JONAS 3:8 - Bibəl ta Sar̄

⁸ Majə kadə̄ de gə̄ malang o̰ō̰n̄ kūbə̄ kəhɔ ndoō, de gə̄ ō, dā̰ gə̄ ō! Majə kadə̄ de gə̄ kógə̄ḿ kógə̄ḿ əgan̄ kɔŕ kə̄ dɔ Nə́ɓā tə́ kə tɔ́gə́də́ gēé malang. Majə kadə̄ de gə̄ kógə̄ḿ kógə̄ḿ əya̰n̄ háĺdə́ kə́ majaĺ kɔ̄ɔ́ ō, dəban̄ ta yá̰á̰ kə́ rāā kə dɔ́nɔ́ kɔ̄ɔ́ ō.

Bible sar

⁸ Majə kadə̄ de gə̄ malang o̰ō̰n̄ *kūbə̄ kəhɔ ndoō, de gə̄ ō, dā̰ gə̄ ō! Majə kadə̄ de gə̄ kógə̄ḿ kógə̄ḿ əgan̄ kɔŕ kə̄ dɔ Nə́ɓā tə́ kə tɔ́gə́də́ gēé malang. Majə kadə̄ de gə̄ kógə̄ḿ kógə̄ḿ əya̰n̄ háĺdə́ kə́ majaĺ kɔ̄ɔ́ ō, dəban̄ ta yá̰á̰ kə́ rāā kə dɔ́nɔ́ kɔ̄ɔ́ ō.

JONAS 3:8 Referans Kwoze

JONAS 1:6

Ngol ngé rāā kəla kem to bo ní tə́ gə̄ reē rɔ̄n tə́, ba ədan na: A̰á̰, adə̄ ā ī-ɓīī i mbée a? Ḭ́ḭ dɔɔ́, ə́ga kɔŕ kə̄ dɔ nə́ɓā yāí tə́! Na majanī a gír̄ dɔjí tə́, yā kadə̄ j-a j-oyiī alé.

KƏLA RĀĀ 3:19

I beé ní ī-tūrī háĺsí ō, ī-tūrī rɔ̄sí kə̄ rɔ̄ Nə́ɓā tə́ ō, ādə̄ ni-ɔr̄ yá̰á̰ kə́ majaĺ gə̄ ń ī-rāāī ní kɔ̄ɔ́.

JONAS 1:14

Nin̄-ndɔ̄ȳn̄ Kɔ́ɔ̄ɓē ədan̄ na: Ɓɔ́ Kɔ́ɔ̄ɓē, ī-lōō rāājí kadə̄ j-oy najə̄ yā deē ń toō tə́! Tá de kə́ najə̄ gətóo dɔn tə́ ní, ī-lōō kəndā najə̄ yon dɔjí tə́ ō. Tɔdɔ̄ i ḭ̄ Kɔ́ɔ̄ɓē n ī-rāā yá̰á̰ ń kemií ndigə ní.

KƏLA RĀĀ 26:20

Ba m-ɔ́jə de kə́ Damas gə̄ najə̄ ta kəga dɔ, gō tə́ anī i de kə́ Jerusalem gə̄ ō, de kə́ gō nang malang kə́ Jude tə́ ō, tá nápar de gə̄ ń nin̄ i Jipə aĺ gə̄ ní m-ɔ́jə́də́ najə̄ ō. M-ɔ́jə́də́ kadə̄ əya̰n̄ gíŕ yá̰a̰ rāādə́ kə́ majaĺ gə̄ kɔ̄ɔ́, ba kə tūrə̄n̄ rɔ̄də́ kə̄ rɔ̄ Nə́ɓā tə́ ō, kə rāān̄ yá̰á̰ kə́ ɔjə kadə̄ nin̄-əya̰n̄ majaĺ yādə́ gə̄ kɔ̄ɔ́ rɔ̄kum ō.

MATIYE 3:8

Ī-rāāī yá̰a̰ gə̄ kə́ ɔjən̄ kadə̄ sḭḭ̄ i de kə́ ī-tūrī háĺsí rɔ̄kum gə̄.

DANIEL 4:27

un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?

