JOJUE 7:21 - Bibəl ta Sar̄

²¹ M-á̰a̰ kūbə̄-jī kə́ Sinear kə́ majə ngá̰ý dan yá̰a̰ gə̄ kə́ kəhɔ ta rɔ̄ɔ̄ tə́ ō, m-á̰a̰ gində̄ arjā̰a̰ kə́ kɔȳn i kəlōo jōó ō, m-á̰a̰ lɔ́ŕ kə́ kɔȳn i ngán kəlōo ɓú mí ō, əsōn̄ kumḿ adə̄ m-ɔ́ýdə́. m̄-dubə̄də́ i gíŕ nángāá kem kújə tandā yāḿ tə́ dan looó, m̄-ɓōkə́ gində̄ arjā̰a̰ i gírí pá tá gotə yá̰a̰ gə̄ ń nuū i dɔ tə́.

Bible sar

²¹ M-á̰a̰ kūbə̄-jī kə́ Sinear kə́ majə ngá̰ý dan yá̰a̰ gə̄ kə́ kəhɔ ta rɔ̄ɔ̄ tə́ ō, m-á̰a̰ gində̄ arjā̰a̰ kə́ kɔȳn i kəlōo jōó ō, m-á̰a̰ lɔ́ŕ kə́ kɔȳn i ngán kəlōo ɓú mí ō, əsōn̄ kumḿ adə̄ m-ɔ́ýdə́. m̄-dubə̄də́ i gíŕ nángāá kem kújə tandā yāḿ tə́ dan looó, m̄-ɓōkə́ gində̄ arjā̰a̰ i gírí pá tá gotə yá̰a̰ gə̄ ń nuū i dɔ tə́.

JOJUE 7:21 Referans Kwoze

JAKƏ 1:15

Ba dan ń ngur yá̰á̰ kə́ majaĺ kə́ kem deē tə́ ní ndān̄ ngōn̄ anī, a ojə i rāā majaĺ, ba dan ń rāā majaĺ tɔgə anī a ojə i yo.

Najə̄ kə́ Majə yā Jeju ń Luk ndang ní 12:15

Gō tə́ anī əda de gə̄ malang na kə əndān̄ kum kedə̄ dɔ rɔ̄də́ tə́ majə najə̄ yā kum ndaa yá̰á̰ tə́. Tām̄ ká yá̰a̰ kənge yā deē i ngá̰ý gə̄gē, i yá̰a̰ kənge n i nge rāā kadə̄ deē ndi kə kumneé ní alé.

PĀ GƏ̄ 119:37

Ún kumḿ kɔ̄ɔ́ ta yá̰á̰ gól̄ tə́ ō, ɔ́jəm̄ ta róbə yāí tá kadə̄ m̄-ndi kə kumḿ gogə́ ō.

2 PIYER 2:15

Nin̄-əya̰n̄ róbə́ kə́ súmūú kɔ̄ɔ́ adə̄ ndúmə̄n̄. Nin̄-unən̄ róbə́ ń Balam kə́ ngōn̄ Bosor un ní. Balam ngeé ń toō gḛy nar kə́ kadə̄ adə̄nən̄ gíŕ yá̰a̰ rāān kə́ gō tə́ aĺ tə́.

NDŪ NAJƏ̄ 7:25

Yá̰a̰ gə̄ ń tɔ́sə̄ udən̄ ɓesə̄ tə́ ní, ā ī-róōīdə́ horoó kɔ̄ɔ́ malang. Ī-lōōī kadə̄ ngur ngɔ̄m̄ gində̄ arjā̰a̰ ō, lɔ́ŕ ō, kə́ rɔ̄də́ tə́ tām̄ yāsí tə́ əhɔsí kə́ gūmbə̄ tə́. Tɔdɔ̄ i yá̰á̰ kə́ majaĺ ngá̰ý ta kum Kɔ́ɔ̄ɓē Nə́ɓā yāsí tə́.

HEBƏRO 13:5

Kadə̄ háĺsí i háĺ ngé rāā ta nar gə̄ alé, ba kadə̄ yá̰á̰ ń ə́ngeī ngɔlaā ní asəsí. Tɔdɔ̄ Kɔ́ɔ̄ɓē nəkɔ́ əda na: M-ā m-ə́ya̰ī kɔ̄ɔ́ aĺ ō, m-ā m̄-mbātíī aĺ ō.

