JOJUE 7:6 - Bibəl ta Sar̄

⁶ Jojue nin̄ kə kum kɔɔ̄ gə̄ yā ngán Israel gēé rə́yā̰n̄ kūbə̄ kə́ rɔ̄də́ gə̄ tə́ ō, ɔyn̄ bumbə́ru kə̄ dɔdə́ tə́ ō, əsōn̄ sébən̄ kumdə́ nang tə́ no sandúkə yā Kɔ́ɔ̄ɓē tə́. Nin̄ ton̄ tītə̄ ń nuū bátə́ loo tíbə dɔdə́ tə́.

Bible sar

⁶ Jojue nin̄ kə *kum kɔɔ̄ gə̄ yā ngán Israel gēé *rə́yā̰n̄ kūbə̄ kə́ rɔ̄də́ gə̄ tə́ ō, ɔyn̄ *bumbə́ru kə̄ dɔdə́ tə́ ō, əsōn̄ sébən̄ kumdə́ nang tə́ no sandúkə yā Kɔ́ɔ̄ɓē tə́. Nin̄ ton̄ tītə̄ ń nuū bátə́ loo tíbə dɔdə́ tə́.

JOJUE 7:6 Referans Kwoze

TA KƏLA 37:29

Ruben tél reē ta bəlo taā man̄ ndī ní tə́, anī ənge Jəjep kemeé alé. Ni rə̄yā̰ kūbə̄ kə́ rɔ̄n tə́

TA KƏLA 37:34

Jakob rə̄yā̰ kūbə̄ kə́ rɔ̄n tə́ ō, do̰ō̰ kūbə̄ sákə̄ gírən tə́ ō, ba nōō ngōnə̄n dan i ngá̰ý.

NŌŌ RƆ̄ 2:10

Kum kɔɔ̄ gə̄ yā ngōmandə kə́ Siyo̰ ndin̄ nang tə́ tadə́ mbóo. Ba ɔyn̄ bumbə́ru kə̄ dɔdə́ tə́ ō, o̰ō̰n̄ kūbə̄ sákə̄ rɔ̄də́ tə́ ō. Ngámandə kə́ Jerusalem gə̄ əlan̄ dɔdə́ nang tə́.

2 SAMUEL 13:31

Adə̄ mban̄g ḭḭ dɔɔ́, əhɔ kūbə̄ gə̄ kə́ rɔ̄n tə́ rə́yā̰də́, ba to dɔ dā nang tə́. Ngé kəla yān gə̄ malang ń ran̄ rɔ̄n tə́ ní rə́yā̰n̄ kūbə̄ yādə́ gə̄ ō.

TƏ́DA 14:6

Ba Jojue nin̄ kə Kaleb ń nin̄ i de gə̄ kə́ dan ngé kaw̄ kəndā ma̰ȳ dɔ nang kə́ Kanaan tə́ ní, wōn̄g asədə́ nak adə̄ rə́yā̰n̄ kūbə̄ kə́ rɔ̄də́ gə̄ tə́,

JEJU TEĒ KUM JA̰A̰ 18:19

Nin̄-əgan̄ bumbə́ru kə̄ dɔdə́ tə́ dɔdə́ tə́ ō əgan̄ kɔŕ ō, nōōn̄ ō, əhɔn̄ ndoō ō, ba ədan̄ na: Rɔ̄ tō ndoō, rɔ̄ tō ndoō! Tɔdɔ̄ ɓē kə́ bo ń ngé to bo gə̄ kə́ dɔ bā bo gə̄ tə́ malang əngen̄ yá̰a̰ i kə ta kūl̄neé ní, nujə sák sák kɔ̄ɔ́ i kum mbang kógə̄ḿ beē ngóy.

KƏLA RĀĀ 14:14

Dan ń ngámbang kəla gə̄, adə̄ i Barnabas nin̄ kə Pol oōn̄ najə̄ yá̰á̰ ní anī, rə́yā̰n̄ kūbə̄ yādə́ gə̄, ba a̰ȳ udən̄ dan kósə de gə̄ tə́.

Makətūbə̄ yā Job 2:12

Nin̄ unən̄ kumdə́ kə̄ dɔɔ́ a̰a̰nən̄ sa̰y anī, ger̄nən̄ alé. Anī unən̄ ndūdə́ kə̄ dɔɔ́ nōōnəń. Nin̄ kógə̄ḿ kógə̄ḿ kə dɔdə́ gēé ní rə́yā̰n̄ kūbə̄ kə́ dɔ madə̄ gə̄ tə́ kə́ rɔ̄də́ tə́ kɔ̄ɔ́, ba ɔyn̄ bumbə́ru ɓōkə́n̄ kə̄ dɔɔ́ adə̄ tél dəse pul pul dɔdə́ tə́.

