JONAS 3:4 - Bibəl ta Sar̄

⁴ Jonas udə kem ɓēé. Ni-njə̄rā ndɔ̄ kógə̄ḿ kə taá. Ni-əda de gə̄ na: Na̰y i ndɔ̄ kutə sɔ́ yā kadə̄ a nujən̄ ɓē kə́ Ninibə kɔ̄ɔ́!

Bible sar

⁴ Jonas udə kem ɓēé. Ni-njə̄rā ndɔ̄ kógə̄ḿ kə taá. Ni-əda de gə̄ na: Na̰y i ndɔ̄ kutə sɔ́ yā kadə̄ a nujən̄ ɓē kə́ Ninibə kɔ̄ɔ́!

JONAS 3:4 Referans Kwoze

NDŪ NAJƏ̄ 18:22

Ré yá̰á̰ ń nge koō ta əda kə rī Kɔ́ɔ̄ɓēé ní rāā yá̰a̰ aĺ anī, najə̄ ní i Kɔ́ɔ̄ɓē n əda ní alé. I kɔjə rɔ̄ n rāā nge koō ta á ədań najə̄ ní ba ī-lōō ɓōlə́n.

JONAS 3:10

Kəhɔ ń nin̄ əhɔn̄ rɔ̄də́ tɔgə yā kəya̰ háĺdə́ kə́ majaĺ kɔ̄ɔ́ ní, Nə́ɓā a̰ā̰. Adə̄ ni-lōō gíŕ yá̰á̰ ń sāā rāā tə́ ní. Ni ndə̄ngā rɔ̄n najə̄ yá̰á̰ kə́ majaĺ ń sāā rāā sedə́ tə́ ní, adə̄ rāādə́ yá̰á̰ kə́ majaĺ ní alé.

2 MBAN̄G 20:6

M-ə̄nā ɓāl̄ kutə gidə i mí ta madə̄ tə́ m-ādī. Ḭ̄ ō, ɓē kə́ Jerusalem ō ní, m-ā m̄-taāsí jī mban̄g kə́ Asiri tə́ yā kəya̰sí dɔɔ́. M-ā m̄-ngɔ̄m̄ ɓē ń toō i najə̄ yāḿ mā tə́ ō, i najə̄ yā nge kəla yāḿ Dabid tə́ ō.

2 MBAN̄G 20:1

Dan ngeé ń noō tə́ ní mo̰y kə́ asə tɔ̄l̄ deē əhɔ Ejekias. Anī Ijai nge koō ta kə́ ngōn̄ Amots reē a̰a̰n ba ədan na: Kɔ́ɔ̄ɓē əda na kə ɔ́jə de kə́ kem kújə yāí tə́ gə̄ yá̰a̰ gə̄ ń kadə̄ rāān̄ ní, tɔdɔ̄ ā óy, ā ájə alé!

MATIYE 12:41

Ndɔ̄ sarya tə́ anī, de kə́ Ninibə gə̄ a ḭḭn̄ yā gān̄g sarya dɔ de kə́ ngɔlaā gə̄ tə́. Tɔdɔ̄ dan ń Jonas ɔjə najə̄ ní Ninibə gə̄ tūrə̄n̄ háĺdə́. Ba kə́ tɔȳ Jonas i laā.

Najə̄ kə́ Majə yā Jeju ń Luk ndang ní 11:30

Tītə̄ ń yá̰á̰ kə́ yáā yā Jonas nge koō ta i yá̰á̰ kə́ Nə́ɓā rāā ɔjəń de kə́ Ninibə gə̄ yá̰á̰ ní, yá̰á̰ kə́ yáā yā Ngōn̄ Deē i yá̰á̰ kə́ Nə́ɓā a rāā yā kɔjəń de kə́ ngɔlaā gə̄ yá̰a̰ ō.

Najə̄ kə́ Majə yā Jeju ń Luk ndang ní 11:32

Ndɔ̄ sarya tə́ anī de kə́ Ninibə gə̄ a ḭḭn̄ dɔɔ́ naā tə́ kə de kə́ ngɔlaā gēé yā gān̄g sarya dɔdə́ tə́, tɔdɔ̄ nin̄ tūrə̄n̄ háĺdə́ dan ń oōn̄ najə̄ yā Nə́ɓā ń Jonas ɔjədə́ ní, ba kə́ tɔȳ Jonas i laā.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

JEREMI 42:10

Ré ī-ndigiī ndi kem ɓē ń toō tə́ anī, m-ā m̄-ə̄ndāsí kemeé ō, m-ā m̄-nujə sesí to̰ aĺ ō. M-ā m̄-mbūsə̄sí kadə̄ ī-raī ngan̄g ō, m-ā m-ɔ̄r̄sí to̰ aĺ i kə́ bátə́ gə̄ tə́ ō. Yá̰á̰ kə́ majaĺ ń m̄-rāā sesí ní, m-ā m̄-tə́ndā gír yā gán̄g kɔ̄ɔ́ ō.