JONAS 1:12 - Bibəl ta Sar̄

¹² Jonas tél əda ngé rāā kəla kem to boó gə̄ na: Ún ə̄nīmī kum bā bo tə́. I tītə̄ ń noō tá bā bo a tél yā kəto jəke kə gō gidəsí. A̰á̰ā̰, m̄-ger̄ kadə̄ nél man̄ kə́ əla kə ngangá ngá̰ý ń toō a rɔ̄ɔ̄sí i najə̄ yāḿ mā tə́.

Bible sar

¹² Jonas tél əda ngé rāā kəla kem to boó gə̄ na: Ún ə̄nīmī kum bā bo tə́. I tītə̄ ń noō tá bā bo a tél yā kəto jəke kə gō gidəsí. A̰á̰ā̰, m̄-ger̄ kadə̄ nél man̄ kə́ əla kə ngangá ngá̰ý ń toō a rɔ̄ɔ̄sí i najə̄ yāḿ mā tə́.

JONAS 1:12 Referans Kwoze

2 SAMUEL 24:17

Dan ń Dabid a̰a̰ de kə́ dɔ rā̰ tə́ loo tɔ̄l̄ de gə̄ tə́ anī, əda Kɔ́ɔ̄ɓē na i ni Dabid n n-mān̄ dɔ ndū najə̄ yā Nə́ɓā ō, n-rāā yá̰á̰ kə́ gōtə́ aĺ ō ní, ba ké batə̄ gə̄ ń noō ké rāān̄ yādə́ i rí wa. Ní kadə̄ kə Kɔ́ɔ̄ɓē kə rāān nəkɔ́ ō, gír kojə yān ō, yá̰á̰ kə́ tōr̄.

1 YÁ̰A̰ GƏ̄ 21:17

Dabid əda Nə́ɓā na: I mā n m̄-mēr̄ tə́da kutə ngán Israel gə̄ ní aĺ a? I mā n m̄-mān̄ dɔ ndū Nə́ɓā á m̄-rāā yá̰á̰ kə́ majaĺ ní! Ba batə̄ gə̄ ń noō rāān̄ i rí? Kɔ́ɔ̄ɓē Nə́ɓā yāḿ, ə́ndam̄ mā ō, gír kojə yāḿ ō, ba ī-lōō rāā gír deē yāí gə̄ yá̰á̰ kə́ tōr̄!

JOJUE 7:12

Adə̄ a asən̄ dum̄ ta madə̄ ba̰ā̰də́ gə̄ alé. A aȳn̄ naā no madə̄ ba̰ā̰də́ gə̄ tə́ tām̄ télən̄ de kə́ bāān̄ dɔdə́ kɔ̄ɔ́ gə̄. Adə̄ yá̰á̰ kə́ bāā dɔ gə̄ ń ton̄ dɔ dáńsí tə́ ní ré ɔ́y ī-teēiń kɔ̄ɔ́ aĺ anī m-ā m-ɔ̄r̄ rɔ̄ḿ kɔ̄ɔ́ rɔ̄sí tə́

KƏLA RĀĀ 27:24

ba ədam̄ na: Pol ī-lōō ɓōĺ, tɔdɔ̄ i gáŕ kadə̄ ā ī-ra no Sejar tə́ ō, de gə̄ malang ń nin̄ i seí kem toó ní, Nə́ɓā adī sedə́ ō.

JA̰A̰ 11:50

Kə́ só tə́ yāsí i kadə̄ deē kógə̄ḿ oy tām̄ yā gotə de gə̄ tə́, ba kadə̄ de gə̄ malang nujəń aĺ ní, ī-gerī aĺ a?

KOHELET 9:18

Kum kedə̄ i só tə́ tɔȳ yá̰a̰ rɔ̄ɔ̄ gə̄, banī nge rāā majaĺ kə́ kógə̄ḿ beē nujə yá̰á̰ kə́ majə gə̄ ngá̰ý.

JONAS 1:11

Yá̰á̰ ń kadə̄ jə-rāā seí tá yā kadə̄ bā bo tél a toń jəke kə gō gidəjí ní i rí? Tām̄ bəngál man̄ a ḭḭ i mbée kum kə̄ kété kété.

JONAS 1:13

Ngé rāā kəla kem too boó gə̄ nēlə̄n̄ too yā kaw̄ń ta gógə́ tə́, banī nin̄ asən̄ alé. Bəngál man̄ a ḭḭ i kum kə̄ kété kété.

Makətūbə̄ yā Job 35:8

Kem ndul yāí a ɔdə i rɔ̄ deē madí gə̄ ō, i nin̄ n yá̰a̰ rāā kə́ gōtə́ yāí a rāā majə sedə́ ō ní.