JONAS 1:4 - Bibəl ta Sar̄

⁴ Banī Kɔ́ɔ̄ɓē rāā adə̄ nél kógə̄ḿ kə́ əla kə ngangá ngá̰ý əsō dɔ bā bo tə́. Nél man̄ ní əla kə tɔ́gɔ́ ngá̰ý kə́ too bo a sāā i tɔ̄ɔ̄.

Bible sar

⁴ Banī Kɔ́ɔ̄ɓē rāā adə̄ nél kógə̄ḿ kə́ əla kə ngangá ngá̰ý əsō dɔ bā bo tə́. Nél man̄ ní əla kə tɔ́gɔ́ ngá̰ý kə́ too bo a sāā i tɔ̄ɔ̄.

JONAS 1:4 Referans Kwoze

AMOS 4:13

I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.

PĀ GƏ̄ 135:7

Ni-rāā adə̄ kil̄ man̄ gə̄ ḭḭn̄ ta ngóy dɔ nang tə́ kum kə̄ dɔɔ́ rāā adə̄ man̄ tel̄ yā kedə̄. Ni teē kə nélé loo ngɔ̄mən tə́.

Teē Ngán Israel gə̄ 10:19

Anī Kɔ́ɔ̄ɓē tūr̄ nél adə̄ ḭḭ no ɓē tə́, əla kum kə̄ dūn̄ ɓē tə́ kə ngangá ngá̰ý, adə̄ ɔy yḭm̄ gə̄ aw̄ ɓōkə́də́ kum bā tə̄ɓā gə̄ tə́ kɔ̄ɔ́. Adə̄ yḭm̄ kógə̄ḿ gə̄gē gətóo dɔ nang kə́ Ejiptə tə́ kə taá malang.

TƏ́DA 11:31

Kɔ́ɔ̄ɓē adə̄ néĺ kógə̄ḿ ḭḭ dām̄ kə́ bā bo tə́ reē kə yel̄ gə̄ kə́ ton̄ tītə̄ kerwḛy gə̄ ɓōkə́də́ kem ɓēé ō, kə gō gidə ɓēé adə̄ gīr̄ gidə əla ta naā tə́ ō. Adə̄ deē a ḭḭ kem ɓēé a njə̄rā ndɔ̄ kógə̄ḿ tá a ənge ta ngóýdə́ dām̄ kə́rēý tə́ ō. a njə̄rā ndɔ̄ kógə̄ḿ tá a ənge ta ngóýdə́ dām̄ kə́ rang tə́ ō. Yel̄ gə̄ ní ton̄ dɔ naā tə́ kum kə dɔɔ́ asə kíl deē jōó.

Teē Ngán Israel gə̄ 15:10

Banī ḭ̄ Kɔ́ɔ̄ɓē ə́lá nél yāí anī bā bo ɔr tan dɔdə́ tə́. Nin̄-risə aw̄ ndin̄ gír man̄ kə́ to ɓōĺ ngá̰ý tə́ tītə̄ gində̄ pəlɔm beé.

Teē Ngán Israel gə̄ 14:21

Moijə əla jīn kə̄ dɔ bā bo tə́. Anī Kɔ́ɔ̄ɓē teē dan man̄ kə̄ gogə́ kə néĺ kə́ dūn̄ ɓē tə́ kə́ əla kə ngangá ngá̰ý ndɔ̄ɔ́ bátə́ loo tīī, adə̄ man̄ kēgə̄ naā tə́ jōó, adə̄ loo kə́ danaá tutə.

Teē Ngán Israel gə̄ 10:13

Moijə əla kāgə̄ yān kum kə̄ dɔ ɓē kə́ Ejiptə tə́, anī Kɔ́ɔ̄ɓē rāā adə̄ néĺ kə́ dūn̄ ɓē tə́ əla dɔ ɓē kə́ Ejiptə tə́ ndɔ̄ ń noō tə́ kadaá bátə́ loo tíbə ō, ndɔ̄ɔ́ bátə́ loo tīī ō. Dan ń loo tīī anī néĺ ní reē i kə yḭm̄ gēé.

PĀ GƏ̄ 135:6

Yá̰a̰ malang ń Kɔ́ɔ̄ɓē ndigə ní, ni-rāā, dɔ rā̰ tə́ ō, dɔ nang tə́ ō, kum bā bo gə̄ tə́ ō, kem bəlo loo gə̄ kə́ kum bā bo gə̄ tə́ malang ō.

JEREMI 51:16

Dan ń ndūn ɓār̄ anī, man̄ gə̄ ɔsən̄ dɔdə́ naā tə́ dɔ rā̰ tə́, ni-rāā adə̄ kil̄ man̄ gə̄ ḭḭn̄ i ta ngóy dɔ nang tə́. Ni-rāā adə̄ man̄ tel̄ yā kadə̄ man̄ edəń. Ni-rāā adə̄ nél teē kem loo ɓɔ̄ɔ̄ rɔ̄ yān tə́.

PĀ GƏ̄ 148:8

hor ō, kɔ̄sə̄ ō, néjə ō, díḿsir ō, nél man̄ kə́ a əla kə tɔ́gɔ́ kə́ a rāā yá̰á̰ ń ni-əda ní ō,