JONAS 1:14 - Bibəl ta Sar̄

¹⁴ Nin̄-ndɔ̄ȳn̄ Kɔ́ɔ̄ɓē ədan̄ na: Ɓɔ́ Kɔ́ɔ̄ɓē, ī-lōō rāājí kadə̄ j-oy najə̄ yā deē ń toō tə́! Tá de kə́ najə̄ gətóo dɔn tə́ ní, ī-lōō kəndā najə̄ yon dɔjí tə́ ō. Tɔdɔ̄ i ḭ̄ Kɔ́ɔ̄ɓē n ī-rāā yá̰á̰ ń kemií ndigə ní.

Bible sar

¹⁴ Nin̄-ndɔ̄ȳn̄ Kɔ́ɔ̄ɓē ədan̄ na: Ɓɔ́ Kɔ́ɔ̄ɓē, ī-lōō rāājí kadə̄ j-oy najə̄ yā deē ń toō tə́! Tá de kə́ najə̄ gətóo dɔn tə́ ní, ī-lōō kəndā najə̄ yon dɔjí tə́ ō. Tɔdɔ̄ i ḭ̄ Kɔ́ɔ̄ɓē n ī-rāā yá̰á̰ ń kemií ndigə ní.

JONAS 1:14 Referans Kwoze

PĀ GƏ̄ 115:3

Nə́ɓā yājí i dɔ rā̰ tə́. Yá̰a̰ malang ń ni ndigə rāā ní ni-rāā.

PĀ GƏ̄ 135:6

Yá̰a̰ malang ń Kɔ́ɔ̄ɓē ndigə ní, ni-rāā, dɔ rā̰ tə́ ō, dɔ nang tə́ ō, kum bā bo gə̄ tə́ ō, kem bəlo loo gə̄ kə́ kum bā bo gə̄ tə́ malang ō.

NDŪ NAJƏ̄ 21:8

Kɔ́ɔ̄ɓē, ī-mā̰ȳ rɔ̄í dɔ gír de gə̄ ń ī-gān̄g dɔdə́ tə́ ní. Ī-lōō kəndā najə̄ yo de kə́ kanjə̄ najə̄ dɔn tə́ dɔ Israel tə́. Loo ń noō tə́ Nə́ɓā a mā̰ȳ rɔ̄n dɔdə́ tə́.

EPEJƏ 1:11

J-əngeī yá̰á̰ ń Nə́ɓā ənī míndən yā kadə̄jí ní, i kə ta kūl̄ ɓoo kə́ jə-ɓooī naā kə Kərist. Tām̄ Nə́ɓā gə̄rājí kété i kə gō ń ni-núməń ní. Ba ni a rāā yá̰a̰ malang i tītə̄ ń ni-gḛyń ní.

PĀ GƏ̄ 107:28

Nin̄ nōōn̄ kə̄ dɔ Kɔ́ɔ̄ɓē tə́ dan ń wur kɔl əsōń dɔdə́ ní tə́, anī ni-ɔr̄də́ kɔ̄ɔ́ kem sōl̄ yādə́ gə̄ tə́.

MATIYE 11:26

A̰á̰ā̰, Bɔbə́ḿ, i tītə̄ ń noō tɔdɔ̄ i nge ń noō n á̰a̰ kadə̄ i yá̰á̰ kə́ nel̄ kemií ní.

JONAS 1:16

Gō tə́ anī, de gə̄ ní ɓōlə́n̄ ndíĺ Kɔ́ɔ̄ɓē ngá̰ý. Nin̄-tunə̄n̄ yá̰a̰ adə̄nən̄ ō, túbən̄ ənīn̄ ndūdə́ adə̄nən̄ ō.

JONAS 1:5

Ɓōĺ rāā ngé rāā kəla kem toó gə̄, adə̄ nin̄ kógə̄ḿ kógə̄ḿ ní, náā nəkɔ́ ɓáa a əga i kɔŕ kə̄ dɔ nə́ɓā yān tə́. Nin̄ ɔyn̄ yá̰a̰ malang kə́ kem toó ɓōkə́n̄ kɔ̄ɔ́ kum bā tə́, yā kadə̄ to hɔɔ́lɔń. Dan ngeé ń noō tə́ ní, Jonas risə aw̄ gə́le to bo tə́ aké to a ɓīī kə́ gōn əsō kɔ̄ɔ́.

EPEJƏ 1:9

I tītə̄ ń noō n ni-rāā adə̄ kumjí teē dɔ yá̰á̰ kə́ yáā ń kem majə yān sāā rāā tə́, adə̄ i yá̰á̰ ń ni núm̄ rāā kə ta kūl̄ Kərist,

KƏLA RĀĀ 28:4

Dan ń kɔ́ɔ̄ ɓē gə̄ a̰a̰n̄ kadə̄ lī ní naā jī Pol tə́ linding anī, ədan̄ naā dɔ dáńdə́ tə́ na: Deē ń toō i de kə́ nge tɔ̄l̄ de gə̄ gáŕ, tām̄ ni teē ta yo kə́ maná tə́, banī ɓesə̄ Yá̰á̰ kə́ Gō tə́ ndigə kadə̄ ni ndi kə kumneé alé.

IJAI 26:16

Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

TA KƏLA 9:6

Deē ń ɓōkə́ mósə deē nang tə́ ní, gáŕ kadə̄ i deē n a ɓōkə́ mósə deē ń noō nang tə́ ō ní, tɔdɔ̄ Nə́ɓā əndā deē adə̄ teēn.

JONAS 1:13

Ngé rāā kəla kem too boó gə̄ nēlə̄n̄ too yā kaw̄ń ta gógə́ tə́, banī nin̄ asən̄ alé. Bəngál man̄ a ḭḭ i kum kə̄ kété kété.

JONAS 3:8

Majə kadə̄ de gə̄ malang o̰ō̰n̄ kūbə̄ kəhɔ ndoō, de gə̄ ō, dā̰ gə̄ ō! Majə kadə̄ de gə̄ kógə̄ḿ kógə̄ḿ əgan̄ kɔŕ kə̄ dɔ Nə́ɓā tə́ kə tɔ́gə́də́ gēé malang. Majə kadə̄ de gə̄ kógə̄ḿ kógə̄ḿ əya̰n̄ háĺdə́ kə́ majaĺ kɔ̄ɔ́ ō, dəban̄ ta yá̰á̰ kə́ rāā kə dɔ́nɔ́ kɔ̄ɔ́ ō.