JOJUE 9:15 - Bibəl ta Sar̄

¹⁵ Jojue ənī ndūn adə̄də́ əhɔń madə̄ naā sedə́ tām̄ yā lɔm tə́. Madə̄ naā ní ɔjə kadə̄ ni a əya̰də́ kadə̄ a ndin̄ kə kumuú. Ngāgəra dɔ ngán Israel gə̄ túbən̄ ɔjənə̄ńdə́ kadə̄ najə̄ ní i najə̄ kə́ rɔ̄kum.

Bible sar

¹⁵ Jojue ənī ndūn adə̄də́ əhɔń *madə̄ naā sedə́ tām̄ yā lɔm tə́. Madə̄ naā ní ɔjə kadə̄ ni a əya̰də́ kadə̄ a ndin̄ kə kumuú. Ngāgəra dɔ ngán *Israel gə̄ túbən̄ ɔjənə̄ńdə́ kadə̄ najə̄ ní i najə̄ kə́ rɔ̄kum.

JOJUE 9:15 Referans Kwoze

2 SAMUEL 21:2

Loo ń noō tə́ mban̄g ɓāŕ Gabaon gə̄ ba ɔr̄ najə̄ sedə́. Gabaon gə̄ i ngán Israel gə̄ alé. Nin̄ i gotə Amor gə̄ ń teēn̄ ta yo tə́ ní. Kété ní ngán Israel gə̄ ənīn̄ ndūdə́ adə̄n̄də́, ədan̄ na n-a n-əyan̄də́ kadə̄ ndin̄ kə kumdə́. Banī mósə Saul tə́ngān ngá̰ý najə̄ yā Israel gə̄ tə́ ō, Juda gə̄ tə́ ō, adə̄ ni sāā tɔ̄l̄ Gabaon gə̄ kɔ̄ɔ́ malang.

JOJUE 11:19

I Hibi gə̄ ń ndin̄ Gabaon ní ngóy n əhɔn̄ madə̄ naā kə ngán Israel gēé tām̄ yā lɔm tə́ ní. Ba gotə de gə̄ ń noō malang ní, Jojue taā ɓē yādə́ i kə rɔ̄ɔ́.

Teē Ngán Israel gə̄ 23:32

ā ə́hɔī madə̄ naā sedə́ aĺ ō, ā ə́hɔī madə̄ naā kə ɓesə̄ yādə́ gēé aĺ ō.

JOJUE 9:16

Gō ndūdə́ ń ənīn̄ tə́ ní, rāā ndɔ̄ mətá anī, ngán Israel gə̄ oōn̄ kadə̄ de gə̄ ní i madə̄ ɓēdə́ gə̄ ndin̄ i ngɔr rɔ̄də́ tə́.

JOJUE 10:1

Adoni Sedek ń mban̄g kə́ Jerusalem ní, ōō kadə̄ Jojue taā ɓē kə́ Ai ba bāā dɔ adə̄ Nə́ɓā. Ni-oō kadə̄ yá̰á̰ ń Jojue rāā kə ɓē kə́ Jeriko ō, kə mban̄g kə́ Jeriko ō ní, rāā kə ɓē kə́ ō, kə mban̄g kə́ Ai ō, tá ni oō kadə̄ de kə́ Gabaon gə̄ əhɔn̄ madə̄ naā kə ngán Israel gēé tām̄ yā lɔm tə́ ō, kadə̄ ndin̄ i dan ngán Israel gə̄ tə́ ō.

JOJUE 10:4

Ā̰yī kə̄ rɔ̄ḿ tə́, ī-reē ī-rɔ̄ɔ̄ī ɓē kə́ Gabaon seḿ, tɔdɔ̄ de kə́ kemeé gə̄ əhɔn̄ madə̄ naā kə Jojue ō, ngán Israel gə̄ ō, tām̄ yā lɔm tə́.