JOJUE 7:24 - Bibəl ta Sar̄

²⁴ Jojue nin̄ kə ngán Israel gēé gon tə́ malang əhɔn̄ Akan ō, ɔyn̄ arjā̰a̰ ní ō, unən̄ kūbə̄-jī ní ō, unən̄neē lɔ́r ní ō, əhɔn̄ ngán Akan kə́ dəngam gə̄ ō, kə́ dəyá̰ gə̄ ō, əhɔn̄ man̄g kə́ bəra yān ō, kərō yān ō, batə̄ yān ō, bə̄yā̰ yān gə̄ ō, ɔrə̄n̄ kújə tandā yān ō, ɔyn̄ gotə yá̰a̰ kənge yān gə̄ malang ō, ba aw̄n̄ sedə́ wól loo ń y ɓārə́n̄ na i Akor ní tə́.

Bible sar

²⁴ Jojue nin̄ kə ngán *Israel gēé gon tə́ malang əhɔn̄ Akan ō, ɔyn̄ arjā̰a̰ ní ō, unən̄ kūbə̄-jī ní ō, unən̄neē lɔ́r ní ō, əhɔn̄ ngán Akan kə́ dəngam gə̄ ō, kə́ dəyá̰ gə̄ ō, əhɔn̄ man̄g kə́ bəra yān ō, kərō yān ō, batə̄ yān ō, bə̄yā̰ yān gə̄ ō, ɔrə̄n̄ kújə tandā yān ō, ɔyn̄ gotə yá̰a̰ kənge yān gə̄ malang ō, ba aw̄n̄ sedə́ wól loo ń y ɓārə́n̄ na i Akor ní tə́.

JOJUE 7:24 Referans Kwoze

Gōsə̄ najə̄ gə̄ 15:27

De kə́ nge kə́ra de gə̄ i nge nujə kem de kə́ kem kújə yān tə́ gə̄, banī deē ń kəla jī nang tə́ yā nujəń sarya i yá̰á̰ kə́ dɔ kumən tə́ aĺ ní a ndi kə kumneé ta kaw̄ jóo.

OJEE 2:15

M-ā m̄-rɔ̄ɔ̄n najə̄ kum mbang ń ni un rɔȳń ɓesə̄ Baal gə̄ ní. Ni róō ndujə̄ yá̰á̰ kə́ kotə majə adə̄də́. Ni o̰ō̰ nə̄ngá gə̄ ō, yá̰á̰ súū rɔ̄ gə̄ ō tām̄ yādə́ tə́. Ni un gō ngé sāān gə̄, mā ɓáa dɔn ndígə̄naləḿ kɔ̄ɔ́ ō. Najə̄ ń Kɔ́ɔ̄ɓē əda ní n noó.

IJAI 65:10

Tām̄ yā gír deē yāḿ gə̄ tə́ ní, tām̄ yā ngé gə̄ ń tūrə̄n̄ rɔ̄də́ kə̄ rɔ̄ḿ tə́ ní, ndágə mbō kə́ Saro̰ a tél i loo kə́ kadə̄ batə̄ gə̄ əsan̄ yá̰a̰ tū tə́ ō, wól loo kə́ Akor a tél i gong man̄g gə̄ ō.

JOJUE 15:7

ra noó teē wól loo kə́ Akor tə́ aw̄ Debir, gō tə́ anī ra dām̄ mbɔ́r ɓē kə́ ko̰ó̰ tə́ tūr̄ rɔ̄n aw̄ kum kə̄ Gilgal, loo ń ra sɔɔ̄n ta naā kə loo kə́ kḭḭ kə̄ dɔɔ́ kə́ Adumim tə́ ní, ré deē ra kum wóĺ tə́ anī, i kə̄ dām̄ mbɔ́r ɓē kə́ geleé tə́. Dɔ nin̄ ní teē kadə kəɓa man̄ gə̄ kə́ En Semes tə́, ba aw̄ ugə̄ En Rogel.

