JOJUE 9:9 - Bibəl ta Sar̄

⁹ Nin̄ tél ədan̄ na: Ɓer̄ yāí gə̄ ḭḭn̄ i dɔ nang kə́ sa̰y tə́ n reēn̄ ní tām̄ oōn̄ lūlū Kɔ́ɔ̄ɓē Nə́ɓā yāí, j-oō yá̰a̰ malang kə́ kɔrkum gə̄ ń ni-rāā dɔ nang kə́ Ejiptə tə́ ní ō,

Bible sar

⁹ Nin̄ tél ədan̄ na: Ɓer̄ yāí gə̄ ḭḭn̄ i dɔ nang kə́ sa̰y tə́ n reēn̄ ní tām̄ oōn̄ lūlū Kɔ́ɔ̄ɓē Nə́ɓā yāí, j-oō yá̰a̰ malang kə́ kɔrkum gə̄ ń ni-rāā dɔ nang kə́ Ejiptə tə́ ní ō,

JOJUE 9:9 Referans Kwoze

JOJUE 9:24

De kə́ Gabaon gə̄ tūr̄ ədan̄ Jojue na: J-oō kadə̄ Kɔ́ɔ̄ɓē Nə́ɓā yāí mēr̄ nge kəla yān Moijə kadə̄sí dɔ nang ń toō malang ō, mēr̄ tɔ̄l̄ de kə́ tū tə́ gə̄ kɔ̄ɔ́ malang nosí tə́ ō. I yá̰á̰ ń nuū n jə-ɓōĺsí ngá̰ý á rāań yá̰a̰ beé ní.

NDŪ NAJƏ̄ 20:15

Yá̰á̰ ń ā ī-rāā kə ɓē kə́ sa̰y gə̄ ń i ɓē gə̄ yā nápar de gə̄ ń ā ī-ndiī tū tə́ aĺ tə́ ní n noó.

IJAI 66:19

M-ā m-ə̄ndā yá̰á̰ kógə̄ḿ dandə́ tə́ yā kɔjəń yá̰a̰. Ngé gə̄ ń a teēn̄ ta yo tə́ gō sarya gāngə̄ḿ tə́ ní, m-ā m-ə́ládə́ kə̄ rɔ̄ nápar de gə̄ kə́ Tarsis tə́ ō, Pul tə́ ō, Lud tə́ ō, nin̄ gə̄ ń noō ń i de gə̄ kə́ gerə̄n̄ kur gərā ngá̰ý ní. M-ā m-ə́ládə́ kə̄ rɔ̄ de gə̄ kə́ Tubal tə́ ō, Yaban tə́ ō, m-ā m-ə́ládə́ sa̰y kə̄ dɔ dor̄ gə̄ tə́ ō, loo ń deē oō najə̄ yāḿ nja kógə̄ḿ tū tə́ aĺ tə́ ní, loo ń deē a̰a̰ kɔsə gɔn yāḿ nja kógə̄ḿ tū tə́ aĺ tə́ ní. Adə̄ nin̄ a rāān̄ kadə̄ nápar de gə̄ ń noō gerə̄n̄ kɔsə gɔn yāḿ.

IJAI 55:5

Israel, ā ī-ɓāŕ nápar de gə̄ kə́ ī-ger̄də́ aĺ gə̄ ō, nápar de gə̄ ń toō ń nin̄ gerīn̄ aĺ ní, a reēn̄ láẃ kə̄ rɔ̄í tə́. Nin̄ a reēn̄ i najə̄ yāḿ mā Kɔ́ɔ̄ɓē Nə́ɓā yāí tə́, Nə́ɓā kə́ táĺ yā Israel, ni ń ndigə rɔyī ní.

PĀ GƏ̄ 148:13

Ī-tɔ̄yī rī Kɔ́ɔ̄ɓē, tɔdɔ̄ i rīn ni ngóy kə kérneé n bo ní. Kɔsə gɔn yān taā loo dɔ nang tə́ ō dɔ rā̰ tə́ ō.

PĀ GƏ̄ 83:18

Ādə̄ ɓōĺ rāādə́ ngándáńg ō, rɔ̄də́ sɔl̄də́ ngándáńg ō, ādə̄ yá̰á̰ ń əndān̄ kemdə́ dɔ tə́ ní əngen̄ aĺ ō, ādə̄ tɔ́gə́də́ gətóo ō!

PĀ GƏ̄ 72:19

ādə̄ tɔ̄ȳn̄ Nə́ɓā kə́ nge rī ɓār̄ ngándáńg! ādə̄ kɔsə gɔn yān taā loo malang dɔ nang tə́! Adə̄ i tītə̄ ń noō, adə̄ i tītə̄ ń noō!

