JOJUE 8:1 - Bibəl ta Sar̄

¹ Kɔ́ɔ̄ɓē əda Jojue na: Ī-lōō ɓōĺ ō, ī-lōō kadə̄ kemií gān̄g man̄ ō. Ɔ́ý ngé rɔ̄ɔ̄ yāí gə̄ malang ba āw̄ ī-rɔ̄ɔ̄ ɓē kə́ Ai. Á̰a̰ m-ə́la mban̄g kə́ Ai kə de gə̄ yān gēé kem jīí tə́, m-ādī ɓē yān ō, dɔ nang yān ō.

Bible sar

¹ Kɔ́ɔ̄ɓē əda Jojue na: Ī-lōō ɓōĺ ō, ī-lōō kadə̄ kemií gān̄g man̄ ō. Ɔ́ý ngé rɔ̄ɔ̄ yāí gə̄ malang ba āw̄ ī-rɔ̄ɔ̄ ɓē kə́ Ai. Á̰a̰ m-ə́la mban̄g kə́ Ai kə de gə̄ yān gēé kem jīí tə́, m-ādī ɓē yān ō, dɔ nang yān ō.

JOJUE 8:1 Referans Kwoze

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

NDŪ NAJƏ̄ 7:18

Ī-lōōī ɓōĺdə́. Ādə̄ əga kemsí dɔ yá̰á̰ ń Kɔ́ɔ̄ɓē Nə́ɓā yāsí rāā kə mban̄g Parao̰ ō kə de gə̄ malang kə́ Ejiptə tə́ ní ō.

NDŪ NAJƏ̄ 1:21

ba kə á̰a̰ī, Kɔ́ɔ̄ɓē Nə́ɓā yāsí na adə̄sí dɔ nang ń ra nosí tə́ noō. Ní kə āwī kə ī-taāī dɔ nang ní tītə̄ ń Kɔ́ɔ̄ɓē Nə́ɓā yā kaasí gə̄ ənīń míndən adə̄sí ní. Kə ī-lōōī ɓōĺ ō, kə ī-lōōī kadə̄ tɔ́gə́sí ur̄ wak ō.

JOJUE 6:2

Anī Kɔ́ɔ̄ɓē əda Jojue na: Á̰a̰ā̰, m-ə́la ɓē kə́ Jeriko kem jīí tə́, kə mban̄g kə́ kemeé ō, go̰ rɔ̄ɔ̄ gə̄ kə́ kemeé ō.

NDŪ NAJƏ̄ 31:8

Kɔ́ɔ̄ɓē a njə̄rā kété noí tə́. Ni i seí naā tə́. A mbātíī aĺ ō, a əya̰ī kɔ̄ɔ́ aĺ ō. Ní, ī-lōō ɓōĺ ō, ī-lōō kadə̄ tɔ́gí ur̄ wak ō.

IJAI 43:2

Dan ń ā ī-teē man̄ kə́ ɗúú ngá̰ý anī, mā i naā tə́ seí. Dan ń ā ī-teē bā gə̄ anī, man̄ a əhɔī alé. Dan ń ā ī-njə̄rā kum hor tə́ anī, hor a o̰o̰ī alé, ta ndo̰ hor gə̄ a ɔdən̄ rɔ̄í alé.

MATIYE 8:26

Jeju ədadə́ na: Sḭḭ̄ ngé taā kem mámák aĺ gə̄, ī-ɓōlíī i tām̄ rí tə́? Tā anī ḭḭ dɔɔ́ ndán̄g nél ō, bā bo ō, anī loo tél to kúkúkú.

DANIEL 4:25

Yá̰a̰ gə̄ ń noō rāān̄ mban̄g Nabukodonosor malang.

DANIEL 2:21

I ni n i nge tūr̄ dɔ kāgə̄ loo gə̄ ō, nge tūr̄ yá̰a̰ gə̄ ō ní. I ni n i nge kɔr̄ mban̄g gə̄ kɔ̄ɔ́ ō nge kəndā mban̄g gə̄ ō ní. I ni n i nge kadə̄ ngé kum kedə̄ gə̄ kum kedə̄ ō, ngé ger̄ kəndā ma̰ȳ yá̰a̰ gə̄ yá̰a̰ ger̄ ō ní.

