JOJUE 9:27 - Bibəl ta Sar̄

²⁷ ba əndā kəla tə́gā kīr̄ ō, kuȳ man̄ ō, dɔdə́ tə́ kadə̄ rāān̄ kəla gə̄ ń nuū tām̄ yā ngán Israel gə̄ tə́ ō, loo tun̄ yá̰a̰ yā Kɔ́ɔ̄ɓē tə́ ō, loo ń Kɔ́ɔ̄ɓē a gə̄rā tə́ ní. Ɓōólaā gə̄gē ngán kaadə́ gə̄ a rāān̄ kəla ń nuū laā ɓáý.

Bible sar

²⁷ ba əndā kəla tə́gā kīr̄ ō, kuȳ man̄ ō, dɔdə́ tə́ kadə̄ rāān̄ kəla gə̄ ń nuū tām̄ yā ngán *Israel gə̄ tə́ ō, *loo tun̄ yá̰a̰ yā Kɔ́ɔ̄ɓē tə́ ō, loo ń Kɔ́ɔ̄ɓē a gə̄rā tə́ ní. Ɓōólaā gə̄gē ngán kaadə́ gə̄ a rāān̄ kəla ń nuū laā ɓáý.

JOJUE 9:27 Referans Kwoze

NDŪ NAJƏ̄ 12:5

I loo ń Kɔ́ɔ̄ɓē Nə́ɓā yāsí a gə̄rā dɔ nang kə́ gír ɓē yāsí tə́ yā kəndā rīn dɔ tə́ ō, yā ndi tū tə́ ō ní ngóy n ā āwī tū tə́ yā ndɔ̄ȳn ní.

JOJUE 9:21

J-a j-əya̰īdə́ kadə̄ ndin̄ kə kumdə́, ba j-a j-əndāīdə́ ta kəla sāā kīr̄ tə́ ō, kɔdə man̄ tə́ ō, tām̄ yājí tə́. Yá̰á̰ ń ngāgəra dɔ ngán Israel gē ndigən̄ rāā ní n nuú.

JOJUE 9:26

Yá̰á̰ ń Jojue rāā sedə́ ní n toó: Ni ɔgə̄ ngán Israel gə̄ tɔ̄l̄də́,

TƏ́DA 31:28

De gə̄ ń aw̄n̄ ta rɔ̄ɔ̄ tə́ ní, ā ī-tīr̄ dɔ yá̰a̰ kənge kə́ ta rɔ̄ɔ̄ tə́ ń i kə́ yā kadə̄də́ ní: Ré ɓəlo yādə́ gə̄ i ɓú mí anī, ɔ̄r̄ kógə̄ḿ danaá tām̄ yā Kɔ́ɔ̄ɓē tə́ ō, ré man̄g yādə́ gə̄, aké kərō yādə́ gə̄, aké batə̄ yādə́ gə̄, aké bə̄yā̰ yādə́ gə̄ i ɓú mí anī, ā ɔ̄r̄ kógə̄ḿ danaá tām̄ yā Kɔ́ɔ̄ɓē tə́ ō.

TƏ́DA 31:30

Ba núsə́ yá̰a̰ kənge kə́ tām̄ yā gotə ngán Israel gə̄ tə́ ní, ré ɓəlo gə̄, aké man̄g gə̄ aké kərō gə̄, aké batə̄ gə̄, aké bə̄yā̰ gə̄, aké gotə dā̰ kə́ rang gə̄ i kutə mí anī, ā ɔ̄r̄ kógə̄ḿ kógə̄ḿ danaá tām̄ yā Kɔ́ɔ̄ɓē tə́, ba ā ī-téləń yā kadə̄ ngán Lebi gə̄ ń a rāān̄ kəla tām̄ yā kújə yā Kɔ́ɔ̄ɓē tə́ ní.

TƏ́DA 31:47

Núsə́ yá̰a̰ kənge kə́ tām̄ yā gotə ngán Israel gə̄ tə́ ní, ré de gə̄ i kutə mí anī, Moijə ɔr̄ dɔ kógə̄ḿ ō, ré dā̰ gə̄ i kutə mí anī, Moijə ɔr̄ dɔ kógə̄ḿ ō, ba téləń adə̄ ngán Lebi gə̄ ń i ngé rāā kəla kə́ tām̄ yā kújə yā Kɔ́ɔ̄ɓē tə́ ní, tītə̄ ń Kɔ́ɔ̄ɓē ədanəń ní.

NDŪ NAJƏ̄ 12:11

I loo ń Kɔ́ɔ̄ɓē Nə́ɓā yāsí a gə̄rā yā kəndā rīn dɔ tə́ ní n ā āwī kə yá̰a̰ malang ń m-ə̄ndā dɔsí tə́ kadə̄ ādī ní tū tə́ ní: Dā̰ yāsí gə̄ kə́ yā róō horoó kə taá malang ō, kə́ yā tun̄ tām̄ yā kem kógə̄ḿ ō, dɔ yá̰a̰ yāsí kə́ nge ko̰ kutə kə́ ɔ̄rī ō, yá̰a̰ yāsí gə̄ ń ā ādī kə gō kem ndigə yāsí ní ō, yá̰a̰ malang ń ā ī-gə̄rāī yā kadə̄ Kɔ́ɔ̄ɓē kadə̄ karī tə́ tām̄ ndūsí kə́ ə̄nīī tə́ ō ní, ā āwīneé i loo ngeé ń noō tə́.

NDŪ NAJƏ̄ 12:14

Ā ī-róōī dā̰ yāsí gə̄ i loo ń Kɔ́ɔ̄ɓē a gə̄rā dɔ nang kə́ gír ɓē yāsí tə́ ní ngóy. Yá̰a̰ malang ń m-ə́dásí kadə̄ ī-rāāī ní, ā ī-rāāī i loo ń noō tə́.

2 YÁ̰A̰ GƏ̄ 2:16

Salomo̰ ɔy de kə́ dəngam gə̄ malang kə́ tə̄rā gə̄ ń ndin̄ dɔ nang kə́ Israel tə́ ní, kə gō kutədə́ ń bɔbə̄n Dabid tə́dańdə́ ní. Kutədə́ malang i deē 153 600.