JONAS 1:5 - Bibəl ta Sar̄

⁵ Ɓōĺ rāā ngé rāā kəla kem toó gə̄, adə̄ nin̄ kógə̄ḿ kógə̄ḿ ní, náā nəkɔ́ ɓáa a əga i kɔŕ kə̄ dɔ nə́ɓā yān tə́. Nin̄ ɔyn̄ yá̰a̰ malang kə́ kem toó ɓōkə́n̄ kɔ̄ɔ́ kum bā tə́, yā kadə̄ to hɔɔ́lɔń. Dan ngeé ń noō tə́ ní, Jonas risə aw̄ gə́le to bo tə́ aké to a ɓīī kə́ gōn əsō kɔ̄ɔ́.

Bible sar

⁵ Ɓōĺ rāā ngé rāā kəla kem toó gə̄, adə̄ nin̄ kógə̄ḿ kógə̄ḿ ní, náā nəkɔ́ ɓáa a əga i kɔŕ kə̄ dɔ nə́ɓā yān tə́. Nin̄ ɔyn̄ yá̰a̰ malang kə́ kem toó ɓōkə́n̄ kɔ̄ɔ́ kum bā tə́, yā kadə̄ to hɔɔ́lɔń. Dan ngeé ń noō tə́ ní, Jonas risə aw̄ gə́le to bo tə́ aké to a ɓīī kə́ gōn əsō kɔ̄ɔ́.

JONAS 1:5 Referans Kwoze

1 MBAN̄G GƏ̄ 18:26

Nin̄ taān̄ man̄g kə́ bəra ń adə̄n̄də́ ní tɔ̄lə̄n̄ ba góriyōn̄ dā̰n ɓōkə́n̄ dɔ kīr̄ tə́ yā tun̄, ba ɓārə́n̄ Baal. Əlan̄ gír ɓārə́n dəloí bátə́ mbang ugə̄ dan ɓēé. Nin̄-ɓāŕnən̄ ədan̄ na: Baal, ī-ndigəjí! Banī deē oō ndū deē aĺ ō, deē ndigə ɓār̄ ní aĺ ō. Nin̄ ndāmə̄n̄ gīrə̄n̄neé gidə loo tun̄ yá̰á̰ ń rāān̄ ní.

JEREMI 2:28

Nə́ɓā gə̄ ń ḭ̄kɔ́ ī-rāādə́ ní nin̄ i rá? Ré asən̄ kajəjí anī, ādə̄ ḭḭn̄ dɔɔ́ dan ń yá̰á̰ kə́ to kum kaȳ aĺ teē dɔí tə́ ní. Tɔdɔ̄ kutə nə́ɓā yāí gə̄ asə kə kutə ɓē bo yāí gə̄, ḭ̄ Juda.

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

1 SAMUEL 24:3

Anī Saul gə̄rā go̰ rɔ̄ɔ̄ gə̄ dūbú mətá dan ngán Israel gə̄ tə́ malang, ba aw̄ sedə́ ndəle Dabid nin̄ kə deē yān gēé tə́, loo ń ra sɔɔ̄n̄ ta naā kə mbal̄ ń bə̄yā̰ kɔ̄r̄ gə̄ ran̄ tū tə́ ní tə́.

NGÉ SARYA 16:19

Dalila rāā Samso̰ adə̄ to i dɔ njan gə̄ tə́ n a ɓīiń ní. Ba ni ɓāŕ dəngam kógə̄ḿ adə̄ dəsā dɔ Samso̰ ń i kə́ tūm̄ gír loo sīrí ní kɔ̄ɔ́. Loo ń noō tə́ Samso̰ əla gír ngan̄g aĺ ō, tɔ́gən teē rɔ̄n tə́ kɔ̄ɔ́ ō.

KƏLA RĀĀ 27:38

Dan ń əsan̄ yá̰a̰ asədə́ anī, ɓōkə́n̄ gémē bāá kɔ̄ɔ́ kadə̄ too bo hɔɔ́lɔń.

