JOJUE 8:31 - Bibəl ta Sar̄

³¹ Ni-rāā loo tun̄ yá̰á̰ ní i tītə̄ ń Moijə nge kəla yā Kɔ́ɔ̄ɓē ɔjəń ngán Israel gə̄ ní. Ɔjən̄ loo rāā loo tun̄ yá̰á̰ ní kem makətūbə̄ ndū najə̄ yā Moijə tə́ i beé: Ā ī-rāāī loo tun̄ yá̰á̰ ní i kə mbal̄ gə̄ kə́ ton̄ kə taá ō, kə́ deē tɔ́sə̄ kadə̄ kə yá̰a̰ rāā kəla kə́ rāā kə gindī aĺ ō. Tunə̄n̄ dā̰ kə́ róō horoó ō, dā̰ kə́ tām̄ yā kem kógə̄ḿ tə́ ō dɔ loo tun̄ yá̰á̰ ní tə́ adə̄n̄ Kɔ́ɔ̄ɓē.

Bible sar

³¹ Ni-rāā *loo tun̄ yá̰á̰ ní i tītə̄ ń Moijə nge kəla yā Kɔ́ɔ̄ɓē ɔjəń ngán *Israel gə̄ ní. Ɔjən̄ loo rāā *loo tun̄ yá̰á̰ ní kem makətūbə̄ *ndū najə̄ yā Moijə tə́ i beé: Ā ī-rāāī *loo tun̄ yá̰á̰ ní i kə mbal̄ gə̄ kə́ ton̄ kə taá ō, kə́ deē tɔ́sə̄ kadə̄ kə yá̰a̰ rāā kəla kə́ rāā kə gindī aĺ ō. Tunə̄n̄ dā̰ kə́ róō horoó ō, dā̰ kə́ tām̄ yā kem kógə̄ḿ tə́ ō dɔ *loo tun̄ yá̰á̰ ní tə́ adə̄n̄ Kɔ́ɔ̄ɓē.

JOJUE 8:31 Referans Kwoze

2 YÁ̰A̰ GƏ̄ 35:12

Dan ń a adə̄n̄ ngán Israel gə̄ dā̰ kə gō gír ɓūtə̄ yādə́ gə̄ ń əndān̄ kə dɔ gír kojə yādə́ gēé ní anī, ɔrə̄n̄ loon kə́ yā róō kə taā kadə̄ Kɔ́ɔ̄ɓē ənīn̄ tayā tītə̄ ń ndangən̄neé kem makətūbə̄ yā Moijə tə́ ní. Rāān̄ i tītə̄ ń noō kə man̄g gēé ō.

JOJUE 1:8

Yá̰á̰ ndóō gə̄ ń ton̄ kem makətūbə̄ ndū najə̄ ń toō tə́ ní, ādə̄ i sa̰y rɔ̄í tə́ aĺ ō, ī-toń taí tə́ ndɔ̄ɔ́ ō, kadaá ō, kadə̄ ī-rāań yá̰a̰ malang ń i kə́ ndang kemeé ní. Loo ń noō tə́ yá̰a̰ gə̄ ń ā ī-rāā ní a majən̄ ō, a teēn̄ yá̰a̰ ō.

Teē Ngán Israel gə̄ 24:5

Gō tə́ anī ɔr̄ balsáa kə́ Israel gə̄ tə́ adə̄ ndējə̄n̄ Kɔ́ɔ̄ɓē yá̰a̰ tun̄ kə́ róō horoó ō, yá̰a̰ tun̄ kə́ tām̄ yā kem kógə̄ḿ tə́ ō.

Teē Ngán Israel gə̄ 18:12

Jetəro ndējə̄ Nə́ɓā yá̰a̰ tun̄ kə́ róō horoó ō, yá̰a̰ tun̄ kə́ rang gə̄ ō. Adə̄ Aaro̰ ō, kum kɔɔ̄ gə̄ yā ngán Israel gə̄ malang ō, reē əsan̄ yá̰a̰ kə um Moijə ta kum Kɔ́ɔ̄ɓē tə́.

