JONAS 1:2 - Bibəl ta Sar̄

² Ḭ́ḭ dɔɔ́ āw̄ ɓē bo kə́ Ninibə tə́. Ə́la ɓōĺ kem de kə́ kemeé gə̄ tə́ kə najə̄ ń toō: Yá̰a̰ rāāsí kə́ majaĺ gə̄ ní, Kɔ́ɔ̄ɓē a̰ā̰ asən kɔ̄ɔ́.

Bible sar

² Ḭ́ḭ dɔɔ́ āw̄ ɓē bo kə́ Ninibə tə́. Ə́la ɓōĺ kem de kə́ kemeé gə̄ tə́ kə najə̄ ń toō: Yá̰a̰ rāāsí kə́ majaĺ gə̄ ní, Kɔ́ɔ̄ɓē a̰ā̰ asən kɔ̄ɔ́.

JONAS 1:2 Referans Kwoze

TA KƏLA 10:11

Nemrod əya̰ dɔ nang ngeé ń noō kɔ̄ɔ́, ba aw̄ ndi dɔ nang kə́ Asiri tə́. I ni n rāā ɓē kə́ Ninibə ō, kə́ Rehobot Hir ō, kə́ Kala ō ní.

NAHUM 1:1

Najə̄ kə́ dɔ ɓē kə́ Ninibə tə́ i kem makətūbə̄ ń toō tə́. Nə́ɓā ɔjə Nahum nge koō ta kə́ kem ɓē kə́ Elkos tə́ adə̄ ger̄, i kə ta kūl̄ yá̰á̰ kə́ Nahum a̰ā̰.

JONAS 4:11

Ba ɓē kə́ Ninibə ń de kə́ kemeé gə̄ kə́ mānə̄n̄ 120 000 ń noō, gerə̄n̄ yá̰á̰ kə́ majə tām̄ yādə́ tə́ aĺ ō, dā̰ gə̄ i ngá̰ý kemeé ō ní, kə mā kə kumḿ kə o̰o̰m̄ tām̄ yān tə́ aĺ a?

JONAS 3:2

Ḭ́ḭ dɔɔ́ āw̄ ɓē bo kə́ Ninibə tə́. Ə́dan najə̄ ń m-ə̄ndā taí tə́ ní.

IJAI 58:1

Kɔ́ɔ̄ɓē əda na: Ī-teē ngaāí ngá̰ý ə́gań kɔŕ! Ī-lōō kəhɔ rɔ̄í! Ī-rāā ndūí ādə̄ ɓār̄ tītə̄ bərúnjə beé! Ɔ́jə́ gír deē yāḿ gə̄ yá̰a̰ rāādə́ kə́ gōtə́ aĺ gə̄, ɔ́jə kojə yā Jakob gə̄ majaĺ yādə́ gə̄.

JEJU TEĒ KUM JA̰A̰ 18:5

Tɔdɔ̄ yá̰a̰ rāān kə́ majaĺ gə̄ ugə̄ dɔ rā̰ tə́ ō, əga kem Nə́ɓā dɔ yá̰a̰ rāān kə́ gōtə́ aĺ gə̄ tə́ ō.

2 MBAN̄G 19:36

Loo ń noō tə́ Senakerib mban̄g kə́ Asiri ndɔ̄tə́ kə gérger yānneé. Ni-tél dɔ tə́ aw̄ ndi gogə́ Ninibə.

MISE 3:8

Ba mā ɓáa, kə ta kūl̄ ndíĺ Kɔ́ɔ̄ɓēé ní, tɔ́gə́ḿ i ngá̰ý ō, m̄-ger̄ yá̰á̰ kə́ gōtə́ ō, m-ə́hɔ rɔ̄ḿ tɔgə ngá̰ý ō. Adə̄ de gə̄ kə́ kem kojə yā Jakob tə́, ń i gír de gə̄ yā Israel ní, m-ásə kɔjədə́ kəsō wōn̄g yādə́ ō, mān̄ dɔ ndū najə̄ yādə́ ō, kadə̄ gerə̄n̄.

EJEKIEL 2:7

Sɔɔ̄ń dɔ ngan̄g yādə́ ní, ká nin̄ oōn̄ najə̄ yāí aáā, oōn̄ najə̄ yāí aĺ aáā, yá̰á̰ ń m-ā m-ə́daī ní, ə́dádə́.

ESDRAS 9:6

ba m-ə́dan na: Nə́ɓā yāḿ, rɔ̄ḿ sɔlə̄m̄ ngá̰ý ō, yá̰a̰ əla jīḿ mbāḿ tə́ ō, adə̄ m-ásə kɔr̄ dɔḿ dɔɔ́ ka̰a̰ń loo kum kə̄ rɔ̄í tə́ alé. Tɔdɔ̄ yá̰á̰ kə́ gōtə́ aĺ gə̄ ń jə-rāā ní i ngá̰ý al̄ naā adə̄ tɔȳ dɔjí ō, majaĺ yājí aw̄ bátə́ ugə̄ dɔ rā̰ tə́ ō.