Gōsə̄ najə̄ gə̄ 28:22

Nge ngɔ̄də̄ gō yá̰a̰ kənge i de kə́ kumən majə alé, ndoō kə́ ngá̰ý ń a rāā yā kəsō kum tə́ ní ni ger̄ alé.

2 SAMUEL 11:2

Ndɔ̄ kógə̄ḿ tə́ loo sɔlí dan ń Dabid ɔr̄ koō oy anī, ḭḭ dɔ tə̄rá yān tə́ ba aw̄ njə̄rā dɔ kújə́ dúŕ dur yā mban̄g tə́. Ni-ra dɔ kújə́ ní tə́, anī a̰a̰ dəyá̰ kógə̄ḿ loo ndogə̄ man̄ tə́. Dəyá̰ ní mandə ngá̰ý.

TA KƏLA 6:2

ngáń Nə́ɓā gə̄ a̰a̰n̄ ngáń kə́ dəyá̰ yā de gə̄ ní mandən̄ ngá̰ý ta kumdə́ tə́, adə̄ táān̄ ngé gə̄ ń nin̄ gə̄rān̄də́ ní kə́ dəyá̰ gə̄ tə́.

TA KƏLA 3:6

Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.

KOLOSƏ 3:5

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.

EPEJƏ 5:5

Ōōī majə. De gə̄ kə́ sāān̄ naā loo kaya tə́ ō, kə́ rāān̄ yá̰á̰ kə́ to yḛr kum gə̄ ō, ngé suu gə̄, tɔdɔ̄ suu i rāā ɓesə̄ ō ní, asən̄ kənge loo kem Ɓē ko̰o̰ yā Kərist tə́ ō yā Nə́ɓā tə́ ō alé.

EPEJƏ 5:3

Sḭḭ̄ i dan de gə̄ yā Nə́ɓā tə́, adə̄ majə kadə̄ sāā naā loo kaya tə́, aláa gíŕ yá̰á̰ kə́ yḛr kə́ tayā tayā gə̄, aláa kum sə̄ngā yá̰á̰ ní, i kə́ yā kəda rī dɔ dansí tə́ alé.

Najə̄ kə́ Majə yā Jeju ń Luk ndang ní 12:2

Tɔdɔ̄ yá̰á̰ kógə̄ḿ kə́ to loo mundə̄ tə́ kə́ kadə̄ dɔ teē ndágá aĺ ní gətóo ō, yá̰á̰ kə́ to loo ɓɔ̄ɔ̄ tə́ kə́ kadə̄ deē ger̄ aĺ ní gətóo ō.

HABAKUK 2:9

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ī-ngɔ̄mī yá̰a̰ kənge gə̄ kə́ ə́ngeīdə́ kə ta róbə́ kə́ gōtə́ aĺ tām̄ yā ngéésí gə̄ tə́. I nge ń noō n ndḛḛ̄ kadə̄ sḭḭ̄ ī-ndiīń majə, tá kadə̄ yá̰á̰ kə́ to kum kaȳ aĺ ɔdəń rɔ̄sí aĺ ní.

IJAI 29:15

I yá̰á̰ kə́ to kum kaȳ aĺ ngá̰ý tām̄ yā de gə̄ ń noō ń nin̄ a rāān̄ yá̰a̰ i loo mundə̄ tə́ ní! Nin̄ ɓɔ̄ɔ̄n̄ dɔ yá̰a̰ gə̄ ń nin̄ sāān̄ rāā ní kadə̄ Kɔ́ɔ̄ɓē a̰a̰ alé. Nin̄ əndān̄ dɔ yá̰a̰ yādə́ gə̄ danaá i kum loo kə́ risə til tə́. Nin̄ ədan̄ na: I náā n asə ka̰a̰jí ní? I náā n ger̄ yá̰a̰ rāājí ní?

