JONAS 1:3 - Bibəl ta Sar̄

³ Jonas ḭḭ dɔɔ́ əsō róbó, banī i yā ka̰ȳ kaw̄ Tarsis sa̰y kɔ̄ɔ́ rɔ̄ Kɔ́ɔ̄ɓē tə́. Ni ugə̄ Japa. Anī ənge to bo kógə̄ḿ kə́ a aw̄ kə̄ Tarsis. Ni əgā too ní ba al̄ kemeé, yā kaw̄ Tarsis naā tə́ kə ngé rāā kəla kem too bo ní tə́ gə̄, sa̰y kɔ̄ɔ́ ta kum Kɔ́ɔ̄ɓē tə́.

Bible sar

³ Jonas ḭḭ dɔɔ́ əsō róbó, banī i yā ka̰ȳ kaw̄ Tarsis sa̰y kɔ̄ɔ́ rɔ̄ Kɔ́ɔ̄ɓē tə́. Ni ugə̄ Japa. Anī ənge to bo kógə̄ḿ kə́ a aw̄ kə̄ Tarsis. Ni əgā too ní ba al̄ kemeé, yā kaw̄ Tarsis naā tə́ kə ngé rāā kəla kem too bo ní tə́ gə̄, sa̰y kɔ̄ɔ́ ta kum Kɔ́ɔ̄ɓē tə́.

JONAS 1:3 Referans Kwoze

JOJUE 19:46

man̄ Yarkon ō, Rakon ō, gō nang ń gīr̄ gidə ɓē Japa ní ō.

TA KƏLA 4:16

Gō tə́ anī Kain aw̄ ndi dɔ nang kə́ Nod tə́, sa̰y kɔ̄ɔ́ ta kum Kɔ́ɔ̄ɓē tə́, dām̄ ndɔr̄ Eden kə́ gír ɓē tə́ tə́.

KƏLA RĀĀ 9:36

Nge ndóō yá̰a̰ yā Jeju kógə̄ḿ kə́ dəyá̰ ndi kem ɓē kə́ Jope tə́, rīn na i Tabita. Rīn ní kə ta Gərek na i Dorkas ń kumən na i Jal̄ ní. Dəyá̰ ní rāā kəla kə́ majə gə̄ ngá̰ý ō, adə̄ ngé ndoō gə̄ yá̰á̰ ngá̰ý ō.

KƏLA RĀĀ 9:43

Piyer ndi kem ɓē kə́ Jope tə́ adə̄ dan oy tām̄, ɓē yā deē kógə̄ḿ kə́ nge kɔr̄ gidə ngə̄rā tə́ kə́ rīn na i Simo̰.

JONAS 4:2

Ni ndɔ̄ȳ Kɔ́ɔ̄ɓē tītə̄ ń toō beé əda na: Ha̰, Kɔ́ɔ̄ɓē, m̄-ger̄ majə i dan ń mā i kem ɓē yāḿ tə́ nú ɓáý ní. m̄-ger̄ kadə̄ ḭ̄ i de kə́ majə ngá̰ý ō, kumií o̰ō̰ī ngá̰ý ō, ḭ̄ i de kə́ nge tə́gā taí dɔ deē tə́ ō, ḭ̄ i de kə́ táŕ ngá̰ý ō, ré ə́la ɓōĺ kem deē tə́ anī, ī-tél ā ī-ndə̄ngā rɔ̄í ō.

IJAI 23:6

Ə́ndaī bā bo ī-gāngī, āwī bátə́ ūgī Tarsis. Sḭḭ̄ de gə̄ ń ī-ndiī kadə bā tə́ ní, úniī pā yo.

IJAI 23:1

Najə̄ yā ɓē kə́ Tir. Sḭḭ̄ to bo gə̄ kə́ dan ɓūl̄ bā bo gə̄ tə́, úniī pā yo. Nujən̄ ta kā̰ kə́ Tir kɔ̄ɔ́, kújə gə̄ gətóon̄ kɔ̄ɔ́. I dan ń nin̄ reē ugə̄n̄ dor̄ kə́ Sipər tə́ ní n ōōn̄ gotə najə̄ ní.

1 MBAN̄G GƏ̄ 19:3

Eli a̰a̰ beé anī a̰ȳ yā kajəń rɔ̄n. Ni-aw̄ ugə̄ Beer Seba kə́ gō nang kə́ Juda tə́ anī əya̰ nge kəla yān noó.

2 TESALONIK 1:9

Yá̰á̰ kə́ tōr̄ ń a rāādə́ tām̄ majaĺ yādə́ tə́ ní, i nujə kə́ ta ngóyn gətóó kə́ nin̄ a nujən̄ sák sák kɔ̄ɔ́, sa̰y rɔ̄ Kɔ́ɔ̄ɓē tə́ ō, sa̰y rɔ̄ tɔ́gən kə́ to kɔsə gɔn tə́ ō.

1 KORḚNTƏ 9:16

Tɔdɔ̄ kɔjə de gə̄ Najə̄ kə́ Majə i yá̰a̰ kɔjə rɔ̄ yāḿ alé, tām̄ i yá̰á̰ kə́ m-ásə ndi kanjə̄n alé. Ré m-ɔjə de gə̄ Najə̄ kə́ Majə aĺ anī, yāḿ a majaĺ ngá̰ý!