Makətūbə̄ yā Job 1:20

Anī Job ḭḭ dɔɔ́, əhɔ ta kūbə̄ kə́ dɔ madə̄ gə̄ tə́ kə́ rɔ̄n tə́ rə̄yā̰ ō, dəsā dɔn ō. Gō tə́ anī əsō sébə kumən nang tə́

ESTER 4:1

Mardose oō yá̰a̰ malang ń rāā yá̰á̰ ní adə̄ ni rə́yā̰ kūbə̄ yān gə̄ kə̄ rɔ̄n tə́ ba o̰ō̰ kūbə̄ kəhɔ ndoō ō, ɔy bū kə̄ dɔn tə́ ō. Ni teē aw̄ njə̄rā kem ɓēé ba əga kɔŕ kə wur katāá.

2 SAMUEL 12:16

Dabid rāā Nə́ɓā ɓɔ́ tām̄ yā ngōn̄ ní tə́. Ni-*ndi ɓō tām̄ yā Nə́ɓā tə́ ō, ré a aw̄ kə̄ kətoó nang tə́ ndɔ̄ɔ́ anī, a to i dɔ dā nang tə́ ō.

2 SAMUEL 1:12

Nin̄ nōōn̄ ō, ndin̄ ɓō tām̄ yā Nə́ɓā tə́ ō, bátə́ adə̄ loo tíbə dɔdə́ tə́, əhɔnə̄ń ndoō Saul nin̄ kə ngōnən Jonatan ō, əhɔnə̄ń ndoō ngán Israel gə̄ malang ń nin̄ i de gə̄ kə́ dan gír deē yā Kɔ́ɔ̄ɓē gə̄ tə́ ba oyn̄ ta rɔ̄ɔ̄ tə́ ní ō.

1 SAMUEL 4:12

De kógə̄ḿ kə́ gír ɓē yā Benjamḛ tə́ a̰ȳ ta rɔ̄ɔ̄ tə́ aw̄ ugə̄ Silo ndɔ̄ nəkɔ́ ń noō tə́. Kūbə̄ kə́ rɔ̄n tə́ i kə́ rə́yā̰ kɔ̄ɔ́ ō, dɔn i bumbə́rú malang ō.

NGÉ SARYA 21:2

Ɓá tā ba ngán Israel gə̄ aw̄ kánə̄n̄ naā Betel. Nin̄ ndin̄ ta kum Nə́ɓā tə́ adə̄ loo tíbə dɔdə́ tə́. Əgan̄ kɔŕ ō, nōōn̄ ngá̰ý kə man̄ kumdə́ ō,

NGÉ SARYA 20:26

Tā anī de kə́ dɔ nang kə́ Israel tə́ gə̄ malang aw̄n̄ Betel. Aw̄ ndin̄ nang tə́ ta kum Kɔ́ɔ̄ɓē tə́ ba nōōn̄. Ndɔ̄ ń noō tə́ ndin̄ ɓō tām̄ yā Nə́ɓā tə́ bátə́ kadə̄ loo tíbə dɔdə́ tə́. Róōn̄ dā̰ horoó kə taá malang ō, tunə̄n̄ yá̰a̰ tām̄ yā kem kógə̄ḿ tə́ ō adə̄n̄ Kɔ́ɔ̄ɓē.

TƏ́DA 16:22

Moijə nin̄ kə Aaro̰ əsō sébən̄ kumdə́ nang tə́ ba ədan̄ na: Á Nə́ɓā, ḭ̄ ń ī-rāā adə̄ de gə̄ malang ndin̄ kə kumdə́ ní, de kə́ kógə̄ḿ beē rāā yá̰á̰ kə́ majanī, ā ī-rāā wōn̄g kə gotə de gə̄ malang a?

JOJUE 7:7

Jojue əda na: Kɔ́ɔ̄ɓē Nə́ɓā, ādə̄ de gə̄ ń toō teēn̄ bā Jurdḛ i tām̄ rí tə́? I kadə̄ ə́lájí jī Amor gə̄ tə́ kadə̄ tɔ̄lə̄n̄jí a? Jə-ndi i gidə bā Jurdḛ kə́ dām̄ kə́ nu tə́ anī i só tə́ gə̄gē.

2 SAMUEL 1:11

Dabid əhɔ ta kūbə̄ kə́ rɔ̄n tə́ rə̄yā̰ ō, de kə́ gōn tə́ gə̄ malang rə́yā̰n̄ kūbə̄ gə̄ kə́ rɔ̄də́ tə́ ō.

