JONAS 4:2 - Bibəl ta Sar̄

² Ni ndɔ̄ȳ Kɔ́ɔ̄ɓē tītə̄ ń toō beé əda na: Ha̰, Kɔ́ɔ̄ɓē, m̄-ger̄ majə i dan ń mā i kem ɓē yāḿ tə́ nú ɓáý ní. m̄-ger̄ kadə̄ ḭ̄ i de kə́ majə ngá̰ý ō, kumií o̰ō̰ī ngá̰ý ō, ḭ̄ i de kə́ nge tə́gā taí dɔ deē tə́ ō, ḭ̄ i de kə́ táŕ ngá̰ý ō, ré ə́la ɓōĺ kem deē tə́ anī, ī-tél ā ī-ndə̄ngā rɔ̄í ō.

Bible sar

² Ni ndɔ̄ȳ Kɔ́ɔ̄ɓē tītə̄ ń toō beé əda na: Ha̰, Kɔ́ɔ̄ɓē, m̄-ger̄ majə i dan ń mā i kem ɓē yāḿ tə́ nú ɓáý ní. m̄-ger̄ kadə̄ ḭ̄ i de kə́ majə ngá̰ý ō, kumií o̰ō̰ī ngá̰ý ō, ḭ̄ i de kə́ nge tə́gā taí dɔ deē tə́ ō, ḭ̄ i de kə́ táŕ ngá̰ý ō, ré ə́la ɓōĺ kem deē tə́ anī, ī-tél ā ī-ndə̄ngā rɔ̄í ō.

JONAS 4:2 Referans Kwoze

PĀ GƏ̄ 86:15

Banī Kɔ́ɔ̄ɓē, ḭ̄ i Nə́ɓā kə́ kumií a o̰o̰ī kə de gēé ō, kə́ nge ka̰a̰ kum tō ndoō yā de gə̄ ō, kə́ nge rāā wōn̄g láẃ aĺ ō, Kem majə yāí i ngá̰ý ō, ī-ra dɔ ndūí tə́ ngá̰ý ō.

PĀ GƏ̄ 145:8

Kɔ́ɔ̄ɓē i nge kem ndaa ō kumən a o̰o̰n ō, i de kə́ a tə́gā tan ō, kemən majə ngá̰ý ō.

PĀ GƏ̄ 86:5

Kɔ́ɔ̄ɓē, ḭ̄ ń i de kə́ nge kem majə ō, ā ī-mā̰ȳ rɔ̄í dɔ de gə̄ tə́ ō ní, ḭ̄ ī-rāā kem majə ngá̰ý kə de gə̄ malang ń a ɓār̄nī ní.

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

JEREMI 18:8

Ba ré nápar de gə̄ ń m-ɔ̄r̄ najə̄ sɔɔ̄ dɔdə́ ní lōōn̄ gír rāā yá̰á̰ kə́ majaĺ tə́ anī, m-ā m̄-lōō gíŕ yá̰á̰ ń m̄-gír̄ ra sedə́ tə́ ní.

Teē Ngán Israel gə̄ 32:14

Dan ń Kɔ́ɔ̄ɓē oō beé anī, lōō gír yá̰á̰ ń əda na n-a n-rāā kə gír deē yān gēé ní tə́ kɔ̄ɔ́.

PĀ GƏ̄ 78:38

Ɓá tā ba ni ń kumən o̰o̰n kə de gēé ní, lōō gír tɔ̄l̄də́ malang kɔ̄ɔ́ tə́ ba ɔr̄ majaĺ yādə́ kɔ̄ɔ́ ō, lōō gír rāā wōn̄g sedə́ tə́ nja i ngá̰ý ō, adə̄ wōn̄g rāān dɔdə́ tə́ aĺ ō,

AMOS 7:3

Loo ń noō tə́ Kɔ́ɔ̄ɓē lōō gíŕ yá̰á̰ ń ni sāā rāā tə́ ní, adə̄ əda na: Yá̰á̰ ní a rāā yá̰a̰ alé.

JONAS 3:10

Kəhɔ ń nin̄ əhɔn̄ rɔ̄də́ tɔgə yā kəya̰ háĺdə́ kə́ majaĺ kɔ̄ɔ́ ní, Nə́ɓā a̰ā̰. Adə̄ ni-lōō gíŕ yá̰á̰ ń sāā rāā tə́ ní. Ni ndə̄ngā rɔ̄n najə̄ yá̰á̰ kə́ majaĺ ń sāā rāā sedə́ tə́ ní, adə̄ rāādə́ yá̰á̰ kə́ majaĺ ní alé.