JOJUE 7:26

Gō tə́ anī kánə̄n̄ mbal̄ gə̄ adə̄ ton̄ dɔ naā tə́ bing dɔn tə́. Mbal̄ gə̄ ń kánə̄n̄ dɔn tə́ ní ton̄ nuú bátə́ ɓōólaā. Loo ń noō tə́ wōn̄g yā Kɔ́ɔ̄ɓē tetə. I tām̄ najə̄ ń nuū tə́ n a ɓārə́n̄ wól loo ní na i Akor bátə́ ɓōólaā ní.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

KOHELET 5:13

Yá̰a̰ kənge yān ní udə lim gíŕ yá̰á̰ kə́ majaĺ tə́. Ré ni ojə ngōn̄ anī yá̰á̰ sḛ́ý kə́ tām̄ yā ngōn̄ tə́ gətóo.

Makətūbə̄ yā Job 20:15

I gáŕ kadə̄ tōmbə̄ yá̰a̰ kənge gə̄ ń ni táā jī de gə̄ tə́ ní, yá̰á̰ ń ur kemən tə́ ní, Nə́ɓā rāā adə̄ tōmbə̄ kɔ̄ɔ́.

JOJUE 7:1

Ngán Israel gə̄ rāān̄ yá̰á̰ kə́ gōtə́ alé, tɔdɔ̄ yá̰a̰ kənge ń Kɔ́ɔ̄ɓē ɔgə̄də́ kun ní nin̄ unən̄. I de kə́ gír ɓē yā Juda tə́ n ɔy núsə́ yá̰a̰ kənge kə́rēý gə̄ adə̄ wōn̄g rāā Kɔ́ɔ̄ɓē kə ngán Israel gēé ngá̰ý ní. Rī deē ní na i Akan. Ni i ngōn̄ Karmi kə́ ngōn̄ Jabədi kə́ ngōn̄ Jera.

JOJUE 6:21

Nin̄ bāān̄ dɔ de kə́ kemeé gə̄ malang tɔ̄ləndə́ kə kaskaraá dəngam gə̄, kə dəyá̰ gə̄, kə ngán gə̄, kə de kə́ tɔgə gə̄, tɔ̄lə̄n̄ man̄g kə́ bəra gə̄ ō, batə̄ gə̄ ō, kərō gə̄ ō.

JOJUE 6:18

Ba sḭḭ̄ ī-ngɔ̄mī rɔ̄sí majə. Yá̰á̰ ń i kə́ bāā dɔ tām̄ yā Kɔ́ɔ̄ɓē tə́ ní, ī-lōōī kum, na sōgə́ ī-nujiī kə gérger yā ngán Israel gēé ō, ī-ndɔ́rī yá̰á̰ kə́ to kum kaȳ aĺ ī-reēiń dɔ tə́ ō.

TA KƏLA 18:25

Tɔ̄l̄ de kə́ súmūú naā tə́ kə nge kem nduluú, kadə̄ yá̰a̰ yā de kə́ súmūú to tītə̄ yā nge kem ndul ní i yá̰a̰ rāāí ḭ̄ alé. Yá̰á̰ kə́ rāā tītə̄ ń noō i yá̰a̰ rāāí ḭ̄ alé. Nge gān̄g sarya dɔ de gə̄ malang kə́ dɔ nang tə́ tə́ a rāā yá̰á̰ kə́ gōtə́ aĺ alé.

JOJUE 7:23

De gə̄ ní ɔrə̄n̄ yá̰a̰ gə̄ ní gíŕ nangāá dan kújú reēnəń adə̄n̄ Jojue nin̄ kə ngán Israel gēé. ɓōkə́n̄ yá̰a̰ gə̄ ní no Kɔ́ɔ̄ɓē tə́

JOJUE 22:20

Dan ń Akan ké ngōn̄ kaa Jera rāā yá̰á̰ kə́ gōtə́ alé kə́ ɔjə dɔ yá̰á̰ bāā dɔ ní, i ngán Israel gə̄ malang n wōn̄g rāā Kɔ́ɔ̄ɓē sedə́ ní aĺ a? Tá Akan oy i kə kérneé tām̄ majaĺ yān tə́ alé.