JEREMI 46:27

Ḭ̄ nge kəla yāḿ Jakob, ī-lōō ɓōĺ. Israel, ī-lōō ndebə. M-ā m̄-gān̄g dɔí jī ɓē kə́ sa̰y ngá̰ý gə̄ tə́ ō, m-ā m̄-gān̄g dɔ ngán kaaí gə̄ dɔ nang ń əhɔ aw̄n̄ sedə́ tū tə́ tə́ ní ō. Jakob tél a reē, ni ɓōĺ yá̰á̰ kógə̄ḿ aĺ bátə́. Ni-ndi jəke kanjə̄ sōl̄ yá̰á̰ kógə̄ḿ, de kə́ njə́ɓan̄ to̰ gətóo.

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

PĀ GƏ̄ 44:3

Ḭ̄ ī-taā dɔ nang yā nápar de kə́ rang gə̄ jīdə́ tə́ kə jīí ādə̄də́. Ḭ̄ ī-rāā gír de kə́ rang gə̄ majaĺ yā kadə̄ gír deē yāí gə̄ taān̄neé loo kə̄ loo gə̄ tə́.

PĀ GƏ̄ 27:1

Pā yā Dabid. Kɔ́ɔ̄ɓē i loo kə́ unjə̄ kow yāḿ ō i nge kajəḿ ō, ní m-ā m̄-ɓōĺ i náā? Kɔ́ɔ̄ɓē i loo ndiḿ kə́ ngan̄g ngá̰ý, ní m-ā m̄-ndebə i ta kum náā tə́?

JOJUE 7:9

Kanaan gə̄ kə de gə̄ malang kə́ dɔ nang ń toō tə́ a oōn̄, adə̄ nin̄ a əndān̄ rɔ̄də́ naā tə́ yā reē rɔ̄ɔ̄jí, a tɔ̄lə̄njí kɔ̄ɔ́ malang. Ní ā ī-rāā i ba̰ý n de gə̄ a ger̄nneé rīí kə́ to kɔsə go̰n ngá̰ý ní?

JOJUE 10:7

Anī Jojue ḭḭ Gilgal, aw̄ kə ngé rɔ̄ɔ̄ yān gēé malang ō, go̰ rɔ̄ɔ̄ yān gēé malang ō.

JOJUE 10:8

Kɔ́ɔ̄ɓē əda Jojue na: Ī-lōō ɓōĺdə́, tām̄ m-ə́ládə́ kem jīí tə́ kɔ̄ɔ́ ɓá. De kə́ yā dumī dandə́ tə́ nuū gətóo.

JEREMI 49:3

Hesəbon, ī-nōō kə̄ dɔɔ́ ɓororo na ɓē kə́ Ai nujə sák sák kɔ̄ɔ́. Ɓē gə̄ ń Raba o̰o̰ ɓē dɔsí tə́ ní, ə́gaī kɔŕ. Ə́laī kūbə̄ kəhɔ ndoō rɔ̄sí tə́ ō, ī-nōōī rɔ̄sí ō. Ī-dáyī kə̄ yóō kə̄ laā kem ndogə̄ mbal̄ gə̄ tə́. Tɔdɔ̄ aw̄n̄ kə ɓesə̄ Milkom ō, ngé tun̄ yá̰a̰ yān gə̄ ō, de kə́ bo yān gə̄ ō, naā tə́ malang dɔ nang kə́ rang tə́ kɔ̄ɔ́.

NDŪ NAJƏ̄ 7:21

Ī-lōōī ndebə ta kumdə́ tə́, tɔdɔ̄ Kɔ́ɔ̄ɓē Nə́ɓā yāsí ń i Nə́ɓā kə́ bo ō, to ɓōĺ ngá̰ý ō ní i sesí.

JOJUE 2:24

Nin̄ ədan̄ Jojue na: Kɔ́ɔ̄ɓē adə̄jí dɔ nang ní malang rɔ̄kum. Kem de gə̄ malang kə́ dɔ nang ní tə́ gān̄g man̄, adə̄ tɔ́gə́də́ oy yélélé kɔ̄ɔ́.