NEHEMI 9:5

Gō tə́ anī Yesua ō Kadəmiel ō Banī ō Hasabəneya ō Serebia ō Hodia ō Sebania ō Petahia ō ń i ngán Lebi gə̄ ní ədan̄ na: Ḭ́ḭī dɔɔ́ ɔ́siī gɔn Kɔ́ɔ̄ɓē Nə́ɓā yāsí! Əlan̄ gír kɔsə gɔnən i jóó ngá̰ý ō, a to i ta kaw̄ jóo ō! Kɔ́ɔ̄ɓē, ādə̄ de gə̄ ədan̄ rīí kə́ majə! Rīí to kɔsə gɔn ō, bo tɔȳ najə̄ kə́ majə gə̄ malang ń de gə̄ asən̄ kəda d ɔ tə́ ní ō,

1 MBAN̄G GƏ̄ 8:41

Ré tə̄rā ń i Israel alé, adə̄ i de kə́ dan gír deē yāí gə̄ tə́ aĺ ní, ḭḭ dɔ nang kə́ sa̰y tə́ reē najə̄ rīí tə́,

TƏ́DA 14:15

Adə̄ ré ī-tɔ̄l̄ gír de gə̄ ń toō gidə kógə̄ḿ anī, gír de gə̄ ń oōń kōō yá̰a̰ malang ń ī-rāā ní a ədan̄ na,

Teē Ngán Israel gə̄ 15:14

Gír de gə̄ ń nin̄ i madə̄ ɓēdə́ gə̄ ní oōn̄ anī ndewn̄. Kə̄ngā sāā gān̄g Pilistin gə̄ ō,

Teē Ngán Israel gə̄ 9:16

Banī n-əya̰ī ādə̄ ī-ndi kə kumií i yā kadə̄ n-ɔjiīń tɔ́gən ō, kadə̄ rīn ɓārəń dɔ nang tə́ laā malang ō.

KƏLA RĀĀ 8:7

Ndíĺ kə́ yḛr gə̄ ngá̰ý teēn̄ kɔ̄ɔ́ kə kɔŕ kə́ ngá̰ý kem de gə̄ ń nin̄ i kemdə́ tə́ ní ō, rɔ̄ ngé lígə̄rī gə̄ kə ngé tə́sō motə gə̄ ngá̰ý tél ngan̄g májə́ májə́ gogə́ ō.

TƏ́DA 20:14

Moijə ndi Kades ba əla de gə̄ rɔ̄ mban̄g kə́ Edom tə́ kadə̄ ədanən̄ na: Najə̄ kɔr̄ ngōkó̰ó̰í Israel n toó: Yá̰á̰ kə́ tōr̄ gə̄ ń rāān̄jí ní, ḭ̄ ī-ger̄ malang.

JOJUE 9:10

yá̰á̰ ń ni-rāā kə mban̄g yā Amor gə̄ kə́ jōó gə̄ ń ndin̄ gidə bā Jurdḛ kə́ dām̄ kə́ nú tə́ ní, adə̄ i yá̰á̰ ń ni-rāā kə Sihon mban̄g kə́ Hesəbon ní ō, kə Og mban̄g kə́ Basan ń ndi Asətarot ní ō.

JOJUE 9:16

Gō ndūdə́ ń ənīn̄ tə́ ní, rāā ndɔ̄ mətá anī, ngán Israel gə̄ oōn̄ kadə̄ de gə̄ ní i madə̄ ɓēdə́ gə̄ ndin̄ i ngɔr rɔ̄də́ tə́.

JOJUE 9:17

Ngán Israel gə̄ əsōn̄ róbó, ba kə ndɔ̄ kə nge ko̰ mətá anī teēn̄ ɓē gə̄ ń de gə̄ ní ndin̄ kemeé tə́ ní. Rī ɓē gə̄ ní na i Gabaon ō, Kepira ō, Beerot ō, Kiryat Yearim ō.

NDŪ NAJƏ̄ 20:11

Ré de gə̄ ní ndigən̄ ba teēn̄ ta róbə adə̄nī anī, ə̄ndā gúu dɔdə́ tə́ ādə̄ rāān̄ kəla adə̄nī.

PĀ GƏ̄ 78:12

Kété ní Nə́ɓā rāā yá̰á̰ kə́ to kɔr kum gə̄ ta kum kaadə́ gə̄ tə́, dɔ nang kə́ Ejiptə tə́, gō nang kə́ Soan tə́.