JOJUE 9:14 - Bibəl ta Sar̄

¹⁴ Ngán Israel gə̄ taān̄ núsə́ sádə̄ yādə́ sḛ́ý əsan̄ kanjə̄ koō yā Kɔ́ɔ̄ɓē.

Bible sar

¹⁴ Ngán Israel gə̄ taān̄ núsə́ sádə̄ yādə́ sḛ́ý əsan̄ kanjə̄ koō yā Kɔ́ɔ̄ɓē.

JOJUE 9:14 Referans Kwoze

TƏ́DA 27:21

Jojue a aw̄ rɔ̄ Eleajar nge tun̄ yá̰á̰ tə́ kadə̄ túgə̄ wə̄lā urim tām̄ yān tə́ ta kum Kɔ́ɔ̄ɓē tə́. Ni ō, ngán Israel gə̄ malang ō ní a teēn̄ ō, tél a udən̄ gogə́ ō, i kə gō ndū ń wə̄lā a ɔjə ní.

NGÉ SARYA 1:1

Dan ń Jojue oy kɔ̄ɔ́ anī ngán Israel gə̄ aw̄n̄ koō najə̄ kə́ ta Kɔ́ɔ̄ɓē tə́ yā gerə̄ń ké i náā gə̄ dɔ dáńdə́ tə́ n a aw̄n̄ yā rɔ̄ɔ̄ Kanaan gə̄ kété ní wa.

JAKƏ 1:5

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

ESDRAS 8:21

m̄-ra kə̄ kadə man̄ kə́ Ahaba tə́ noō m-ə́dań de gə̄ malang kadə̄ jə-*ndi ɓō tām̄ yā Nə́ɓā tə́ j-ɔjəń sɔl̄ kə́ jə-sɔl̄ dɔjí kə̄ no Nə́ɓā yājí tə́ i kanjə̄ kɔjə rɔ̄, yā kadə̄ ni-rāā tá yá̰á̰ kə́ majaĺ rāānjí dɔ róbə mbā yājí tə́ alé. Kadə̄ yá̰a̰ rāānjí jḭḭ kɔ gə̄ aĺ ō, ngánjí gə̄ aĺ ō, yá̰a̰ kənge yājí gə̄ aĺ ō.

2 SAMUEL 5:19

Anī Dabid aw̄ koō najə̄ kə́ ta Kɔ́ɔ̄ɓē tə́. Ni-dəje Kɔ́ɔ̄ɓē na ké kə n-aw̄ kə n-rɔ̄ɔ̄ Pilistin gə̄ wa. Ké Kɔ́ɔ̄ɓē a əladə́ kem jīn tə́ wa. Anī Kɔ́ɔ̄ɓē tél əda Dabid na kə aw̄ kə rɔ̄də́ na n-a n-əladə́ kem jīn tə́ kə́ rɔ̄kum tə́.

2 SAMUEL 2:1

Gō yá̰a̰ gə̄ ń noō tə́ anī, Dabid dəje Kɔ́ɔ̄ɓē na ké kə n-aw̄ kem ɓē kógə̄ḿ kə́ dan ɓē gə̄ yā Juda tə́ wa. Anī Kɔ́ɔ̄ɓē ədan na kə aw̄. Dabid tél dəje Kɔ́ɔ̄ɓē ɓáý to̰ na ké kə n-aw̄ i kem nge kə́ rá tə́ wa. Anī Kɔ́ɔ̄ɓē tél ədan na kə aw̄ kem ɓē kə́ Hebron tə́.

NGÉ SARYA 20:18

Nin̄ aw̄n̄ Betel koō ta Nə́ɓāá yā gerə̄ń ké a ɔjə i dɔ náā dandə́ tə́ kadə̄ aw̄ kété kənī ngán Benjamḛ gə̄ rɔ̄ɔ̄ tə́ wa? Anī Kɔ́ɔ̄ɓē əda na: I Juda gə̄ n a aw̄n̄ kété ní.

1 SAMUEL 22:10

Ahimelek sāā dɔn tə́ rɔ̄ Kɔ́ɔ̄ɓē tə́ ba adə̄n yá̰a̰ kəsa ō kaskar yā Goliat kə́ Pilistin ní ō.

Teē Ngán Israel gə̄ 28:30

Ā ī-ɓōkə́ urim ō, tumim ō, kem pekətoral gān̄g sarya yā Nə́ɓā tə́ kadə̄ ré Aaro̰ a aw̄ kə̄ ta kum Kɔ́ɔ̄ɓē tə́ anī, ton̄ dɔ nganjən tə́, adə̄ Aaro̰ a ətō sarya yā ngán Israel gə̄ dɔ nganjən tə́ ta kum Kɔ́ɔ̄ɓē tə́ ngándáńg.

JOJUE 9:13

Sɔl gə̄ ń toō, dan ń jə-tūr̄ kasə nduú kemeé ní, ton̄ i kə kijədə́ ɓáý. Ba ń toō á̰a̰ī, rə́ya̰n̄ kɔ̄ɔ́. Á̰a̰ī kūbə̄ yājí gə̄ kə sākə̄rā yājí gə̄ ngísən̄ kɔ̄ɔ́, tɔdɔ̄ j-ḭḭ i sa̰y.