IJAI 28:15

Sḭḭ̄ ə́daī na: J-ənī ndūjí j-adə̄ naā kə yoó. J-əndā jījí gír makətūbə̄ tə́ j-adə̄ naā kə de kə́ ɓádá gēé. Dan ń yá̰á̰ kə́ a nujə loo a rāā yā rāā yá̰a̰ anī, a reē loojí alé. Tām̄ sor̄ i yá̰á̰ kə́ j-a jə-ndi gírí, yá̰á̰ kə́ gōtə́ aĺ i loo ɓɔ̄ɔ̄ rɔ̄ yājí.

Gōsə̄ najə̄ gə̄ 23:31

Kasə nduú kə́ kərē pírírí ō, kə́ kumən majə ngá̰ý ō ń, úr ādə̄ aw̄ kə̄ kem kɔ́í tə́ anī, a aw̄ i kə ngɔdɔ́ ngá̰ý noó, ī-lōō ka̰ā̰ kə kumií.

Gōsə̄ najə̄ gə̄ 4:23

Ə̄ndā may yá̰á̰ ń ī-gír kemií tə́ ní majə. A rāā seí tɔȳ gotə yá̰a̰ gə̄ malang tɔdɔ̄ a ī-ndi kə kumií i kə ta kulneé.

Makətūbə̄ yā Job 31:1

J-oō naā jḭḭ kə kumḿ, kadə̄ m-ə̄ndā kumḿ dɔ ngōmandə kə́ ger̄ dəngam aĺ tə́.

Teē Ngán Israel gə̄ 20:17

Ā ī-ndə̄ngā yá̰a̰ yā madí, adə̄ i kújə yān aĺ ō, nə̄yá̰n al̄ ō, nge kəla yān kə́ dəngam al̄ ō, nge kəla yān kə́ dəyá̰ al̄ ō, man̄g yān aĺ ō, kərō yān aĺ ō.

TA KƏLA 10:10

Ɓē ko̰o̰ yān gə̄ kə́ ta kəga dɔ i Babel ō, Erek ō, Akad ō, Kalne ō, gō nang kə́ Sinear tə́.

JOJUE 7:20

Akan tél əda Jojue na: Ké rɔ̄kum tə́ tā anī i mā n m̄-rāā majaĺ kə Kɔ́ɔ̄ɓē Nə́ɓā yā Israel, ba yá̰á̰ ń m̄-rāā ní n toó:

JOJUE 7:22

Jojue əla de gə̄ adə̄ aw̄n̄ láẃ kem kújə tandā yā Akan tə́, anī əngen̄ yá̰á̰ ní kem kújə tandā yān tə́ rɔ̄kum, gində̄ arjā̰a̰ to i gírí.

2 MBAN̄G 7:8

Dan ń ngé bānjə̄ gə̄ ugə̄n̄ ta ngóy gérger tə́ anī udən̄ kem kújə tandā kógə̄ḿ tə́. Yá̰a̰ gə̄ ń əngen̄ kemeé ní əsan̄ ō, a̰ȳn̄ ō. Gō tə́ anī ɔyn̄ gində̄ arjā̰a̰ ō, lɔ́r ō, kūbə̄ gə̄ ō aw̄ ɓɔ̄ɔ̄n̄. Ba télən̄ dɔ tə́ udən̄ kem kújə tandā kə́ rang tə́, ɔyn̄ yá̰á̰ kə́ kemeé gə̄ aw̄ ɓɔ̄ɔ̄n̄ ɓáý to̰.

TA KƏLA 34:27

Ngán Jakob kə́ dəngam gə̄ udən̄ dɔ nīń gə̄ tə́ ró̰ȳn̄ yá̰a̰ kənge gə̄ kə́ rɔ̄də́ tə́ ō, ɔyn̄ yá̰á̰ kə́ kem ɓēé gə̄ ō, tɔdɔ̄ Sisem əla rɔ̄sɔl̄ dɔ ngōkó̰ó̰də́ kə́ dəyá̰ tə́.

Gōsə̄ najə̄ gə̄ 1:19

Tām̄ ta tɔ̄l̄ ta ngé ɓogə gə̄ a to i tītə̄ ń noō: Ngé ɓogə gə̄ a oyn̄ i yo ɓogə.