Biblia Todo Logo
Bib sou entènèt

- Piblisite -




JONAS 4:11 - Bibəl ta Sar̄

11 Ba ɓē kə́ Ninibə ń de kə́ kemeé gə̄ kə́ mānə̄n̄ 120 000 ń noō, gerə̄n̄ yá̰á̰ kə́ majə tām̄ yādə́ tə́ aĺ ō, dā̰ gə̄ i ngá̰ý kemeé ō ní, kə mā kə kumḿ kə o̰o̰m̄ tām̄ yān tə́ aĺ a?

Gade chapit la Kopi

Bible sar

11 Ba ɓē kə́ Ninibə ń de kə́ kemeé gə̄ kə́ mānə̄n̄ 120 000 ń noō, gerə̄n̄ yá̰á̰ kə́ majə tām̄ yādə́ tə́ aĺ ō, dā̰ gə̄ i ngá̰ý kemeé ō ní, kə mā kə kumḿ kə o̰o̰m̄ tām̄ yān tə́ aĺ a?

Gade chapit la Kopi




JONAS 4:11
17 Referans Kwoze  

ba ədan na: Nge kəla kə́ nge kem ndul, m-ə́ya̰ kə̄rā yāḿ kə́ dɔí tə́ kɔ̄ɔ́ tɔdɔ̄ ī-rāām̄ ɓɔ́. Ní, majə kadə̄ á̰a̰ kum tō ndoō yā madí tītə̄ ń mā m-á̰a̰ń kum tō ndoō yāí ní ō aĺ a?


Ḭ́ḭ dɔɔ́ āw̄ ɓē bo kə́ Ninibə tə́. Ə́la ɓōĺ kem de kə́ kemeé gə̄ tə́ kə najə̄ ń toō: Yá̰a̰ rāāsí kə́ majaĺ gə̄ ní, Kɔ́ɔ̄ɓē a̰ā̰ asən kɔ̄ɔ́.


Kɔ́ɔ̄ɓē, kem majə yāí asə naā kə dɔ rā̰á̰ ō, ra dɔ ndūí tə́ yāí aw̄ bátə́ ənge kil̄ man̄ gə̄ dɔɔ́ ō.


Tá ngáńsí gə̄ ń gerə̄n̄ dɔ nin̄ yá̰á̰ kə́ majə ō, kə́ majaĺ ō, aĺ ɓáý á ə́daī na madə̄ ba̰ā̰sí gə̄ na a əhɔn̄də́ ní, i nin̄ n a əndān̄ njadə́ dɔ nang ní tə́ ní. I nin̄ n m-ā m-ādə̄də́ dɔ nang ní ní, adə̄ i nin̄ n a əngen̄ ní.


I ḭ̄ n i nge rāā kadə̄ mu əɓa tām̄ yā yá̰a̰ kul̄ gə̄ tə́ ō, nge rāā kadə̄ kōō ndɔr̄ de gə̄ əɓa ō ní. Yá̰a̰ kəsa yādə́ teē i dɔ nang tə́.


Kəhɔ ń nin̄ əhɔn̄ rɔ̄də́ tɔgə yā kəya̰ háĺdə́ kə́ majaĺ kɔ̄ɔ́ ní, Nə́ɓā a̰ā̰. Adə̄ ni-lōō gíŕ yá̰á̰ ń sāā rāā tə́ ní. Ni ndə̄ngā rɔ̄n najə̄ yá̰á̰ kə́ majaĺ ń sāā rāā sedə́ tə́ ní, adə̄ rāādə́ yá̰á̰ kə́ majaĺ ní alé.


Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.


Ngɔlaā ní ḭ̄ ī-ɓōĺ mban̄g gə̄ kə́ Aram ō, kə́ Israel ō. Ɓá tā, ba pá tá kadə̄ ngōn̄ ní asə mbātə́ yá̰á̰ kə́ majaĺ ba gə̄rā yá̰á̰ kə́ majə ní, de gə̄ kə́ kem ɓē ko̰o̰ gə̄ kə́ gír i jōó gə̄ ń toō tə́ a əya̰n̄ ɓē yādə́ kɔ̄ɔ́.


Anī Senakerib mban̄g kə́ Asiri adə̄ de gə̄ tútən̄ kújə tandā gə̄ kɔ̄ɔ́. Ni-tél aw̄ gogə́ Ninibə ō, ndi kem ɓē ngeé ń noō tə́ ō.


Kɔ́ɔ̄ɓē ədan na: Kāgə̄ ń toō ń ḭ̄ ī-rāā kəlan aĺ ō, ī-rāān adə̄ əɓa dɔ nang tə́ aĺ ō ní, kumií ḭ̄ o̰o̰ī tām̄ yān tə́. Ni tɔgə ndɔ̄ɔ́ ndɔ̄ kógə̄ḿ ō, oy ndɔ̄ɔ́ ndɔ̄ kógə̄ḿ ō.


kə yá̰a̰ malang ń ndi kə kumuú sesí ní: Yel̄ gə̄ ō, dā̰ kə́ ɓēé gə̄ ō, dā̰ kə́ bembeé gə̄ ō, yá̰a̰ malang ń teē kem to boó ní ō, ngé gə̄ ń ndɔ̄ń tə́ a ndin̄ kə kumuú dɔ nang tə́ ní ō.


Swiv nou:

Piblisite


Piblisite