JONAS 2:6 - Bibəl ta Sar̄

⁶ Man̄ ugə̄ míndə́ḿ tə́. Bā bo gīr̄ gidəḿ. Mu gə̄ ɓírə̄n̄ dɔḿ.

Bible sar

⁶ Man̄ ugə̄ míndə́ḿ tə́. Bā bo gīr̄ gidəḿ. Mu gə̄ ɓírə̄n̄ dɔḿ.

JONAS 2:6 Referans Kwoze

PĀ GƏ̄ 30:3

Kɔ́ɔ̄ɓē Nə́ɓā yāḿ, m̄-nōō kə̄ dɔí tə́, anī ḭ̄ ī-rāā adə̄ rɔ̄ḿ ngan̄g.

PĀ GƏ̄ 16:10

Tɔdɔ̄ ā ə́ya̰m̄ ɓádá alé, ā ə́ya̰ deē yāí kadə̄ a̰a̰ bāá yon kə kumneé alé.

IJAI 38:17

Rɔ̄nel̄ aĺ yāḿ kə́ ngá̰ý tél i rɔ̄nel̄. A̰á̰ā̰, ḭ̄ ī-rāā adə̄ m̄-teē ta yo tə́ sɔɔ̄ń tár yāí. Majaĺ yāḿ gə̄ malang ní, ḭ̄ ī-ɓōkə́də́ gidií tə́ sa̰y kɔ̄ɔ́.

HABAKUK 3:10

Mbal̄ bo gə̄ a̰a̰īn̄ anī, ɓōĺ rāādə́ adə̄ ndewn̄. Man̄ edə kə tɔ́gɔ́ ō, bā bo nōō tītə̄ ɓɔl beé ō. Ni-rāā adə̄ bəngálən gə̄ ḭḭn̄ bátə́ aw̄ ugə̄n̄ dɔ rā̰ tə́.

HABAKUK 3:6

Dan ń ni dəba anī dɔ nang ndew. Dan ń ni-a̰a̰ gír nápar de gə̄ anī, nin̄ ɓōlə́nən̄ ō. Mbal̄ bo gə̄ ń ran̄ ngándáńg ní, njárə̄n̄ ō, ngán mbal̄ kə́ jóó ngá̰ý gə̄ téē tə̄sōn̄ ō, nin̄ ń kété jóo rāān̄ rɔ̄də́ i kə̄lá róbə yān gə̄ tə́ ní.

IJAI 40:12

I náā n ɔdə man̄ bā bo kem jīn tə́ mbɔ̄jə́nń man̄ bā bo ní? I náā n jā̰ā̰ ta ngán jīn gə̄ mbɔ̄jə́nń bo dɔ rā̰ ní? I náā n ɔy bumbə́ru dɔ nang kem kārāá mbɔ̄jə́nń bumbə́ru dɔ nang ní? I náā n mbɔ̄jə́ kɔȳ mbal̄ bo gə̄ ō, ngán mbal̄ gə̄ ō kə mbal̄ mbɔ̄jə́ kɔȳ yá̰á̰ ō ní?

PĀ GƏ̄ 143:7

Kɔ́ɔ̄ɓē, ī-tūrə̄m̄ najə̄ tə́ láẃ na tɔ́gə́ḿ təgā kɔ̄ɔ́. Ī-lōō tūr̄ gidií taḿ tə́! Na sōgə́ jīḿ ɓoo naā kə ngé gə̄ ń a aw̄n̄ kə̄ ɓádá ní.

PĀ GƏ̄ 104:8

Nin̄ alə̄n̄ kə̄ dɔ mbal̄ gə̄ tə́ ō, risən̄ kə̄ wól loo gə̄ tə́ ō, aw̄n̄ bátə́ ugə̄n̄ loo ń ɔ́jə́də́ kadə̄ ugə̄n̄ tū tə́ ní tə́.

PĀ GƏ̄ 104:6

Ḭ̄ ūtə̄ gidə dɔ nang kə bā boó tītə̄ kə́ i kə kūbūú beē. Man̄ kə́ tū tə́ gə̄ ḭḭn̄ bátə́ ugə̄n̄ dɔ mbal̄ bo gə̄ tə́ dɔɔ́.

PĀ GƏ̄ 65:6

Nə́ɓā nge kajəjí, yá̰á̰ ń jə-dəjeī ní, ḭ̄ ī-rāā yá̰á̰ kə́ to kɔr kum gə̄ ī-tɔ̄ləń ɓōn kə́ kemjí tə́ ādə̄jí i kə gō kem majə yāí. De gə̄ malang kə́ dɔ nang tə́ kə taá ō, kə́ dɔ dor̄ kə́ sa̰y ngá̰ý gə̄ tə́ ō, əndān̄ kemdə́ i dɔí tə́.

