JONAS 1:9 - Bibəl ta Sar̄

⁹ Jonas tél ədadə́ na: Mā i hebəro, ba i Kɔ́ɔ̄ɓē n m-ā m̄-rɔȳn ní. Adə̄ i Nə́ɓā kə́ nge ndi dɔ rā̰ tə́, kə́ nge rāā bā bo ō, dɔ nang ō.

Bible sar

⁹ Jonas tél ədadə́ na: Mā i hebəro, ba i Kɔ́ɔ̄ɓē n m-ā m̄-rɔȳn ní. Adə̄ i Nə́ɓā kə́ nge ndi dɔ rā̰ tə́, kə́ nge rāā bā bo ō, dɔ nang ō.

JONAS 1:9 Referans Kwoze

NEHEMI 9:6

I īkɔ́ ngóy kal kógə̄ḿ beē n i Kɔ́ɔ̄ɓē ní! I ḭ̄ n ī-rāā dɔ rā̰ adə̄ bo ngá̰ý ní ō, i ḭ̄ n ī-rāā tə́yō̰ gə̄ malang kə́ dɔ rā̰ tə́ ō, i ḭ̄ n ī-rāā dɔ nang kə yá̰a̰ malang kə́ tū tə́ ō, bā bo gə̄ kə yá̰a̰ malang kə́ kum tə́ gə̄ ō ní. I ḭ̄ n ī-rāā ādə̄ yá̰a̰ gə̄ ń noō malang ndin̄ kə kumdə́ ní ō, i ḭ̄ n yá̰a̰ malang kə́ dɔ rā̰ tə́ a əsō kə̄ nang tə́ a rɔyī ō ní.

PĀ GƏ̄ 136:26

Ī-tɔ̄yī Nə́ɓā kə́ dɔ rā̰ tə́, tɔdɔ̄ kem majə yān to ngándáńg.

NEHEMI 1:4

Dan ń m-ōō najə̄ ń gə̄ noō ní m̄-ndi nang tə́ m̄-nōō ō, m-ə́hɔ ndoō ndɔ̄ ngá̰ý ō, m̄-*ndi ɓō tām̄ yā Nə́ɓā tə́ ō. m̄-ndɔ̄ȳ Nə́ɓā kə́ dɔ rā̰ tə́

ESDRAS 1:2

Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́, adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā kəla rāā kújə́ kógə̄ḿ dɔḿ tə́ kadə̄ m̄-rāā m-ādə̄n kem ɓē kə́ Jerusalem kə́ Juda tə́ ō.

2 MBAN̄G 17:28

Adə̄ nge tun̄ kógə̄ḿ dan ngé tun̄ yá̰á̰ kə́ Samari tə́ gə̄ ń ɔyn̄də́ aw̄n̄ sedə́ ní tél reē ndi Betel. Ni ndóōdə́ loo ɓōĺ ndíĺ Kɔ́ɔ̄ɓē.

2 MBAN̄G 17:25

Ta kəla gíŕ tə́, dan ń ndin̄ dɔ nang kə́ Samari tə́ ní nin̄ ndɔ̄ȳn̄ Kɔ́ɔ̄ɓē alé, adə̄ Kɔ́ɔ̄ɓē əla ɓɔl gə̄ adə̄ əhɔn̄ de gə̄ ngá̰ý dandə́ tə́.

TA KƏLA 14:13

Deē kógə̄ḿ dan ngé gə̄ ń a̰ȳn̄ naā tə́ ní aw̄ əda Abəram ń i Hebəro ní najə̄ ní. Abəram ndi i kem kāgə̄ sén gə̄ yā Mamre tə́. Mamre tá i Amor. Ni i ngōkó̰o̰ Esəkol ō, Aner ō. Nin̄ mətá mbak əhɔn̄ madə̄ naā kə Abəram.

JEJU TEĒ KUM JA̰A̰ 16:11

Nin̄-tájə̄n̄ Nə́ɓā kə́ dɔ rā̰ tə́ tām̄ yá̰á̰ kə́ tōr̄ kə́ rāādə́ tə́ ō, tām̄ do səya̰ yādə́ tə́ ō. Banī nin̄-tūrə̄n̄ gidədə́ kɔ̄ɔ́ ta yá̰a̰ rāādə́ kə́ majaĺ gə̄ tə́ alé.

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

JEJU TEĒ KUM JA̰A̰ 11:13

Kum mbang ngeé ń noō tə́ ní, dɔ nang ndew ngá̰ý. Adə̄ ré gángə̄n̄ ɓē naā tə́ gír loo kutə anī, gírən kə́ kógə̄ḿ tétə̄ nang tə́ kɔ̄ɔ́ malang. Adə̄ de gə̄ dūbú sīrí oyn̄ dan ń dɔ nang ndewń tə́ ní. Gotə de gə̄ ń na̰yn̄ ní ɓōĺ rāādə́, adə̄ ɔsən̄ gɔn Nə́ɓā kə́ dɔ rā̰ tə́.