MATIYE 12:26

Adə̄ ré Sətan a tə̄ɓā Sətan anī i nəkɔ́ n a rɔ̄ɔ̄ kə rɔ̄neé noó. Ní loo kadə̄ ɓē ko̰o̰ yān a ndi i ba̰ý?

NEHEMI 13:1

Dan ngeé ń noō tə́ ní tə́dan̄ makətūbə̄ yā Moijə adə̄n̄ de gə̄ oōn̄ ndágə looó, anī teēn̄ dɔ loo ń ndangən̄ tū tə́ na Amon ō Moab ō na a udən̄ dan ngé kán̄ naā gə̄ yā Nə́ɓā tə́ aĺ i kə́ bátə́ gə̄ tə́ ní tə́.

ESDRAS 6:18

Nin̄ rāān̄ ɓūtə̄ gə̄ yā ngé tun̄ yá̰a̰ gə̄ ō, ngán Lebi gə̄ ō, kə gō kəla yādə́ gə̄ ń a rāān̄ tām̄ yā Nə́ɓā tə́ Jerusalem ní i tītə̄ ń ndangən̄neé kem makətūbə̄ yā Moijə tə́ ní.

2 YÁ̰A̰ GƏ̄ 25:4

Banī tɔ̄l̄ ngáńdə́ gə̄ alé tītə̄ ń ndangən̄neé kem makətūbə̄ ndū najə̄ yā Moijə tə́ ní. Tɔdɔ̄ Kɔ́ɔ̄ɓē əda kemeé na: Deē a tɔ̄l̄ bɔbə̄ ngōn̄ tām̄ majaĺ yā ngōn̄ tə́ aĺ ō, deē a tɔ̄l̄ ngōn̄ tām̄ majaĺ yā bɔbə̄ ngōn̄ tə́ aĺ ō. Banī náā nəkɔ́ a oy i najə̄ majaĺ yān tə́.

2 MBAN̄G 22:8

Dan ń ngol ngé tun̄ yá̰a̰ gə̄ oō najə̄ ní oy anī, əda Sapan na n-ənge makətūbə̄ ndū najə̄ kem kújə yā Kɔ́ɔ̄ɓē tə́. Ni adə̄ Sapan makətūbə̄ ní adə̄ tə́da.

2 MBAN̄G 14:6

Banī ni tɔ̄l̄ ngáń ngé tɔ̄l̄ bɔbə̄n gə̄ alé, kə gō ń ndangən̄neé kem makətūbə̄ ndū najə̄ yā Moijə tə́ ní. Tɔdɔ̄ Kɔ́ɔ̄ɓē əda kem makətūbə̄ ndū najə̄ yā Moijə tə́ na a tɔ̄lə̄n̄ bɔbə̄ ngán gə̄ tām̄ yā yá̰á̰ kə́ majaĺ gə̄ ń ngán gə̄ rāān̄ tə́ ní aĺ ō, a tɔ̄lə̄n̄ ngán gə̄ tām̄ yā yá̰á̰ kə́ majaĺ gə̄ ń bɔbə̄də́ gə̄ rāān̄ ní tə́ aĺ ō. A tɔ̄lə̄n̄ deē i tām̄ yā yá̰á̰ kə́ majaĺ gə̄ ń kɔ́ɔ̄ rāā tə́ ní.

NDŪ NAJƏ̄ 27:2

Ndɔ̄ ń ā ī-teēīneé bā Jurdḛ yā kaw̄ń dɔ nang ń Kɔ́ɔ̄ɓē Nə́ɓā yāsí adə̄sí tə́ ní, ā ɔ́yiī mbal̄ kə́ bo gə̄ yā túdə̄ kə nja dɔɔ́, ba ā ī-rāāī hō̰rō̰ man̄ kə́ ndaa gidədə́ tə́.

NDŪ NAJƏ̄ 27:8

Ā ī-ndangiī ndū najə̄ gə̄ ń toō malang majə dɔ mbal̄ gə̄ ń ī-túdī tə́ ní.