JONAS 1:3

Jonas ḭḭ dɔɔ́ əsō róbó, banī i yā ka̰ȳ kaw̄ Tarsis sa̰y kɔ̄ɔ́ rɔ̄ Kɔ́ɔ̄ɓē tə́. Ni ugə̄ Japa. Anī ənge to bo kógə̄ḿ kə́ a aw̄ kə̄ Tarsis. Ni əgā too ní ba al̄ kemeé, yā kaw̄ Tarsis naā tə́ kə ngé rāā kəla kem too bo ní tə́ gə̄, sa̰y kɔ̄ɔ́ ta kum Kɔ́ɔ̄ɓē tə́.

1 MBAN̄G GƏ̄ 19:4

Nəkɔ́ njə̄rā ndɔ̄ kógə̄ḿ aw̄ń kem dəla loo tə́. Dan ń ugə̄ kem dəla loo tə́ anī, aw̄ ndi gír kāgə̄ jene kógə̄ḿ kə́ ra kə kérneé tə́. Ni ndə̄ngā yo əda na: Ngɔlaā m-ásə to̰ alé. Kɔ́ɔ̄ɓē, ī-taām̄ kə̄ rɔ̄í tə́, tɔdɔ̄ m̄-majə m̄-tɔȳ kaaḿ gə̄ alé.

AMOS 7:6

Loo ń noō tə́ Kɔ́ɔ̄ɓē lōō gíŕ yá̰á̰ ń ni a sāā rāā tə́ ní, adə̄ əda na: Yá̰á̰ ń noō a rāā yá̰a̰ aĺ ō.

PĀ GƏ̄ 90:13

Kɔ́ɔ̄ɓē, ā ə́hɔ́jí kemií tə́ i bátə́ ta kə́ rá? Ī-tūr̄ rɔ̄í kə̄ rɔ̄jí tə́, á̰a̰ kum tō ndoō yājí jḭḭ ngé kəla yāí gə̄.

Najə̄ kə́ Majə yā Jeju ń Luk ndang ní 10:29

Banī nge ndóō de gə̄ ndū najə̄ gə̄ ní sāā kɔjə kadə̄ najə̄ i yān, adə̄ ni-dəje Jeju na ké i náā n i madə̄n ní wa?

JEREMI 20:7

Kɔ́ɔ̄ɓē ḭ̄ ī-kɔ́ləm̄ ō, m-ə́ya̰ rɔ̄ḿ adə̄ ī-kɔ́l ō, ḭ̄ ī-ngan̄g ī-tɔȳm̄, adə̄ ī-tetəm̄ rɔ̄ɔ̄. De gə̄ lurmə̄n̄ kə kum mbang gə̄ malang, nin̄ malang əgōmə̄n̄ ō.

NDŪ NAJƏ̄ 4:31

Tɔdɔ̄ Kɔ́ɔ̄ɓē Nə́ɓā yāsí i Nə́ɓā kə́ kumən a o̰o̰n, adə̄ ni a əya̰sí kɔ̄ɔ́ aĺ ō, a nujə sesí kɔ̄ɔ́ malang aĺ ō. Madə̄ naā ń ənī míndən rāań kə kaasí gēé ní dɔn a ndígə̄nal aĺ ō.

PĀ GƏ̄ 103:8

Kɔ́ɔ̄ɓē i de kə́ kumən a o̰o̰n ō, a a̰a̰ kum tō ndoō yā deē ō, rāā wōn̄g láẃ aĺ ō, rāā kem majə ngá̰ý ō.

JEREMI 26:13

Ngɔlaā ń toō ní, ə́hɔī hángalsí sḛ́ý ō, ī-tūrī kəla rāāsí ādə̄ to só tə́ sḛ́ý ō. Ōōī ndū Kɔ́ɔ̄ɓē Nə́ɓā yāsí kə́ a ɓāŕsí, anī ni a loo gíŕ yá̰á̰ kə́ to kum kaȳ aĺ ń əda kadə̄ rāāsí ní tə́.

JEREMI 42:10

Ré ī-ndigiī ndi kem ɓē ń toō tə́ anī, m-ā m̄-ə̄ndāsí kemeé ō, m-ā m̄-nujə sesí to̰ aĺ ō. M-ā m̄-mbūsə̄sí kadə̄ ī-raī ngan̄g ō, m-ā m-ɔ̄r̄sí to̰ aĺ i kə́ bátə́ gə̄ tə́ ō. Yá̰á̰ kə́ majaĺ ń m̄-rāā sesí ní, m-ā m̄-tə́ndā gír yā gán̄g kɔ̄ɔ́ ō.

JONAS 3:9

I náa n ger̄? Majanī Nə́ɓā a lōō gíŕ yá̰á̰ ń ní sāā rāā tə́ ní kɔ̄ɔ́. Ni a əya̰ gō wōn̄g ń rāān dɔjí tə́ ní kɔ̄ɔ́, adə̄ j-a j-oyiī alé.