2 MBAN̄G 22:11

Dan ń mban̄g oō najə̄ kə́ kem makətūbə̄ ndū najə̄ tə́ oy anī, rə́yā̰ kūbə̄ gə̄ kə́ rɔ̄n tə́.

2 YÁ̰A̰ GƏ̄ 34:19

Dan ń mban̄g oō najə̄ gə̄ kə́ kem makətūbə̄ ndū najə̄ ní tə́ oy anī, rə́yā̰ kūbə̄ gə̄ kə́ rɔ̄n tə́ kɔ̄ɔ́

Makətūbə̄ yā Job 42:6

Adə̄ m-á̰a̰ rɔ̄ḿ i yá̰á̰ kə́ majaĺ ngá̰ý tə́ ta kumḿ mə̄kɔ́ tə́ ō, m̄-mbātə́ najə̄ kɔrə̄ḿ mə̄kɔ́ ō. Adə̄ m̄-ndi kum bumbə́rú tə́ ō, kum bū tə́ ō.

NGÉ SARYA 11:35

Dan ń Jepte a̰a̰n anī əhɔ kūbə̄ kə́ rɔ̄n nəkɔ́ tə́ rə̄yā̰ ba əda na: Aa, ngōnə̄ḿ. ī-rāām̄ ādə̄ rɔ̄ḿ óý yélélé kɔ̄ɔ́. Ḭ̄ i dan ngé reē kə yá̰á̰ kə́ to kum kaȳ aĺ dɔḿ tə́ gə̄. M-ə̄nā ndūḿ m-ādə̄ Kɔ́ɔ̄ɓē kɔ̄ɔ́ ɓá, adə̄ m-ā m̄-tūr̄ to̰ alé.

2 SAMUEL 1:2

Kə ndɔ̄ kə́ nge ko̰ mətá anī deē kógə̄ḿ ḭḭ gérger yā Saul tə́ reē ugə̄. Kūbə̄ kə́ rɔ̄n tə́ i kə́ rə̄yā̰ kɔ̄ɔ́ ō, nán̄g i dɔn tə́ ō. Dan ń deē ní reē ugə̄ ngɔr rɔ̄ Dabid tə́ anī əsō ɔsə non nang tə́.

2 SAMUEL 13:19

Tamar ɔy bū hor rāā dɔn tə́ ō, kūbə̄ yān kə́ majə ngá̰ý ń rɔ̄n tə́ ní, əhɔ rə̄yā̰ ō. Ni ɓōkə́ jīn dɔn tə́ ba ɔtə aw̄ kə nōō gēé.

ESDRAS 10:1

Dan ń Esdras tétə̄ kejən nang tə́ ta kújə yā Kɔ́ɔ̄ɓē tə́ ba ndi a nōō ō, a ndɔ̄ȳ Nə́ɓā ō, a dəje Nə́ɓā mā̰ȳ rɔ̄ ō ní anī, Israel gə̄ ngá̰ý, kə́ dəngam gə̄ kə kə́ dəyá̰ gə̄ kə ngán gə̄ kánə̄n̄ naā kə̄ dɔn tə́. Nin̄ malang nōōn̄ ngá̰ý kə man̄ kumdə́.

NEHEMI 9:1

Kem nāā kə́ kógə̄ḿ beē nəkɔ́ ń noō tə́, kə ndɔ̄ kə́ nge ko̰ kutə jōó gidə i sɔ́ anī, ngán Israel gə̄ kánə̄n̄ naā yā ndi ɓō tām̄ yā Nə́ɓā tə́. Nin̄ o̰o̰n̄ kūbə̄ kəhɔ ndoō ō, ɔyn̄ nán̄g kə̄ dɔdə́ tə́ adə̄ rɔ̄də́ i nán̄g malang ō.

ESTER 4:3

Tá gō nang gə̄ kógə̄ḿ kógə̄ḿ ń yá̰a̰ ń mban̄g ndang kadə̄ yā rāā ní ugə̄ tū tə́ ní, Jipə gə̄ ń ndin̄ tū tə́ ní əhɔn̄ ndoō ngá̰ý: Nin̄ ndin̄ ɓō tām̄ yā Nə́ɓā tə́, nōōn̄ kə man̄ kumdə́ ō, nōōn̄ rɔ̄də́ ō. Ngá̰ý gə̄ o̰ō̰n̄ kūbə̄ kəhɔ ndoō ō, ton̄ dɔ bū tə́ ō.