JONAS 2:2 - Bibəl ta Sar̄

² Jonas to kem kānjə̄ tə́ ndɔ̄yń Kɔ́ɔ̄ɓē Nə́ɓā yān.

Bible sar

² Jonas to kem kānjə̄ tə́ ndɔ̄yń Kɔ́ɔ̄ɓē Nə́ɓā yān.

JONAS 2:2 Referans Kwoze

PĀ GƏ̄ 120:1

Pā kə́ yā kaw̄ń kə̄ loo kə́ táĺ tə́. Dan ń wur kɔl əsō dɔḿ tə́ ní, m̄-ɓāŕ Kɔ́ɔ̄ɓē, anī ni ndigə ɓār̄ yāḿ.

PĀ GƏ̄ 34:6

Ngé gə̄ ń a̰a̰n̄ loo kum kə̄ rɔ̄n tə́ ní ta kumdə́ i kə kəgōó jarya ō, dɔ kumdə́ a síndə̄rī to̰ aĺ ō.

PĀ GƏ̄ 86:13

Tɔdɔ̄ kem majə ń ī-rāā seḿ ní to ɓōĺ ngá̰ý, ī-teē seḿ kem bəlo kə́ lú ngá̰ý yā yo tə́ kɔ̄ɔ́.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

1 SAMUEL 30:6

Loo təngā Dabid ngá̰ý tɔdɔ̄ de gə̄ ɔrə̄n̄ najə̄ tə́nīn kə mbalá yā tɔ̄lən: de gə̄ malang ní wurdə́ atə̄də́ ngá̰ý tām̄ yā ngáńdə́ kə́ dəngam gə̄ ō kə́ dəyá̰ gə̄ ō tə́. Banī Dabid tél əhɔ rɔ̄n tɔgə kə ta kūl̄ Kɔ́ɔ̄ɓē Nə́ɓā yānneé.

MATIYE 12:40

Adə̄ tītə̄ ń Jonas toń kem kānjə̄ kə́ bo tə́ kadə mətá ō, ndɔ̄ mətá ō ní, Ngōn̄ Deē a to gíŕ nángāá kadə mətá ō, ndɔ̄ mətá ō tītə̄ ń noō.

PĀ GƏ̄ 116:3

Yo ɓírə̄m̄ kə kəlā yānneé adə̄ ngan̄g, loo kə́ ɓádá əhɔm̄, ɔgə̄m̄ loo rāā rɔ̄ḿ, wur kɔl əsō dɔḿ tə́ ō, m-ə́ngé yá̰á̰ kə́ tōr̄ ō.

PĀ GƏ̄ 22:24

Sḭḭ̄ ngé ɓōĺ ndíĺ Kɔ́ɔ̄ɓē gə̄, ī-ɓōkə́niī tɔ̄ȳ! Sḭḭ̄ gír kaa yā Jakob gə̄ malang, ɔ́siī gɔn Kɔ́ɔ̄ɓē! Sḭḭ̄ gír kaa yā Israel gə̄ malang, ī-ɓōlíī gidə Kɔ́ɔ̄ɓē.

PĀ GƏ̄ 4:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. A dānə̄n̄ gō i kə kəndeé.

Najə̄ kə́ Majə yā Jeju ń Luk ndang ní 22:44

Gō tə́ ɓá anī, kemən rɔ̄n kə ngangāá ngá̰ý, ba ni-ndɔ̄ȳ kə ngangāá ngá̰ý tɔȳ kə́ kété gə̄ ō, tətōn teē a tə́sō kə́ kūbə̄rū mósə́ tə́ kok kok ō.

IJAI 14:9

De kə́ koy kɔ̄ɔ́ gə̄ ń nin̄ i kem loo kə́ gírí nang tə́ ní, rāān̄ rɔ̄də́ yā reē tə́nī taí dan ń ā ī-reē ní. Ni ndól̄ de kə́ koy gə̄ tām̄ yāí tə́, de kə́ bo gə̄ malang kə́ dɔ nang ń toō tə́. Ni-rāā adə̄ mban̄g gə̄ malang yā nápar de gə̄ ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́.