KƏLA RĀĀ 26:19

Adə̄ mban̄g Agəripa, m̄-mbātə́ najə̄ ta yá̰á̰ kə́ dɔ rā̰ tə́ ń m-á̰a̰ā̰ ní tə́ alé.

EJEKIEL 27:12

De kə́ Tarsis gə̄ adīn̄ yá̰a̰ kənge kə́ tayā tayā gə̄ ngá̰ý mbél̄nəń gíŕ yá̰a̰ seí. Nin̄ mangən̄ yá̰a̰ gātə̄ yāí gə̄ i kə gində̄ arjā̰a̰á̰ ō, gində̄ kə́ karīí ō, kə gində̄ etḛ̄ḛḛ́ ō, kə gində̄ pəlɔm ō.

IJAI 23:10

Ḭ̄ ɓē kə́ Tir, ī-ndɔr̄ dɔ nang tītə̄ gō nang kə́ bā Nil i tū tə́ beē, tɔdɔ̄ ta kā̰ā̰ yāí gətóo kɔ̄ɔ́.

Makətūbə̄ yā Job 1:12

Anī Kɔ́ɔ̄ɓē tél əda nge sekə́ de gə̄ na: Majə, yá̰a̰ kənge yān malang ní, m-ə́ya̰ m-ādə̄ ī-rāań yá̰á̰ ń kemií ndigə ni. Ba ī-lōō kəla jīí kɔdəń rɔ̄n. Loo ń noō tə́ nge sekə́ de gə̄ ɔtə kɔ̄ɔ́ ta kum Kɔ́ɔ̄ɓē tə́.

2 YÁ̰A̰ GƏ̄ 2:16

Salomo̰ ɔy de kə́ dəngam gə̄ malang kə́ tə̄rā gə̄ ń ndin̄ dɔ nang kə́ Israel tə́ ní, kə gō kutədə́ ń bɔbə̄n Dabid tə́dańdə́ ní. Kutədə́ malang i deē 153 600.

KƏLA RĀĀ 15:38

Ba Pol gír̄ kadə̄ kə aw̄ sedə́ alé, tām̄ i de kə́ əya̰də́ kɔ̄ɔ́ kété dɔ nang kə́ Pampili tə́ ba aw̄ kəla sedə́ alé.

Najə̄ kə́ Majə yā Jeju ń Luk ndang ní 9:62

Anī Jeju ədan na: Deē ń əga jīn dɔ kɔsə ndɔr̄ man̄g tə́, ba tél a mbel kə̄ gogə́ ɓáý to̰ ní, i de kə́ rāānən̄ tām̄ yā Ɓē ko̰o̰ yā Nə́ɓā tə́ alé.

EJEKIEL 3:14

Ndíĺ unəm̄ nang tə́ kum kə̄ dɔɔ́ ní, aw̄ seḿ. Kɔ́ɔ̄ɓē əhɔm̄ kə tɔ́gəneé i kəhɔ kə́ m-ásə dum̄ tan aĺ ō, m-āw̄ i kə kemḿ kə́ nelə̄m̄ aĺ ō, wōn̄g rāām̄ ō.

IJAI 60:9

Ɓē kə́ sa̰y gə̄ ndi a ngóōmə̄n̄ ō, əndān̄ kemdə́ dɔḿ tə́ ō. Too kə́ bo gə̄ njə̄rān̄ kété no madə̄də́ gə̄ tə́, yā téləń kə ngání gə̄ yā reē sedə́ gogə́ ɓēé, nin̄ ḭḭn̄ sedə́ i sa̰y ngá̰ý. Nin̄ reēn̄ sedə́ kə gində̄ arjā̰a̰ yādə́ gə̄ ō, kə lɔ́r yādə́ gə̄ ō. Nin̄ reēn̄ i kɔsə ngɔnəḿ mā Nə́ɓā yāí tə́, Nə́ɓā kə́ táĺ yā Israel ń rɔyī beé ní.

IJAI 2:16

Ni a rɔ̄ɔ̄ too bo gə̄ malang ō, ngé kɔy yá̰a̰ gātə̄ kə́ majə ngá̰ý kaw̄ń gə̄ malang ō.

Makətūbə̄ yā Job 2:7

Loo ń noō tə́ nge sekə́ de gə̄ ɔtə kɔ̄ɔ́ ta kum Kɔ́ɔ̄ɓē tə́. Ni-ənī mo̰y bānjə̄ kógə̄ḿ kə́ majaĺ ngá̰ý dɔ Job tə́. Mo̰y ní əla gír i da njan tə́ bátə́ jam dɔn tə́.

1 MBAN̄G GƏ̄ 19:9

Eli ugə̄ mbal̄ Horeb tə́ anī udə kem bəlo mbal̄ kógə̄ḿ tə́, to kemeé bátə́ loo tīī dɔn tə́. Kɔ́ɔ̄ɓē ɔr̄ najə̄ seneé dəjen na: Eli, ī-reē laā i sāā rí tə́?