PILIPƏ 3:5

Tɔdɔ̄ əjan̄ mɔtəḿ i gō ndɔ̄ kojəḿ kə́ nge ko̰ sɔ́sɔ́ tə́ ō, mā i Israel kə́ kojə ō, mā i de kə́ gír ɓē yā Benjamḛ tə́ ō, mā i Hebəro kə́ i Hebəro gə̄ n ojəmə̄n̄ ō. Kə́ ɔjə dɔ yá̰a̰ rāā kə́ kə gō ndū najə̄ yā Jipə gə̄ ɓáa, mā i de kə́ dan ɓūtə̄ yā Parijiyḛ gə̄ tə́.

KƏLA RĀĀ 27:23

Tām̄ ngɔlaā ní de kə́ dɔ rā̰ tə́ yā Nə́ɓā ń mā i deē yān ō, m̄-rāā kəla yān ō ní, reē rɔ̄ḿ tə́

KƏLA RĀĀ 14:15

Nin̄-əgan̄ kɔŕ ngá̰ý ədan̄ na: Madə̄jí gə̄, ā ī-rāāī i rí kə beē? Jḭḭ i deē ndul gə̄ kə́ jə-to tītə̄sí ō! Najə̄ kə́ Majə ń j-ədasí ní, i yā kadə̄ ə́ya̰īneé ɓesə̄ kə́ kanjə̄ kumən gə̄ ń toō kɔ̄ɔ́, ba kadə̄ ī-tūrīneé rɔ̄sí kə̄ rɔ̄ Nə́ɓā kə́ ndi kə kumneé tə́, ni ń rāā dɔ rā̰ ō, dɔ nang ō, bā bo ō, yá̰a̰ malang kə́ tū tə́ ō ní.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

Makətūbə̄ yā Job 1:9

Banī nge sekə́ de gə̄ tél əda Kɔ́ɔ̄ɓē na: Job ɓōĺ ndíĺ Nə́ɓā i gíŕ yá̰á̰ kógə̄ḿ tə́ aĺ bátə́ a?

NEHEMI 2:4

Mban̄g dəjem̄ na ké i rí n m̄-gḛy kadə̄ n-adə̄m̄ ní wa. Anī m̄-ndɔ̄ȳ Nə́ɓā kə́ dɔ rā̰ tə́,

ESDRAS 5:11

Nin̄ tél ədan̄jí na nin̄ na i ngé rāā kəla gə̄ yā Nə́ɓā kə́ kɔ́ɔ̄ dɔ rā̰ ō dɔ nang ō. Na i kújə́ kə́ mban̄g kógə̄ḿ kə́ bo kə́ Israel tə́ rāā jóó ngá̰ý n ra na n-a n-rāān̄ gogə́ rang ní.

TA KƏLA 39:14

ur sɔ̄ḿ ɓāŕəń ngé kəla yān gə̄ ədadə́ na kə a̰a̰n̄, ngaan na reē kə Hebəro adə̄də́ na i yā mbóoń sedə́. Hebəro ní na reē yā sāān anī na n-əga kɔŕ.

Teē Ngán Israel gə̄ 1:15

Hebəro gə̄ aw̄n̄ kə dəyá̰ kə́ ngé taā ngán gēé jōó gə̄. Rī ngé kə́ kógə̄ḿ na i Sipəra ō, rī ngé kə́ noō na i Pua ō. Mban̄g kə́ Ejiptə ədadə́ na

Teē Ngán Israel gə̄ 2:13

Teē kə ndɔ̄ kə́ rangaá reē gogə́ ɓáý anī, ənge Hebəro gə̄ jōó ra a rɔ̄ɔ̄n̄ naā. Ni-dəje nge ń najə̄ əhɔn ní na ké ənda madə̄n ké i tām̄ rí tə́ wa.

TA KƏLA 1:10

Nə́ɓā ɓāŕ loo kə́ ngan̄g ní na i nang, ba ɓāŕ man̄ gə̄ ń kánə̄n̄ naā loo kógə̄ḿ ní na i bā bo. Nə́ɓā a̰a̰ kadə̄ i yá̰á̰ kə́ majə.

TA KƏLA 24:7

Kɔ́ɔ̄ɓē Nə́ɓā kə́ dɔ rā̰ tə́ ń teē seḿ kɔ̄ɔ́ ɓē bɔbə́ḿ ō, ɓē ngééḿ gēé ō ní, ɔr̄ najə̄ seḿ ō, ənī míndən adə̄m̄ ō, əda na dɔ nang ń toō n-a n-adə̄ ngán kaaḿ gə̄. Ní, nəkɔ́ a əla deē yān kə́ dɔ rā̰ tə́ kété noí tə́, adə̄ ā ī-taā dəyá̰ i nú tām̄ yā ngōnə̄ḿ tə́.