JONAS 2:7 - Bibəl ta Sar̄

⁷ m̄-risə bátə́ m-ūgə̄ nja mbal̄ bo gə̄ tə́ nang tə́. Mā i ɓádá, dan de kə́ koy gə̄ tə́. Utə̄n̄ ta róbə gə̄ kə lakélé gāngə̄n̄neé gírə́ḿ, kə́ njɔ́ḿ gə̄ tə́. Banī ḭ̄ Kɔ́ɔ̄ɓē Nə́ɓā yāḿ ī-teē seḿ kɔ̄ɔ́ bəlo kə́ lú ngá̰ý ń toō tə́ kə kumḿ.

Bible sar

⁷ m̄-risə bátə́ m-ūgə̄ nja mbal̄ bo gə̄ tə́ nang tə́. Mā i ɓádá, dan de kə́ koy gə̄ tə́. Utə̄n̄ ta róbə gə̄ kə lakélé gāngə̄n̄neé gírə́ḿ, kə́ njɔ́ḿ gə̄ tə́. Banī ḭ̄ Kɔ́ɔ̄ɓē Nə́ɓā yāḿ ī-teē seḿ kɔ̄ɔ́ bəlo kə́ lú ngá̰ý ń toō tə́ kə kumḿ.

JONAS 2:7 Referans Kwoze

PĀ GƏ̄ 18:6

Loo kə́ ɓádá ɓírə̄m̄ ō, yo əyā gūmbə̄ noḿ tə́ ō.

2 YÁ̰A̰ GƏ̄ 30:27

Gō tə́ anī ngán Lebi kə́ ngé tun̄ yá̰a̰ gə̄ ḭḭn̄ dɔɔ́ ba tɔ́rə̄n̄ tadə́ dɔ de gə̄ tə́. Ndɔ̄ȳ yādə́ aw̄ bátə́ teē dɔ rā̰ ń i loo ndi kə́ táĺ yā Nə́ɓā ní tə́ ō, Nə́ɓā rāā yá̰á̰ ń dəjen̄ ní ō.

PĀ GƏ̄ 143:5

Əga kemḿ dɔ yá̰á̰ kə́ mān̄ kɔ̄ɔ́ tə́, m̄-tél m̄-gír̄ gō yá̰a̰ malang ń ī-rāā tə́ ní, yá̰á̰ ń ī-rāā kə jīí ní, m̄-gír̄ yá̰á̰ ngá̰ý dɔ tə́.

PĀ GƏ̄ 11:4

Kɔ́ɔ̄ɓē ndi kem kújə yān kə́ táĺ tə́. Kōr̄ kāgə̄ mbang yān ndi i dɔ rā̰ tə́. Ni-əndā ma̰ȳ de gə̄ kə kumneé, anī ger̄ kəla rāā deē ndul gə̄ kógə̄ḿ kógə̄ḿ.

1 SAMUEL 30:6

Loo təngā Dabid ngá̰ý tɔdɔ̄ de gə̄ ɔrə̄n̄ najə̄ tə́nīn kə mbalá yā tɔ̄lən: de gə̄ malang ní wurdə́ atə̄də́ ngá̰ý tām̄ yā ngáńdə́ kə́ dəngam gə̄ ō kə́ dəyá̰ gə̄ ō tə́. Banī Dabid tél əhɔ rɔ̄n tɔgə kə ta kūl̄ Kɔ́ɔ̄ɓē Nə́ɓā yānneé.

PĀ GƏ̄ 27:13

m̄-ger̄ majə kadə̄ m-ā m-á̰a̰ kem majə yā Kɔ́ɔ̄ɓē dɔ nang tə́ laā.

PĀ GƏ̄ 20:7

Ngɔlaā m̄-ger̄ tā: Kɔ́ɔ̄ɓē tetə rɔ̄ɔ̄ adə̄ mban̄g ń ni gə̄rān ní. Ndi i kə̄ kem loo kə́ táĺ yān kə́ dɔ rā̰ tə́ tə́ n oōń ndūn ní. Jī ko̰n rāā yá̰á̰ kə́ to rī ɓār̄ tetəń rɔ̄ɔ̄ adə̄n.

