JONAS 4:8 - Bibəl ta Sar̄

⁸ Ba dan ń mbang ḭḭ kə̄ dɔɔ́ anī, Nə́ɓā rāā adə̄ néĺ kógə̄ḿ kə́ təngā kə́ dūn̄ ɓē tə́ əla ō, mbang ɔsə dɔ Jonas ō, adə̄ na i ngɔr kadə̄ ni sitə̄ kɔ̄ɔ́. Loo ń noō tə́ Jonas ndə̄ngā yo, ni-əda na: m̄-gḛy i yo banī i ndi kə kumuú alé.

Bible sar

⁸ Ba dan ń mbang ḭḭ kə̄ dɔɔ́ anī, Nə́ɓā rāā adə̄ néĺ kógə̄ḿ kə́ təngā kə́ dūn̄ ɓē tə́ əla ō, mbang ɔsə dɔ Jonas ō, adə̄ na i ngɔr kadə̄ ni sitə̄ kɔ̄ɔ́. Loo ń noō tə́ Jonas ndə̄ngā yo, ni-əda na: m̄-gḛy i yo banī i ndi kə kumuú alé.

JONAS 4:8 Referans Kwoze

JONAS 4:3

Kɔ́ɔ̄ɓē, ngɔlaā ní ə́ya̰m̄ ādə̄ m-óy. A̰á̰ā̰, m̄-gḛy i yo ba i ndi kə kumuú alé.

EJEKIEL 19:12

Banī ɔr̄nən̄ kə wōn̄g gēé ənīnən̄ nang tə́. Néĺ kə́ dūn̄ tə́ tutə kanə̄n gə̄, adə̄ kanə̄n gə̄ tə́sōn̄ nang tə́. Ta jīn kə́ ngan̄g gə̄ ní tutən̄ kɔ̄ɔ́ ō, hor o̰o̰də́ ō.

PĀ GƏ̄ 121:6

Kadaá anī mbang a ɔsiī aĺ ō, ndɔ̄ɔ́ anī nāā a rāā yá̰a̰ seí aĺ ō.

JEJU TEĒ KUM JA̰A̰ 7:16

Ɓō a rāādə́ to̰ aĺ ō, kəndā a rāādə́ to̰ aĺ ō, mbang ō, kəngān ō, a rāān̄ yá̰a̰ sedə́ to̰ aĺ bátə́ ō.

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

IJAI 49:10

Ɓō a rāādə́ to̰ aĺ ō, kəndā man̄ a rāādə́ to̰ aĺ ō. Néĺ kə́ təngā kə́ dəla loo tə́ a rāādə́ kadə̄ a̰a̰n̄ tápə̄ to̰ aĺ ō, mbang a ɔsədə́ to̰ aĺ ō. Tām̄ m-ā m-ɔ́r nodə́ kə tárá, m-ā m-āw̄ sedə́ ta kəɓa man̄ gə̄ tə́.

JONAS 1:4

Banī Kɔ́ɔ̄ɓē rāā adə̄ nél kógə̄ḿ kə́ əla kə ngangá ngá̰ý əsō dɔ bā bo tə́. Nél man̄ ní əla kə tɔ́gɔ́ ngá̰ý kə́ too bo a sāā i tɔ̄ɔ̄.

PĀ KƏ́ MAJƏ 1:6

Ré m̄-ndul sḛ́ý ō mbang rāām̄ adə̄ m̄-kərē kasə ō anī, ī-lōōī kəndā kumsí gírí. Ngákó̰ó̰ḿ kə́ dəngam gə̄ rāān̄ wōn̄g seḿ: Nin̄-əndāmə̄n̄ ta ngɔ̄m̄ kāgə̄ nduú gə̄ tə́. M-ə̄ndā kumḿ gír kāgə̄ nduú yāḿ mā tə́ alé.

PĀ GƏ̄ 39:9

Ī-gān̄g dɔḿ tū majaĺ yāḿ gə̄ tə́ malang. Ī-lōō kəya̰m̄ kadə̄ mbóo gə̄ əgōmə̄n̄.

