KƏLA RĀĀ 1:1 - Bibəl ta Sar̄

¹ Kó tár yāḿ Teopil, kem makətūbə̄ yāḿ kə́ kété tə́ ní, m̄-ndang i yá̰a̰ gə̄ ń Jeju rāā ní ō, yá̰a̰ gə̄ ń ni ndóō de gə̄ ní ō. M-ə́lá gír i dɔ ngé kə́ ta kəga dɔ gə̄ tə́,

Bible sar

¹ Kó tár yāḿ Teopil, kem makətūbə̄ yāḿ kə́ kété tə́ ní, m̄-ndang i yá̰a̰ gə̄ ń Jeju rāā ní ō, yá̰a̰ gə̄ ń ni ndóō de gə̄ ní ō. M-ə́lá gír i dɔ ngé kə́ ta kəga dɔ gə̄ tə́,

KƏLA RĀĀ 1:1 Referans Kwoze

Najə̄ kə́ Majə yā Jeju ń Luk ndang ní 1:3

Teopil, de kə́ bo yāḿ, dan ń m̄-ndəle gíŕ yá̰a̰ gə̄ ń rāān̄ yá̰á̰ ní kə gōó bátə́ ta kəla gíŕ tə́ ní, m-á̰a̰ kadə̄ majə kadə̄ m̄-ndangdə́ kə gō naá kem makətūbūú m-ādī.

Najə̄ kə́ Majə yā Jeju ń Luk ndang ní 24:19

Jeju tél dəjedə́ ké i yá̰á̰ rí gə̄ wa. Anī nin̄-tél ədanən̄ na: Yá̰a̰ gə̄ ń reēn̄ dɔ Jeju kə́ Najaret kə́ nge koō ta, kə́ rāā kəla kə tɔ́gɔ́ ō, ɔr̄ najə̄ kə tɔ́gɔ́ ō, ta kum Nə́ɓā tə́ ō, ta kum ngán Israel gə̄ tə́ malang ō ní, ḭ̄ ōō aĺ a?

Najə̄ kə́ Majə yā Jeju ń Luk ndang ní 3:23

Dan ń Jeju əla gír kəla yān ní ɓālə̄n i kutə mətá. De gə̄ ɔjənə̄ń na ni na i ngōn̄ Jəjep kə́ ngōn̄ Heli,

MATIYE 11:5

Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

KƏLA RĀĀ 2:22

Israel gə̄, ōōī najə̄ ń m-ā m-ə́dásí toō: Sḭḭ̄ malang ī-gerī kadə̄ Jeju kə́ Najaret ní, Nə́ɓā ndigə najə̄ gōn tə́. Tām̄ ni-unən rāań yá̰á̰ kə́ yáā gə̄ ō, yá̰á̰ kə́ to kɔr kum gə̄ ō, yá̰á̰ kə́ yā kɔjəń yá̰a̰ gə̄ ō dɔ dáńsí tə́.

Najə̄ kə́ Majə yā Jeju ń Luk ndang ní 1:24

Gō tə́ sḛ́ý anī nə̄yá̰n Elijabet ndān̄ ngōn̄, ba ɓɔ̄ɔ̄ rɔ̄n kɔ̄ɔ́ nāā mí. Ba dan ń a ɓɔ̄ɔń rɔ̄n tə́ ní ni-əda kə̄ kemən tə́ na:

Najə̄ kə́ Majə yā Jeju ń Luk ndang ní 14:22

Nge kəla ní reē ədan na: Kɔ́ɔ̄ḿ, m̄-rāā yá̰a̰ gə̄ ń ɔ́jəm̄ ní malang, ba na̰y loo kə́ karī gə̄ laā ɓáý.