MATIYE 26:45

Gō tə́ anī, ni-tél reē rɔ̄ ngé ndóō yá̰a̰ yān gə̄ tə́, ba ədadə́ na: Ā ī-ɓīī i mbée ō, a ī-taāī i koō ō a! Á̰a̰ī, kum mbang asə kɔ̄ɔ́, adə̄ a əlan̄ Ngōn̄ Deē jī ngé rāā yá̰a̰ majaĺ gə̄ tə́.

MATIYE 26:43

Ni-tél reē rɔ̄də́ tə́ anī əngedə́ dɔ ɓīī tə́ ɓáý, tɔdɔ̄ asən̄ ndi kə kumdə́ alé.

MATIYE 25:5

Dan ń ngaa dəyá̰ reē láẃ aĺ ní, ɓīī əhɔ ta kumdə́ adə̄ to a ɓīīn̄.

JONAS 1:16

Gō tə́ anī, de gə̄ ní ɓōlə́n̄ ndíĺ Kɔ́ɔ̄ɓē ngá̰ý. Nin̄-tunə̄n̄ yá̰a̰ adə̄nən̄ ō, túbən̄ ənīn̄ ndūdə́ adə̄nən̄ ō.

JONAS 1:14

Nin̄-ndɔ̄ȳn̄ Kɔ́ɔ̄ɓē ədan̄ na: Ɓɔ́ Kɔ́ɔ̄ɓē, ī-lōō rāājí kadə̄ j-oy najə̄ yā deē ń toō tə́! Tá de kə́ najə̄ gətóo dɔn tə́ ní, ī-lōō kəndā najə̄ yon dɔjí tə́ ō. Tɔdɔ̄ i ḭ̄ Kɔ́ɔ̄ɓē n ī-rāā yá̰á̰ ń kemií ndigə ní.

JONAS 1:6

Ngol ngé rāā kəla kem to bo ní tə́ gə̄ reē rɔ̄n tə́, ba ədan na: A̰á̰, adə̄ ā ī-ɓīī i mbée a? Ḭ́ḭ dɔɔ́, ə́ga kɔŕ kə̄ dɔ nə́ɓā yāí tə́! Na majanī a gír̄ dɔjí tə́, yā kadə̄ j-a j-oyiī alé.

OJEE 7:14

Dan ń nin̄ ɓāŕmə̄n̄ kadə̄ m̄-dḭḭ̄də́ anī, i kə́ rɔ̄kum tə́ alé. Banī nin̄ tṵ́ṵ̄n̄ dɔ tə̄rá yādə́ gə̄ tə́ ō, tə́jān̄ rɔ̄də́ kə doó ō, yā kəngeń gémē ō, kasə nduú kə́ kijə ō. I tītə̄ ń noō n yá̰á̰ ń mā m̄-ndigə ní nin̄ rāān̄ alé.

Makətūbə̄ yā Job 2:4

Banī nge sekə́ de gə̄ tél əda Kɔ́ɔ̄ɓē na: Yá̰a̰ malang ń deē ənge ní, a adə̄ yā kajəń rɔ̄n.

PĀ GƏ̄ 107:25

Kɔ́ɔ̄ɓē əda najə̄ tan kógə̄ḿ anī nél balway əla, néĺ ní rāā adə̄ bəngál man̄ ḭḭ kə̄ dɔɔ́ kə̄ dɔɔ́.

PĀ GƏ̄ 148:8

hor ō, kɔ̄sə̄ ō, néjə ō, díḿsir ō, nél man̄ kə́ a əla kə tɔ́gɔ́ kə́ a rāā yá̰á̰ ń ni-əda ní ō,

KOHELET 3:6

Kum mbang kə́ yā kadə̄ deē sāań yá̰a̰ i noó ō, ni kə́ yā kadə̄ tḭ̄ḭń ta yá̰a̰ kɔ̄ɔ́ i noó ō.