Makətūbə̄ yā Job 2:10

Job tél ədan na: Ɔ̄r̄ najə̄ tītə̄ mbóo dəyá̰ beē. Ré Nə́ɓā rāā adə̄ jə-ndiī majanī, jə-ndigiī. Ba ré ni-rāā adə̄ jə-ndiī dan yá̰á̰ kə́ to kum kaȳ aĺ tə́ anī, jə-ndigiī aĺ i tām̄ rí tə́? Tū yá̰a̰ gə̄ ń noō tə́ malang ní, najə̄ kə́ majaĺ kógə̄ḿ teē ta Job tə́ alé.

1 SAMUEL 3:18

Loo ń noō tə́ Samuel ədan yá̰a̰ malang ń Kɔ́ɔ̄ɓē ɔr̄ seneé ní kanjə̄ mundə̄n yá̰á̰ kógə̄ḿ. Eli əda na: Ni i Kɔ́ɔ̄ɓē. Ādə̄ rāā yá̰á̰ ń ni-a̰a̰ kadə̄ i yá̰á̰ kə́ majə ní.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

MATIYE 20:12

De gə̄ ń toō ń reēn̄ gō gogə́ ní rāān̄ kəla i kum mbang kógə̄ḿ beē ngóy ba adə̄də́ gúrsə tītə̄ yājí jḭḭ ń jə-rāā kəla dəloí bátə́ loo tíbə dɔjí tə́ á kɔr asəjí nák ō, mbang rāājí ngá̰ý ō ní i tām̄ rí tə́?

1 MBAN̄G GƏ̄ 19:4

Nəkɔ́ njə̄rā ndɔ̄ kógə̄ḿ aw̄ń kem dəla loo tə́. Dan ń ugə̄ kem dəla loo tə́ anī, aw̄ ndi gír kāgə̄ jene kógə̄ḿ kə́ ra kə kérneé tə́. Ni ndə̄ngā yo əda na: Ngɔlaā m-ásə to̰ alé. Kɔ́ɔ̄ɓē, ī-taām̄ kə̄ rɔ̄í tə́, tɔdɔ̄ m̄-majə m̄-tɔȳ kaaḿ gə̄ alé.

OJEE 13:15

Dan ń Epəraim tɔgə dan ngákó̰o̰n gə̄ tə́ anī, nél kə́ dūn̄ ɓē tə́ reē, néĺ ní ḭḭ i dəla loo tə́. I mā Kɔ́ɔ̄ɓē n m-ə́la seneé ní. Loo ń noō tə́ ní, loo gə̄ ń man̄ gə̄ a əɓan̄ tū tə́ ní, man̄ kə́ tū tə́ gə̄ gətóon̄ kɔ̄ɔ́ ō, kem bəlo man̄ gə̄ tutən̄ kɔ̄ɔ́ ō. Nél un yá̰a̰ kənge aw̄ń kɔ̄ɔ́, ni-ɔy yá̰a̰ malang kə́ gātə̄n i ngá̰ý aw̄ń kɔ̄ɔ́.

JONAS 4:9

Nə́ɓā dəje Jonas na ké wōn̄g ń ni-rāā tām̄ yā kāgə̄ tə́ ní ké i gōtə́ wa. Anī Jonas tél ədan na: A̰á̰ā̰, m̄-rāā wōn̄g i gōtə́ ō, m̄-ndə̄ngā yo i gōtə́ ō!

TA KƏLA 41:6

Gō tə́ anī a̰a̰ dɔ kōō kə́ dūú gə̄ sīrí kə́ néĺ kə́ dūn̄ ɓē tə́ tutədə́ teēn̄ yādə́.

1 MBAN̄G GƏ̄ 21:4

Rɔ̄ Akab ur̄ wak ō, wōn̄g rāān ō, tām̄ kəda ń Nabot tél ədan na n-a n-adə̄n yá̰a̰ ndəbā yā kaan gə̄ alé ní tə́. Ni-tél dɔ tə́ aw̄ gogə́ ɓēé, aw̄ to dɔ tə̄rá yān tə́ ba tūr̄ kumən kə̄ kadə bɔr tə́ ō, mbātə́ kəsa yá̰a̰ ō.

Makətūbə̄ yā Job 7:15

m̄-gḛy kənī kəlā. m̄-gḛy yo, ba m̄-gḛy kəto kə̄ngā ngongərong alé!

KOHELET 7:9

Ī-lōō kadə̄ wōn̄g rāāī láẃ ngá̰ý, tɔdɔ̄ i de kə́ mbóo gə̄ n i ngé rāā wōn̄g láẃ gə̄ ní.