PĀ GƏ̄ 65:4

Yá̰á̰ kə́ gōtə́ aĺ gə̄ tɔyn̄ tɔ́gə́ḿ, banī ḭ̄ ásə kɔr̄ majaĺ yājí gə̄ kɔ̄ɔ́.

HEBƏRO 12:3

Ādə̄ sḭḭ̄ ī-gírī dɔ Jeju tə́. Ni-tə́gā tan tū yá̰a̰ malang ń de kə́ ngé rāā yá̰a̰ majaĺ gə̄ rāān̄ seneé tə́ ní. Adə̄ ī-lōōī kadə̄ tɔ́gə́sí ur̄ wak sɔɔ̄ń kemsí kə́ ɔr.

HABAKUK 2:20

Kɔ́ɔ̄ɓē ni-ndi i kem kújə́ yān kə́ táĺ tə́. Ādə̄ de gə̄ malang kə́ dɔ nang tə́ ndin̄ kə tadə́ kə́ mbóó non tə́!

MISE 1:2

Sḭḭ̄ gír de gə̄ malang, ōōī! Ḭ̄ dɔ nang ō, de kə́ dɔ nang tə́ gə̄ ō, ī-nēlī mbīsí! Kɔ́ɔ̄ɓē Nə́ɓā a ndi loo yān kə́ táĺ tə́ yā kəndāń najə̄ dɔsí tə́.

JONAS 2:4

Ḭ̄ ə̄nīm̄ kem bəlo kə́ ɗúú ngá̰ý tə́ dan ɓūl̄ bā bo tə́ ō, man̄ gīr̄ gidəḿ ō. Ɓəngál man̄ yāí gə̄ malang ō, man̄ yāí malang ō, reēn̄ dɔḿ tə́.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

PĀ GƏ̄ 43:5

Kə m̄-rāā rɔ̄ḿ ndoō i najə̄ rí tə́? kə m̄-nōō rɔ̄ḿ i tām̄ rí tə́? Kəndā kem dɔ Nə́ɓā tə́, ba tél ɓōkə́n tɔ̄ȳ gogə́ rang i só tə́. Ni i nge kajəḿ ō Nə́ɓā yāḿ ō,

PĀ GƏ̄ 42:11

Ndū ń madə̄ ba̰ā̰ḿ gə̄ tájə̄mə̄n̄ ní tétə̄ kə̄ngāḿ rárák. Nin̄ ədamə̄n̄ kə dɔ ndɔ̄ gə̄ na ké Nə́ɓā yāḿ ngaá i rá wa.

PĀ GƏ̄ 42:5

Əga kemḿ dɔ yá̰a̰ gə̄ ń toō tə́ anī kemḿ əgam̄ biting. Kété m̄-njə̄rā no kósə de kə́ ngá̰ý gə̄ tə́, m-ɔ́r nodə́ bátə́ m-āw̄ sedə́ kújə yā Nə́ɓā tə́. I kósə́ ngé rāā nāā gə̄ kə́ a əgan̄ i kɔŕ rɔ̄nel̄ dɔ Nə́ɓā tə́ ō, a ɓōkə́n̄ i Nə́ɓā tɔ̄ȳ ō.

PĀ GƏ̄ 22:14

Ton̄ tītə̄ ɓɔl kɔ̄r̄ gə̄ kə́ a nōōn̄ ō, teēn̄ nga ngá̰də́ taḿ tə́ ō.

PĀ GƏ̄ 142:3

M-ɔ́jən wur kɔl ń əsō dɔḿ tə́ ní, m-ɔ́jən yá̰á̰ ń tɔȳ dɔḿ ní.

IJAI 38:17

Rɔ̄nel̄ aĺ yāḿ kə́ ngá̰ý tél i rɔ̄nel̄. A̰á̰ā̰, ḭ̄ ī-rāā adə̄ m̄-teē ta yo tə́ sɔɔ̄ń tár yāí. Majaĺ yāḿ gə̄ malang ní, ḭ̄ ī-ɓōkə́də́ gidií tə́ sa̰y kɔ̄ɔ́.