JONAS 3:5 - Bibəl ta Sar̄

⁵ De kə́ Ninibə gə̄ taān̄ kem najə̄ yā Nə́ɓā kə̄ ta jī tə́ noō. Nin̄-*ndin̄ ɓō tām̄ yā Nə́ɓā tə́. Ngé kənge yá̰a̰ gə̄ gə̄gē, ngé ndoō gə̄ gə̄gē, nin̄ o̰ō̰n̄ kūbə̄ kəhɔ ndoō.

Bible sar

⁵ De kə́ Ninibə gə̄ taān̄ kem najə̄ yā Nə́ɓā kə̄ ta jī tə́ noō. Nin̄-*ndin̄ ɓō tām̄ yā Nə́ɓā tə́. Ngé kənge yá̰a̰ gə̄ gə̄gē, ngé ndoō gə̄ gə̄gē, nin̄ o̰ō̰n̄ *kūbə̄ kəhɔ ndoō.

JONAS 3:5 Referans Kwoze

Najə̄ kə́ Majə yā Jeju ń Luk ndang ní 11:32

Ndɔ̄ sarya tə́ anī de kə́ Ninibə gə̄ a ḭḭn̄ dɔɔ́ naā tə́ kə de kə́ ngɔlaā gēé yā gān̄g sarya dɔdə́ tə́, tɔdɔ̄ nin̄ tūrə̄n̄ háĺdə́ dan ń oōn̄ najə̄ yā Nə́ɓā ń Jonas ɔjədə́ ní, ba kə́ tɔȳ Jonas i laā.

MATIYE 12:41

Ndɔ̄ sarya tə́ anī, de kə́ Ninibə gə̄ a ḭḭn̄ yā gān̄g sarya dɔ de kə́ ngɔlaā gə̄ tə́. Tɔdɔ̄ dan ń Jonas ɔjə najə̄ ní Ninibə gə̄ tūrə̄n̄ háĺdə́. Ba kə́ tɔȳ Jonas i laā.

DANIEL 9:3

Loo ń noō tə́ m̄-*ndi ɓō tām̄ yā Nə́ɓā tə́ ō, m-ə́la kūbə̄ kə́ ndo̰ō̰ huyuyu rɔ̄ḿ tə́ ō, m̄-rāā bū dɔḿ tə́ ō, ba m̄-tūr̄ rɔ̄ḿ kə̄ rɔ̄ Kɔ́ɔ̄ɓē Nə́ɓā tə́ yā ndɔ̄ȳn ō, yā rāān ɓɔ́ ō.

JOEL 1:14

Ī-*ndiī ɓō tām̄ yā Nə́ɓā ɔ̄rīineé kam̄sí, ə̄nīī mbēr̄ kán̄ naā kə́ táĺ, ɔ́siī dɔ kum kɔɔ̄ gə̄ ō, de gə̄ malang kə́ kem ɓēé ō naā tə́, kem kújə yā Kɔ́ɔ̄ɓē ń i Nə́ɓā yāsí ní tə́, ba ī-ɓāríī Kɔ́ɔ̄ɓē ādə̄ dḭḭ̄sí.

2 YÁ̰A̰ GƏ̄ 20:3

Ɓōĺ rāā Josapat adə̄ ni gḛy sāā Kɔ́ɔ̄ɓē. Ni-ənī mbēr̄ kadə̄ de gə̄ ndin̄ ɓō tām̄ yā Nə́ɓā tə́ gō nang kə́ Juda tə́ malang.

HEBƏRO 11:1

Taā kem i yá̰a̰ kə́ deē ger̄ mámák kadə̄ yá̰a̰ gə̄ ń ə̄ndā kemən dɔ tə́ ní, deē a ənge. Yá̰a̰ gə̄ ń deē a̰a̰də́ kə kumneé aĺ ní, taā kem ɔjə kə̄ ndágá kadə̄ yá̰á̰ gə̄ ní ton̄ rɔ̄kum.

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

KƏLA RĀĀ 27:25

Ní, madə́ḿ gə̄, ə́hɔī rɔ̄sí tɔgə! Mā m̄-taā kem Nə́ɓā, adə̄ yá̰a̰ gə̄ a reēn̄ yā to tītə̄ ń ni-ədamə̄ń ní.

KƏLA RĀĀ 8:10

adə̄ de gə̄ malang, kə́ dūú gə̄gē kə́ bo gə̄gē a oōn̄ i yān. De gə̄ ədan̄ na deē ní na i tɔ́gə yā Nə́ɓā ń a ɓārə́n̄ na i tɔ́gə́ kə́ bo ní.

