JONAS 3:9 - Bibəl ta Sar̄

⁹ I náa n ger̄? Majanī Nə́ɓā a lōō gíŕ yá̰á̰ ń ní sāā rāā tə́ ní kɔ̄ɔ́. Ni a əya̰ gō wōn̄g ń rāān dɔjí tə́ ní kɔ̄ɔ́, adə̄ j-a j-oyiī alé.

Bible sar

⁹ I náa n ger̄? Majanī Nə́ɓā a lōō gíŕ yá̰á̰ ń ní sāā rāā tə́ ní kɔ̄ɔ́. Ni a əya̰ gō wōn̄g ń rāān dɔjí tə́ ní kɔ̄ɔ́, adə̄ j-a j-oyiī alé.

JONAS 3:9 Referans Kwoze

2 SAMUEL 12:22

Dabid əda na: Dan ń ngōn̄ i kə kumneé ɓáý ní, m̄-*ndi ɓō tām̄ yā Nə́ɓā tə́ ō, m̄-nōō ō tɔdɔ̄ m-gír̄ kemḿ tə́ m-ə́da na majanī Kɔ́ɔ̄ɓē a a̰a̰ kum tō ndoō yāḿ yā kadə̄ ngōn̄ a ajə.

JONAS 1:6

Ngol ngé rāā kəla kem to bo ní tə́ gə̄ reē rɔ̄n tə́, ba ədan na: A̰á̰, adə̄ ā ī-ɓīī i mbée a? Ḭ́ḭ dɔɔ́, ə́ga kɔŕ kə̄ dɔ nə́ɓā yāí tə́! Na majanī a gír̄ dɔjí tə́, yā kadə̄ j-a j-oyiī alé.

PĀ GƏ̄ 106:45

Əga kemən dɔ madə̄ naā ń ni-əhɔ sedə́ ní tə́, anī lōō gíŕ yá̰á̰ ń sāā rāā ní tə́, sɔɔ̄ń kem majə yān kə́ ngá̰ý.

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.

PĀ GƏ̄ 85:3

Yá̰á̰ kə́ gōtə́ aĺ ń gír deē yāí gə̄ rāān̄ ní, ḭ̄ ún dɔdə́ tə́ kɔ̄ɔ́. Yá̰á̰ kə́ majaĺ gə̄ malang ń nin̄ rāān̄ ní, ḭ̄ ī-mā̰ȳ rɔ̄í dɔ tə́.

PĀ GƏ̄ 90:13

Kɔ́ɔ̄ɓē, ā ə́hɔ́jí kemií tə́ i bátə́ ta kə́ rá? Ī-tūr̄ rɔ̄í kə̄ rɔ̄jí tə́, á̰a̰ kum tō ndoō yājí jḭḭ ngé kəla yāí gə̄.

JEREMI 26:13

Ngɔlaā ń toō ní, ə́hɔī hángalsí sḛ́ý ō, ī-tūrī kəla rāāsí ādə̄ to só tə́ sḛ́ý ō. Ōōī ndū Kɔ́ɔ̄ɓē Nə́ɓā yāsí kə́ a ɓāŕsí, anī ni a loo gíŕ yá̰á̰ kə́ to kum kaȳ aĺ ń əda kadə̄ rāāsí ní tə́.

DANIEL 4:27

un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.

1 SAMUEL 6:5

Ī-rāāī yá̰a̰ gə̄ kə́ ton̄ tītə̄ yá̰á̰ kə́ agə̄ de gə̄ ō, kə́ ton̄ tītə̄ yégə̄ gə̄ ń nujən̄ ɓē yāsí ní ō, ɔ́siīneé gɔn Nə́ɓā yā Israel gə̄. Majanī a rāā kadə̄ yá̰á̰ kə́ tōr̄ rāāsí ō, rāā nə́ɓā yāsí gə̄ ń i ɓesə̄ yāsí gə̄ ní ō, ɓē yāsí ō, tītə̄ kə́ kété to̰ alé.

JONAS 1:15

Gō tə́ anī, nin̄ unən̄ Jonas ənīnən̄ kum bā bo tə́. Loo ń noō tə́ wōn̄g yā bā bo tetə.

JONAS 4:2

Ni ndɔ̄ȳ Kɔ́ɔ̄ɓē tītə̄ ń toō beé əda na: Ha̰, Kɔ́ɔ̄ɓē, m̄-ger̄ majə i dan ń mā i kem ɓē yāḿ tə́ nú ɓáý ní. m̄-ger̄ kadə̄ ḭ̄ i de kə́ majə ngá̰ý ō, kumií o̰ō̰ī ngá̰ý ō, ḭ̄ i de kə́ nge tə́gā taí dɔ deē tə́ ō, ḭ̄ i de kə́ táŕ ngá̰ý ō, ré ə́la ɓōĺ kem deē tə́ anī, ī-tél ā ī-ndə̄ngā rɔ̄í ō.

SOPONI 2:3

Ī-tūrī rɔ̄sí kə̄ rɔ̄ Kɔ́ɔ̄ɓē tə́, sḭḭ̄ de kə́ kem ɓēé gə̄ ń sḭḭ̄ i de kə́ najə̄sí gətóo gə̄ ní, sḭḭ̄ ń oōī tan, adə̄ ī-rāāī yá̰a̰ gə̄ ń ni ədasí ní. Ī-rāāī yá̰á̰ kə́ gōtə́ ō, ī-rāāī rɔ̄sí de kə́ dūú gə̄ tə́ ta kum Nə́ɓā tə́ ō. Na majanī ā ī-ndiī loo kə́ yá̰a̰ a ɔdə́ rɔ̄sí tū tə́ aĺ tə́, ndɔ̄ ń Kɔ́ɔ̄ɓē a ɔjəń wōn̄g yān kə̄ ndágá tə́ ní.