TA KƏLA 3:8

Dəngam nin̄ kə dəyá̰ oōn̄ kōō Kɔ́ɔ̄ɓē Nə́ɓā a njə̄rā kem ndɔrɔ́ loo sɔlí anī, a̰ȳ aw̄ ɓɔ̄ɔ̄n̄ rɔ̄də́ kɔ̄ɔ́ dan kāgə̄ gə̄ kə́ kem ndɔrɔ́ tə́.

KƏLA RĀĀ 9:38

Ngé ndóō yá̰a̰ gə̄ ń ndin̄ kem ɓē kə́ Jope tə́ ní, oōn̄ kadə̄ Piyer i kem ɓē kə́ Lida tə́. Tá kḭḭ Lida kaw̄ kə̄ Jope i ngɔr. Adə̄ əlan̄ de gə̄ jōó kadə̄ aw̄ ədanən̄ na: Jə-rāāī ɓɔ́, ī-reē láẃ kanjə̄ kɔr bā̰ā̰.

KƏLA RĀĀ 9:42

De kə́ Jope gə̄ malang oōn̄ najə̄ ní, adə̄ ngá̰ý gə̄ dandə́ tə́ taān̄ kem Kɔ́ɔ̄ɓē.

ESDRAS 3:7

Adə̄ adə̄n̄ ngé rāā kəla gə̄ nar kadə̄ tə́gān̄neé mbal̄ gə̄ ō, njárə̄n̄neé kāgə̄ gə̄ ō. Adə̄n̄ Sidon gə̄ ō Tir gə̄ ō yá̰a̰ kəsa ō yá̰a̰ ka̰ȳ ō yibə̄ ō, kadə̄ ḭḭn̄neé aĺ kə kāgə̄ sédər dɔ nang kə́ Liban tə́ dɔ bā bo tə́ reēn̄neé Japa. Nin̄ rāān̄ yá̰a̰ i kə gō ń Sirus mban̄g kə́ Persə adə̄ńdə́ ta róbə́ ní.

PĀ GƏ̄ 107:23

Ngé kə́rēý gə̄ aw̄n̄ dɔ bā bo tə́ kə to bo gēé, a rāān̄ kəla yādə́ i dɔ man̄ kə́ bo ngá̰ý gə̄ tə́.

JEREMI 10:9

Ɓesə̄ gə̄ ní i njár̄ gində̄ arjā̰a̰ kə́ hɔɔ́lɔ̄ kə́ ḭḭn̄neé Tarsis ō, i lɔ́ŕ kə́ Upajə ō ń nge tɔ́ĺ yá̰a̰ ō, nge nōō yá̰a̰ ō rāān̄ ní. Əlan̄ kūbə̄ kə́ kərē gusə gusə ō, kərē bḭḭ ō rɔ̄də́ tə́. Nin̄ malang i yá̰a̰ gə̄ ń de kə́ jīdə́ ger̄ yá̰a̰ gə̄ rāān̄ ní.

JONAS 1:10

Gō tə́ anī, ni-ənīdə́ gotə najə̄ yān. Ɓōĺ rāā ngé rāā kəla kem to boó gə̄ ngá̰ý adə̄ ədan̄ Jonas na: I rí kə́ beē n ī-rāā toó! Tām̄ ngɔlaā nin̄ gerə̄n̄ kadə̄ Jonas a a̰ȳ i Kɔ́ɔ̄ɓē yā kaw̄ sa̰y. Nin̄ dəjenən̄ najə̄ ədan̄ na:

2 YÁ̰A̰ GƏ̄ 2:15

J-a j-aw̄ yā tə́gā kāgə̄ malang ń kemií gḛy ní dɔ mbal̄ Liban tə́ yā kəlań kadī. J-a j-ɔsə̄də́ ta naā tə́ kadə̄ laa, ba j-a jə-tó̰ō̰də́ ta naā tə́ kə kəlaá. J-a jə-ɓōkə́də́ dɔ bā bo tə́ yā kaw̄ń bátə́ Japa kadī. Ba ḭ̄ ā ɔ́ýdə́ noō yā kaw̄ń Jerusalem.

2 YÁ̰A̰ GƏ̄ 9:21

Tɔdɔ̄ mban̄g aw̄ kə to bo gə̄ kə́ a əlań Tarsis kə ngé kəla gə̄ yā Hiram. Kə dɔ ɓāl̄ kə́ nge ko̰ mətá gə̄ malang ń noō to bo gə̄ ní a tél reēn̄ kə lɔ́r ō, kə gində̄ arjā̰a̰ ō, kə ngān̄g dā̰á̰ ō, kə ɓetə̄ gēé ō, kə yel̄ pá̰a̰ gēé ō adə̄nən̄.

EJEKIEL 2:8

Ba ḭ̄ Ngōn̄ deē ndul, ī-lōō rāā dɔ ngan̄g tītə̄ yādə́, banī ōō yá̰á̰ ń m-ā m-ə́daī ní. Ī-teē taí ba ə́sá yá̰á̰ ń m-ā m-ādī ní.