JEREMI 42:8

adə̄ ni ɓāŕ Yohanan, ngōn̄ Karea kə ngol ngé rɔ̄ɔ̄ gə̄ malang kə́ gōn tə́ ō, ngán gə̄ ō, de kə́ tɔgə gə̄ ō malang,

JEREMI 42:1

Tā anī Yohanan kə́ ngōn̄ Karea ō, Ajaria kə́ ngōn̄ Hosaya ō ń nin̄ i ngol ngé rɔ̄ɔ̄ gə̄ malang ní ō, kósə de gə̄ malang, adə̄ i ngáń kə́ dūú gə̄gē, de kə́ tɔgə gə̄gē ní, ndɔ́tə̄n̄

JEREMI 36:9

Kem nāā kə́ nge ko̰ ndōhó yā ɓāl̄ kə́ nge ko̰ mí ń Joakim, ngōn̄ Josias, ndiń mban̄g Juda tə́ ní, ɓārə́n̄ de gə̄ malang kə́ Jerusalem tə́ ō, ngé gə̄ malang ń a ḭḭn̄ kem ɓē gə̄ kə́ Juda tə́ a reēn̄ Jerusalem ní ō, kadə̄ ndin̄ ɓō tām̄ yā Nə́ɓā tə́ ta kumən tə́.

JEREMI 31:34

Najə̄ ń na ī-ndóōī loo ger̄ Kɔ́ɔ̄ɓē ní, nin̄ a ɔjən̄ madə̄də́ gə̄ aláa ngákó̰ó̰də́ gə̄ loo kəda to̰ alé. Tɔdɔ̄ nin̄ malang ngán gə̄ gē de kə́ tɔgə gə̄gē a ger̄mə̄n̄. M-ā m̄-mā̰ȳ rɔ̄ḿ dɔ majaĺ yādə́ tə́ ō, a əga kemḿ dɔ yá̰á̰ kə́ gōtə́ aĺ yādə́ tə́ to̰ alé kə́ kə́ njɔ́ḿ gə̄ tə́ gə̄ tə́ ō. Najə̄ ń Kɔ́ɔ̄ɓē əda ní n noó.

ESDRAS 8:21

m̄-ra kə̄ kadə man̄ kə́ Ahaba tə́ noō m-ə́dań de gə̄ malang kadə̄ jə-*ndi ɓō tām̄ yā Nə́ɓā tə́ j-ɔjəń sɔl̄ kə́ jə-sɔl̄ dɔjí kə̄ no Nə́ɓā yājí tə́ i kanjə̄ kɔjə rɔ̄, yā kadə̄ ni-rāā tá yá̰á̰ kə́ majaĺ rāānjí dɔ róbə mbā yājí tə́ alé. Kadə̄ yá̰a̰ rāānjí jḭḭ kɔ gə̄ aĺ ō, ngánjí gə̄ aĺ ō, yá̰a̰ kənge yājí gə̄ aĺ ō.

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

ESTER 4:1

Mardose oō yá̰a̰ malang ń rāā yá̰á̰ ní adə̄ ni rə́yā̰ kūbə̄ yān gə̄ kə̄ rɔ̄n tə́ ba o̰ō̰ kūbə̄ kəhɔ ndoō ō, ɔy bū kə̄ dɔn tə́ ō. Ni teē aw̄ njə̄rā kem ɓēé ba əga kɔŕ kə wur katāá.

JONAS 3:7

Gō tə́ anī, mban̄g nin̄ kə de kə́ bo yān gēé ədan̄ de gə̄ na: Ə́daī yá̰á̰ kə́ ndang kadə̄ yā rāā ń toō kə ndū mbērēé kem ɓēé: De gə̄ ō, dā̰ gə̄ ō, man̄g gə̄ ō, batə̄ gə̄ ō, bə̄yā̰ gə̄ ō ní, ɔgə̄n̄də́ kəsa yá̰a̰ ō, ka̰ȳ man̄ ō!

Teē Ngán Israel gə̄ 33:6

Adə̄ ngán Israel gə̄ əlan̄ gíŕ ró̰ȳ yá̰á̰ súū rɔ̄ gə̄ kə́ rɔ̄də́ tə́ i mbal̄ Horeb tə́.

2 MBAN̄G 19:1

Dan ń mban̄g Ejekias oō najə̄ yādə́ ní anī, rə̄yā̰ kūbə̄ kə́ rɔ̄n tə́ ō, do̰ō̰ kūbə̄ sákə̄ gírən tə́ ō, ba aw̄ kem kújə yā Kɔ́ɔ̄ɓē tə́.