

Bible sar

¹² Loo ń noō tə́ ngámbang kəla gə̄ ḭḭn̄ dɔ ngán mbal̄ ń a ɓārə́n̄ na i ngōn̄ mbal̄ *kāgə̄ olibə gə̄ ní tə́ ba tél aw̄n̄ gogə́ *Jerusalem. Kḭḭ dɔ mbal̄ ní tə́ kaw̄ kə̄ kem ɓēé asə kilometər kógə̄ḿ beē ngóy.

KƏLA RĀĀ 1:12 Referans Kwoze

Najə̄ kə́ Majə yā Jeju ń Luk ndang ní 24:52

Nin̄-ɔsən̄ nodə́ nang tə́ non tə́, ba télən̄ kə rɔ̄nelēé ngá̰ý aw̄n̄ Jerusalem gogə́.

MATIYE 21:1

Dan ń Jeju nin̄ kə ngé ndóō yá̰a̰ yān gēé əndān̄ dɔ ɓē kə́ Jerusalem, adə̄ nin̄ i ngɔr kə̄ kadə ɓē kə́ Betpaje tə́, dɔ mbal̄ kāgə̄ olibə gə̄ tə́ anī, Jeju ɔr̄ ngé ndóō yá̰a̰ yān gə̄ jōó əladə́,

Najə̄ kə́ Majə yā Jeju ń Luk ndang ní 24:50

Gō tə́ anī, ni-ɔydə́ gōn tə́, ba aw̄n̄ kumdə́ kə́ Betani. Loo ń noō tə́ ni-ɔy jīn kə̄ dɔɔ́ ba tɔ́r̄ tan dɔdə́ tə́.

JA̰A̰ 11:18

Betani i ngɔr kə̄ Jerusalem, ngāl̄ róbə́ ní asə kilometər mətá,

Najə̄ kə́ Majə yā Jeju ń Luk ndang ní 21:37

Kadaá anī Jeju ndi kem kújə yā Kɔ́ɔ̄ɓē tə́ a ndóoń de gə̄ yá̰a̰, ba ndɔ̄ɔ́ anī ni-teē aw̄ dɔ mbal̄ ń a ɓārə́n̄ na i mbal̄ kāgə̄ olibə gə̄ tə́ ní yā ɓīī.

MATIYE 26:30

Gō tə́ anī nin̄-ənīn̄ pā gə̄ kə́ yā tɔ̄yń Nə́ɓā, ba teē aw̄n̄ dɔ mbal̄ kāgə̄ olibə gə̄ tə́.

MATIYE 24:3

Jeju ndi dɔ mbal̄ kāgə̄ olibə gə̄ tə́ anī, ngé ndóō yá̰á̰ yān gə̄ reēn̄ rɔ̄n tə́ kə kéŕdə́ ba dəjenən̄ kadə̄ ədadə́ ndɔ̄ ń yá̰á̰ ń noō a rāań yá̰á̰ tə́ ní ō, kadə̄ ədadə́ yá̰á̰ ń a ɔjə dɔ ndɔ̄ télən ō, a ɔjə dɔ ta ngóy ndɔ̄ gə̄ ō ní.

JAKARI 14:4

Ndɔ̄ ngeé ń noō tə́ ní, ni a ra dɔ ngōn̄ mbal̄ kāgə̄ olibə gə̄ tə́, kadə ɓē kə́ Jerusalem tə́ ngɔr, dām̄ kə́ gír ɓē tə́. Ngōn̄ mbal̄ kāgə̄ olibə gə̄ ní a njar danaá bang ō, wól loo kə́ bo a to ō, a ḭḭ dām̄ kə́ gír ɓē tə́ bátə́ dām̄ kə́ no ɓē tə́. Ngōn̄ mbal̄ ní núsən kógə̄ḿ a aw̄ kum kə̄ dām̄ mbɔ́r ɓē kə́ ko̰ó̰ tə́, ba núsən kə́rēý a aw̄ kum kə̄ dām̄ mbɔ́r ɓē kə́ geleé tə́.

Najə̄ kə́ Majə yā Jeju ń Luk ndang ní 19:29

Ba dan ń aw̄n̄ ngɔr kə̄ gidə ɓē kə́ Betpaje tə́ ō, kə́ Betani tə́ ō, kadə mbal̄ ń a ɓārə́n̄ na i mbal̄ kāgə̄ olibə gə̄ tə́ ní ō anī, ɔr̄ ngé ndóō yá̰a̰ yān gə̄ jōó, əladə́ ba ədadə́ na:

MATIYE 24:20

Ī-ndɔ̄yī Nə́ɓā ādī ka̰ȳ naā yāsí ní, i nāā kūl̄ tə́ aĺ ō, i ndɔ̄ sabat tə́ aĺ ō.