PĀ GƏ̄ 55:23

Ī-tél kə yá̰a̰ kətō yāí kə́ ɔȳ ə̄ndā dɔ Kɔ́ɔ̄ɓē tə́. Ni a rāā kadə̄ ā ī-tél yā kənge tɔ́gə gogə́. Ni a əya̰ kadə̄ nja de kə́ súmūú ndetə aĺ bátə́.

PĀ GƏ̄ 30:9

Kɔ́ɔ̄ɓē, m̄-nōō kə̄ dɔí tə́, m̄-rāā Kɔ́ɔ̄ɓē ɓɔ́.

Makətūbə̄ yā Job 33:28

Ni-gān̄g dɔḿ jī yo tə́ kɔ̄ɔ́, adə̄ m̄-ndi kə kumḿ ō, m-á̰a̰ loo kə́ unjə̄ kow ō.

Makətūbə̄ yā Job 33:24

kə́ kadə̄ kumən o̰o̰n tām̄ yā nge mo̰y ní tə́ ba əda Nə́ɓā na: Ī-lōō kəya̰n kadə̄ aw̄ ɓádá, na m-ə́ngé yá̰a̰ gān̄g dɔn kɔ̄ɔ́!

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

MATIYE 16:18

Banī mā m-ə́daī na ḭ̄ i mbal̄ ō, mā m-ā m̄-rāā Egəlijə yāḿ dɔ mbal̄ ń toō tə́ ō. Yo a asə rāā yá̰a̰ seneé alé.

PĀ GƏ̄ 18:5

Yo ɓírə̄m̄ kə tɔ́gɔ́ tītə̄ katə man̄ ō, a̰ȳ ndílə́ḿ ō.

PĀ GƏ̄ 116:3

Yo ɓírə̄m̄ kə kəlā yānneé adə̄ ngan̄g, loo kə́ ɓádá əhɔm̄, ɔgə̄m̄ loo rāā rɔ̄ḿ, wur kɔl əsō dɔḿ tə́ ō, m-ə́ngé yá̰á̰ kə́ tōr̄ ō.

IJAI 38:10

Kété ní m-ɔ̄r̄ najə̄ kə rɔ̄ḿ m-ə́da na: I núsə ndɔ̄ḿ ngóy n m̄-rāā ō, i gáŕ kadə̄ m-āw̄ kɔ̄ɔ́ ō. Gotə ɓālə̄ḿ gə̄ ń na̰yn̄ ní m-ā m̄-tɔ̄l̄ tadə́ i ɓádá dan de kə́ koy gə̄ tə́.

EJEKIEL 26:20

M-ā m̄-rāāī kadə̄ ā ī-risə yā kaw̄ ndi dan de kə́ koy gə̄ tə́, naā tə́ kə ngé gə̄ ń ton̄ kem bəlo ɓádə gə̄ tə́ ní, adə̄ ā āw̄ gō de kə́ kété jóo gə̄ tə́. M-ā m̄-rāāī kadə̄ ā ī-ndi ɓē gíŕ nángāá. Ā ī-to tītə̄ mbal̄ kə́ jóo gə̄, ā ī-ndi naā tə́ kə ngé gə̄ ń nin̄ i kem bəlo ɓádə gə̄ tə́ ní. Ā ásə teē loo ń noō tə́ aĺ ō, dɔ nang ń de kə́ kə kumuú gə̄ ndin̄ tū tə́ ní, ā ə́nge loo tū tə́ aĺ ō.

EJEKIEL 31:14

I tītə̄ ń noō tá kāgə̄ kə́ rāān̄ man̄ dɔ tə́ majə ō, man̄ asən ō, a asəń tɔgə to̰ alé. Dɔ kāgə̄ sedər a ɔdə kil̄ man̄ gə̄ to̰ alé, ni a asə kɔjə rɔ̄n kə bo yānneé to̰ alé. Tɔdɔ̄ kāgə̄ gə̄ ō, de gə̄ ō ní, i gáŕ kadə̄ nin̄ a oyn̄ ndɔ̄ kógə̄ḿ. Nin̄ a aw̄n̄ gíŕ nángāá naā tə́ kə ngé gə̄ ń risə aw̄ ton̄ ɓádá ní.

PĀ GƏ̄ 69:2

Nə́ɓā, ájəm̄, tɔdɔ̄ man̄ əhɔm̄ míndə́ḿ tə́ dɔɔ́.