JEREMI 18:11

Ngɔlaā ní ɔ̄r̄ najə̄ kə de kə́ Juda tə́ gə̄ ō, kə de gə̄ ń ndin̄ Jerusalem tə́ ní ō, ə́dádə́ na: Najə̄ ń Kɔ́ɔ̄ɓē əda ní n toó: Á̰a̰ī, m̄-nóm̄ yá̰á̰ kə́ to kum kaȳ aĺ yā rāā sesí. m̄-gír̄ rāā yá̰á̰ kógə̄ḿ sesí. Ī-tūrī hálsí kógə̄ḿ kógə̄ḿ ba ə́ya̰ī yá̰a̰ kə́ majaĺ gə̄ kɔ̄ɔ́. Rɔ̄kum, ī-rāāī ādə̄ pā njə̄rāsí majə ō, kəla rāāsí majə ō.

IJAI 58:6

Ndi ɓō kə́ nelə̄m̄ n toó: I tútə de gə̄ kə́ do̰ō̰n̄də́ kə súĺ kə ta róbə́ kə́ gōtə́ aĺ kəya̰də́ dɔɔ́, i kun njúgə́ kə́ ɔȳdə́ dɔdə́ tə́ kɔ̄ɔ́, i taā ngé gə̄ ń a rējə̄n̄də́ ní kəya̰də́ dɔɔ́, yā kadə̄ gō ngāləń ngá̰ý aĺ ɓáa, i rāā kadə̄ yá̰a̰ malang ń a rāādə́ ɓəlo tə́ ní gətóo kɔ̄ɔ́.

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

Makətūbə̄ yā Job 16:17

Tá jīḿ rāā yá̰á̰ kógə̄ḿ kə dɔ́nɔ́ aĺ ō, ndɔ̄ȳ yāḿ i kə́ unjə̄ njáý njáý ō.

Makətūbə̄ yā Job 36:10

Ni teē mbīdə́ yā kadə̄ oōn̄neé kɔ̄l̄ yān ō, ədadə́ na kə tūrə̄n̄ gidədə́ kɔ̄ɔ́ ta yá̰á̰ kə́ a̰a̰ gō naā aĺ tə́ ō.

JEREMI 25:5

Ni ədasí na: Ī-tūrī háĺsí kə́ majaĺ gə̄ ō, ə́ya̰ī gō kəla rāāsí kə́ gōtə́ aĺ gə̄ ō kɔ̄ɔ́, anī ā ī-ndiī dɔ nang ń Kɔ́ɔ̄ɓē adə̄sí sḭḭ̄ ō, kaasí gə̄ ō, kété jóo, i kə́ njɔ́ḿ gə̄ tə́ ní.

JEREMI 26:3

Majanī a oōn̄ ō, náā nəkɔ́ ɓáa a əya̰ gō róbə njə̄rān kə́ gōtə́ aĺ ō, adə̄ m-ā m-ásə lōō gíŕ yá̰á̰ kə́ to kum kaȳ aĺ ń m̄-sāā rāā sedə́ najə̄ yā kəla rāādə́ kə́ gōtə́ aĺ gə̄ tə́ ní.

JEREMI 36:3

Majanī de kə́ Juda tə́ gə̄ a əndān̄ ma̰ȳ yá̰á̰ kə́ to rɔ̄ tō ndoō gə̄ malang ń m̄-gír̄ kadə̄ rāādə́ ní, adə̄ náā nəkɔ́ ɓáa a tūr̄ hálən ō, m-ā m-ásə mā̰ȳ rɔ̄ḿ dɔ yá̰á̰ kə́ gōtə́ aĺ yādə́ gə̄ tə́ ō, dɔ majaĺ yādə́ gə̄ tə́ ō.

JOEL 1:14

Ī-*ndiī ɓō tām̄ yā Nə́ɓā ɔ̄rīineé kam̄sí, ə̄nīī mbēr̄ kán̄ naā kə́ táĺ, ɔ́siī dɔ kum kɔɔ̄ gə̄ ō, de gə̄ malang kə́ kem ɓēé ō naā tə́, kem kújə yā Kɔ́ɔ̄ɓē ń i Nə́ɓā yāsí ní tə́, ba ī-ɓāríī Kɔ́ɔ̄ɓē ādə̄ dḭḭ̄sí.