JOJUE 9:21 - Bibəl ta Sar̄

²¹ J-a j-əya̰īdə́ kadə̄ ndin̄ kə kumdə́, ba j-a j-əndāīdə́ ta kəla sāā kīr̄ tə́ ō, kɔdə man̄ tə́ ō, tām̄ yājí tə́. Yá̰á̰ ń ngāgəra dɔ ngán Israel gē ndigən̄ rāā ní n nuú.

Bible sar

²¹ J-a j-əya̰īdə́ kadə̄ ndin̄ kə kumdə́, ba j-a j-əndāīdə́ ta kəla sāā kīr̄ tə́ ō, kɔdə man̄ tə́ ō, tām̄ yājí tə́. Yá̰á̰ ń ngāgəra dɔ ngán *Israel gē ndigən̄ rāā ní n nuú.

JOJUE 9:21 Referans Kwoze

NDŪ NAJƏ̄ 29:11

Ī-raī laā ɓōólaā i yā kəhɔ madə̄ naā kə́ kə kənī ndūú danaá kə Kɔ́ɔ̄ɓē Nə́ɓā yāsí. Ni-əhɔ madə̄ naā ní sesí ɓōólaā.

JOJUE 9:27

ba əndā kəla tə́gā kīr̄ ō, kuȳ man̄ ō, dɔdə́ tə́ kadə̄ rāān̄ kəla gə̄ ń nuū tām̄ yā ngán Israel gə̄ tə́ ō, loo tun̄ yá̰a̰ yā Kɔ́ɔ̄ɓē tə́ ō, loo ń Kɔ́ɔ̄ɓē a gə̄rā tə́ ní. Ɓōólaā gə̄gē ngán kaadə́ gə̄ a rāān̄ kəla ń nuū laā ɓáý.

JOJUE 9:23

Ngɔlaā ní ndɔ̄ĺ i dɔsí tə́ ō, sḭḭ̄ malang i ɓer̄ gə̄ kə́ gír a gān̄g dɔsí tə́ aĺ ō, ā ī-nárī kīr̄ ō, ā ūyī man̄ ō, tām̄ yā kújə yā Nə́ɓā yāḿ tə́.

JOJUE 9:15

Jojue ənī ndūn adə̄də́ əhɔń madə̄ naā sedə́ tām̄ yā lɔm tə́. Madə̄ naā ní ɔjə kadə̄ ni a əya̰də́ kadə̄ a ndin̄ kə kumuú. Ngāgəra dɔ ngán Israel gə̄ túbən̄ ɔjənə̄ńdə́ kadə̄ najə̄ ní i najə̄ kə́ rɔ̄kum.

JOJUE 9:20

J-a j-əya̰īdə́ kadə̄ ndin̄ kə kumdə́ sɔɔ̄ń túbú ń jə-túbə j-adə̄də́ ní, ré i beé aĺ anī, j-a j-ɔr wōn̄g yā Kɔ́ɔ̄ɓē yā reēń dɔjí tə́. Ba yá̰á̰ ń j-a jə-rāāī sedə́ ni n toó:

JEREMI 46:22

Dan ń ni oō kōō de kə́ a njə̄rā kə tɔ́gəneé anī, a̰ȳ kanjə̄ kadə̄ kōōn ɓār̄ tītə̄ yā lī beé. De gə̄ a reēn̄ kə̄ rɔ̄n tə́ kə kə̄ngāá tītə̄ ngé tə́gā kāgə̄ gə̄ beé.

NDŪ NAJƏ̄ 29:10

Ngáńsí gə̄ ō, nə̄yá̰sí gə̄ ō, tə̄rā kə́ ngé nam̄ gə̄ ń ndin̄ sesí yā sāā kīr̄ ō, kɔdə man̄ ō, kadə̄sí ní ran̄ laā ō.

JOJUE 10:1

Adoni Sedek ń mban̄g kə́ Jerusalem ní, ōō kadə̄ Jojue taā ɓē kə́ Ai ba bāā dɔ adə̄ Nə́ɓā. Ni-oō kadə̄ yá̰á̰ ń Jojue rāā kə ɓē kə́ Jeriko ō, kə mban̄g kə́ Jeriko ō ní, rāā kə ɓē kə́ ō, kə mban̄g kə́ Ai ō, tá ni oō kadə̄ de kə́ Gabaon gə̄ əhɔn̄ madə̄ naā kə ngán Israel gēé tām̄ yā lɔm tə́ ō, kadə̄ ndin̄ i dan ngán Israel gə̄ tə́ ō.