JOJUE 9:24 - Bibəl ta Sar̄

²⁴ De kə́ Gabaon gə̄ tūr̄ ədan̄ Jojue na: J-oō kadə̄ Kɔ́ɔ̄ɓē Nə́ɓā yāí mēr̄ nge kəla yān Moijə kadə̄sí dɔ nang ń toō malang ō, mēr̄ tɔ̄l̄ de kə́ tū tə́ gə̄ kɔ̄ɔ́ malang nosí tə́ ō. I yá̰á̰ ń nuū n jə-ɓōĺsí ngá̰ý á rāań yá̰a̰ beé ní.

Bible sar

²⁴ De kə́ Gabaon gə̄ tūr̄ ədan̄ Jojue na: J-oō kadə̄ Kɔ́ɔ̄ɓē Nə́ɓā yāí mēr̄ nge kəla yān Moijə kadə̄sí dɔ nang ń toō malang ō, mēr̄ tɔ̄l̄ de kə́ tū tə́ gə̄ kɔ̄ɔ́ malang nosí tə́ ō. I yá̰á̰ ń nuū n jə-ɓōĺsí ngá̰ý á rāań yá̰a̰ beé ní.

JOJUE 9:24 Referans Kwoze

MATIYE 10:28

Ī-lōōī ɓōĺ ngé gə̄ ń asən̄ tɔ̄l̄ dā̰ rɔ̄ deē ba asən̄ tɔ̄l̄ ndíl deē aĺ ní. Deē ń kadə̄ ī-ɓōĺniī ní i Nə́ɓā ń asə rāā kadə̄ dā̰ rɔ̄ deē ō, ndíl deē ō, udə kum hor Gehen tə́ ní.

Makətūbə̄ yā Job 2:4

Banī nge sekə́ de gə̄ tél əda Kɔ́ɔ̄ɓē na: Yá̰a̰ malang ń deē ənge ní, a adə̄ yā kajəń rɔ̄n.

JOJUE 9:9

Nin̄ tél ədan̄ na: Ɓer̄ yāí gə̄ ḭḭn̄ i dɔ nang kə́ sa̰y tə́ n reēn̄ ní tām̄ oōn̄ lūlū Kɔ́ɔ̄ɓē Nə́ɓā yāí, j-oō yá̰a̰ malang kə́ kɔrkum gə̄ ń ni-rāā dɔ nang kə́ Ejiptə tə́ ní ō,

JOJUE 2:9

Ni-ədadə́ na: m̄-ger̄ kadə̄ Kɔ́ɔ̄ɓē adə̄sí dɔ nang yājí ō, jə-ɓōl̄sí ngá̰ý ō, de gə̄ malang kə́ kem ɓēé ní kemdə́ gān̄g man̄ najə̄ yāsí tə́ ō.

JOJUE 2:11

Adə̄ dan ń j-oō beé ní, kemjí gān̄g man̄ kɔ̄ɔ́ ō, tɔ́gə́jí ur̄ wak nosí tə́ ō, tɔdɔ̄ Kɔ́ɔ̄ɓē Nə́ɓā yāsí i Nə́ɓā dɔ rā̰ tə́ dɔɔ́ ō, dɔ nang tə́ laā ō.

JOJUE 6:21

Nin̄ bāān̄ dɔ de kə́ kemeé gə̄ malang tɔ̄ləndə́ kə kaskaraá dəngam gə̄, kə dəyá̰ gə̄, kə ngán gə̄, kə de kə́ tɔgə gə̄, tɔ̄lə̄n̄ man̄g kə́ bəra gə̄ ō, batə̄ gə̄ ō, kərō gə̄ ō.

JOJUE 10:2

Dan ń de kə́ Jerusalem gə̄ oōn̄ najə̄ ń nuū ní, ɓōĺ asədə́ nk, tɔdɔ̄ Gabaon i ɓē kə́ bo tītə̄ ɓē ndi mban̄g beé ō, bo tɔȳ ɓē kə́ Ai ō, de kə́ kemeé gə̄ i go̰ rɔ̄ɔ̄ gə̄ malang ō.