JAKƏ 5:4

Á̰a̰ī, ngé kəla gə̄ əjan̄ kōō kə́ kem ndɔr̄ yāsí gə̄ tə́, banī sḭḭ̄ ɔ̄gīdə́ nar tətōdə́, adə̄ nar ní əga kɔŕ! Ba nōō rɔ̄ yā ngé kəja kōō gə̄ ní əsō mbī Kɔ́ɔ̄ɓē kə́ bo kə́ tɔ́gən i ngá̰ý tə́.

MATIYE 10:18

A aw̄n̄ sesí rɔ̄ ngé ko̰o̰ ɓē gə̄ tə́ ō, rɔ̄ mban̄g gə̄ tə́ ō, najə̄ yāḿ mā tə́, kadə̄ ā ɔ̄rī najə̄ kə́ kum tə́ ādīdə́ ō, ādī nápar de kə́ rang gə̄ ō.

MATIYE 12:41

Ndɔ̄ sarya tə́ anī, de kə́ Ninibə gə̄ a ḭḭn̄ yā gān̄g sarya dɔ de kə́ ngɔlaā gə̄ tə́. Tɔdɔ̄ dan ń Jonas ɔjə najə̄ ní Ninibə gə̄ tūrə̄n̄ háĺdə́. Ba kə́ tɔȳ Jonas i laā.

IJAI 37:37

Anī Senakerib mban̄g kə́ Asiri adə̄ de gə̄ tútən̄ kújə tandā gə̄ kɔ̄ɔ́. Ni-tél aw̄ gogə́ Ninibə ō, ndi kem ɓē ngeé ń noō tə́ ō.

JEREMI 20:9

Ba ré m-ə́da na m-ā m̄-gír̄ dɔ tə́ to̰ aĺ ō, m̄-rāā rɔ̄ḿ i kújə dəngáý tə́ tām̄ yā najə̄ ní tə́. M-ə́hɔ rɔ̄ḿ tɔgə yā kɔgə̄n teē ndágá tā ba tɔ́gə́ḿ asə alé.

OJEE 7:2

Banī nin̄ gírə̄n̄ yá̰á̰ ń toō alé: Yá̰á̰ kə́ majaĺ gə̄ malang ń nin̄ rāān̄ ní, əga kemḿ dɔ tə́. Ngɔlaā ní, yá̰a̰ rāādə́ gə̄ gīr̄ gidədə́ əla ta naā tə́. M-á̰á̰də́ ta kumḿ tə́ ngándáńg.

JONAS 3:3

Anī Jonas ḭḭ dɔɔ́. Ni-aw̄ tā, ba kə́ ɓōó ń toō ɓáa, aw̄ i Ninibə, tītə̄ ń Kɔ́ɔ̄ɓē mēr̄nəń ní. Ninibə i ɓē bo kógə̄ḿ kə́ bo to ɓōĺ ngá̰ý. Deē a njə̄rā i ndɔ̄ mətá tá a ənda kemən a ngān̄g.

2 YÁ̰A̰ GƏ̄ 28:9

Nge koō ta yā Kɔ́ɔ̄ɓē kógə̄ḿ ndi Samari noó, rīn na i Oded. Ni teē tə́nī ta ngé rɔ̄ɔ̄ kə́ Israel tə́ gə̄ ń tél a reēn̄ kə̄ ɓēé ní ba ədadə́ na: Wōn̄g rāā Kɔ́ɔ̄ɓē Nə́ɓā yā kaasí gə̄ kə Juda gēé adə̄ əladə́ kem jīsí tə́. Banī wōn̄g ń rāāsí á ī-tɔ̄līineé de kə́rēý gə̄ dandə́ tə́ ní to ɓōĺ ngá̰ý adə̄ aw̄ bátə́ ugə̄ dɔ rā̰ tə́.

NAHUM 3:19

Rɔ̄ɔ̄ ń tetiī ní i kə́ njɔ́ḿ gə̄ tə́ ō, do gə̄ ń ə́ngé ní, a asən̄ kedə̄ aĺ ō. De gə̄ malang ń oōn̄ kōōí ní, əndan̄ jīdə́ gíŕ yá̰á̰ kə́ to kum kaȳ aĺ ń teē dɔí tə́ ní. Tām̄ i náā n a̰a̰ tápə̄ najə̄ yá̰a̰ rāāí gə̄ kə́ kumií o̰o̰ī loo rāā tə́ aĺ alé ní? Yá̰a̰ rāāí gə̄ ní, loo dəba tadə́ gətóo!