PĀ GƏ̄ 65:2

Nə́ɓā, ḭ̄ ń ī-ndi Siyo̰ ní, ásə kadə̄ de gə̄ ɓōkə́nī tɔ̄ȳ ō, ran̄ dɔ ndūdə́ tə́ seí ō.

PĀ GƏ̄ 61:2

Ɓɔ́ Nə́ɓā, ōō nōō yāḿ, ī-nēl̄ mbīí ōoń ndɔ̄ȳ yāḿ.

PĀ GƏ̄ 16:10

Tɔdɔ̄ ā ə́ya̰m̄ ɓádá alé, ā ə́ya̰ deē yāí kadə̄ a̰a̰ bāá yon kə kumneé alé.

KƏLA RĀĀ 2:27

tɔdɔ̄ ā ə́ya̰m̄ ɓádá aĺ ō, ā ə́ya̰ de kə́ táĺ yāí kadə̄ ndum aĺ ō.

1 SAMUEL 1:16

Ī-lōō rāām̄ mā nge kəla yāí dəyá̰ kə́ hálən nujə kɔ̄ɔ́ tə́. Tɔdɔ̄ i gír̄ najə̄ kə́ tɔȳ dɔḿ ngá̰ý ō, i wurəḿ kə́ ɔlə̄m̄ ngá̰ý ō n ndḛḛ̄ kadə̄ m-ɔ̄rəń najə̄ dan i ngá̰ý ní.

NŌŌ RƆ̄ 3:55

Kɔ́ɔ̄ɓē, m̄-to i kem bəlo kə́ lú ngá̰ý tə́ n m-ā m̄-ɓārə́nń rīí.

EJEKIEL 26:20

M-ā m̄-rāāī kadə̄ ā ī-risə yā kaw̄ ndi dan de kə́ koy gə̄ tə́, naā tə́ kə ngé gə̄ ń ton̄ kem bəlo ɓádə gə̄ tə́ ní, adə̄ ā āw̄ gō de kə́ kété jóo gə̄ tə́. M-ā m̄-rāāī kadə̄ ā ī-ndi ɓē gíŕ nángāá. Ā ī-to tītə̄ mbal̄ kə́ jóo gə̄, ā ī-ndi naā tə́ kə ngé gə̄ ń nin̄ i kem bəlo ɓádə gə̄ tə́ ní. Ā ásə teē loo ń noō tə́ aĺ ō, dɔ nang ń de kə́ kə kumuú gə̄ ndin̄ tū tə́ ní, ā ə́nge loo tū tə́ aĺ ō.

EJEKIEL 31:14

I tītə̄ ń noō tá kāgə̄ kə́ rāān̄ man̄ dɔ tə́ majə ō, man̄ asən ō, a asəń tɔgə to̰ alé. Dɔ kāgə̄ sedər a ɔdə kil̄ man̄ gə̄ to̰ alé, ni a asə kɔjə rɔ̄n kə bo yānneé to̰ alé. Tɔdɔ̄ kāgə̄ gə̄ ō, de gə̄ ō ní, i gáŕ kadə̄ nin̄ a oyn̄ ndɔ̄ kógə̄ḿ. Nin̄ a aw̄n̄ gíŕ nángāá naā tə́ kə ngé gə̄ ń risə aw̄ ton̄ ɓádá ní.

2 YÁ̰A̰ GƏ̄ 33:12

Dan ń wur kɔl əsō dɔ Manase tə́ anī, Manase rāā Kɔ́ɔ̄ɓē Nə́ɓā yān ɓɔ́. Yá̰á̰ kə́ gōtə́ aĺ gə̄ malang ń ni-rāā ní ni ndigə ta kum Nə́ɓā yā kaan gə̄ tə́ ō,

Najə̄ kə́ Majə yā Jeju ń Luk ndang ní 11:10

Tɔdɔ̄ deē ń dəje yá̰á̰ ní kɔ́ɔ̄ a ənge ō, deē ń a sāā yá̰á̰ ní, kɔ́ɔ̄ a ənge ō, deē ń a sāā ní, kɔ́ɔ̄ a ənge ō, nge ń a ənda ta loo ní, a teēn̄ yā kadə̄n ō.